Gold ATM: आता एटीएममधून सोनं काढा, देशातील पहिले गोल्ड एटीएम

आपण एटीएममधून (ATM) पैसे काढतो त्याप्रमाणेच आता एटीएममधून सोनंही (Gold) काढता येणार आहे.

देशात पहिल्यांदाच हैदराबादमध्ये (Hyderabad) रिअल टाईम गोल्ड एटीएम (India's First Real Time Gold ATM) बसवण्यात आलं आहे.

या एटीएममधून तुम्हाला क्रेडिट कार्ड (Credit Card) किंवा डेबिट कार्डचा (Debit Card) वापर करुन सोनं (Gold Purchase) खरेदी करता येणार आहे.

गोल्डसिक्का (Goldsikka Limited) कंपनीने हैदराबादमध्ये जगातील पहिलं सोन्याचं एटीएम बसवलं आहे. यामधून एटीएम सोन्याची नाणी काढता येतात.

या गोल्ड एटीएममधून 0.5 ग्रॅम पासून 100 ग्रॅमपर्यंत सोन्याची नाणी खरेदी करु शकता.

या एटीएममधून तुम्ही 0.5 ग्रॅम, 1 ग्रॅम, 2 ग्रॅम, 5 ग्रॅम, 10 ग्रॅम, 20 ग्रॅम, 50 ग्रॅम आणि 100 ग्रॅम अशाप्रकारे सोन्याची नाणी काढू शकता.

गोल्डसिक्का प्रायव्हेट लिमिटेड (Goldsikka Pvt Ltd) कंपनीने हैदराबाद स्थित स्टार्टअप कंपनी ओपनक्यूब टेक्नॉलॉजी प्रायव्हेट लिमिटेडच्या (OpenCube Technologies Pvt Ltd) साहाय्याने 3 डिसेंबर रोजी पहिलं गोल्ड ATM लाँच केलं आहे.

गोल्डसिक्का प्रायव्हेट लिमिटेड ही कंपनी सोने खरेदी-विक्रीचा व्यवसाय करते.

गोल्डसिक्का गोल्ड एटीएम मशीनमध्ये पाच किलो सोनं ठेवण्याची क्षमता आहे.

गोल्डसिक्का कंपनीचे उपाध्यक्ष प्रताप यांनी सांगितलं की, आम्ही सराफा व्यापारी आहोत. आमच्या सीईओंना एटीएम मशीनद्वारे सोन्याची नाणी काढण्याची नवीन संकल्पना सुचली. संशोधन केल्यावर आम्हाला ही संकल्पना सत्यात उतरवण्यास यश मिळाले आहे.