Heath Insurance Tips : आरोग्य विमा खरेदी करताना 'या' गोष्टींकडे द्या लक्ष

गेल्या काही वर्षांत, देशातील वैद्यकीय खर्च वेगाने वाढला आहे. त्यामुळे भारतात आरोग्य विम्याची मागणी वेगाने वाढली आहे.

तुम्हालाही भविष्यात आजाराशी संबंधित खर्चाच्या तणावातून मुक्त व्हायचे असेल, तर आजच आरोग्य विमा लवकरात लवकर घ्या.

तुम्हीही आरोग्य विमा घेण्याचा विचार करत असाल तर काही गोष्टी लक्षात ठेवणे आवश्यक आहे. यानंतर तुम्हाला हेल्थ क्लेम करण्याच्या वेळी कोणत्याही अडचणीचा सामना करावा लागणार नाही.

आरोग्य विमा खरेदी करताना, सर्वप्रथम तुमची विम्याची रक्कम काय आहे हे लक्षात ठेवा. लक्षात ठेवा की तुम्ही तुमच्या गरजेनुसार विम्याची रक्कम निवडावी, जेणेकरून तुमच्या भविष्यातील गरजा पूर्ण करता येतील.

आरोग्य विमा खरेदी करताना प्रतीक्षा कालावधी (Waiting Period) तपासणे फार महत्वाचे आहे. कमी Waiting Period आरोग्य विमा खरेदी करण्याचा प्रयत्न करा.

आरोग्य विमा खरेदी करताना, रुग्णालयाचे नेटवर्क तपासणे अत्यंत आवश्यक आहे.

कंपनीचे नेटवर्क जितके मोठे तितका आरोग्य विमा चांगला. चांगल्या आरोग्य विमा पॉलिसीमध्ये तुम्हाला कॅशलेस क्लेमची सुविधा मिळते.

आरोग्य विमा घेताना, विमा दाव्याचे प्रमाण तपासणे अत्यंत आवश्यक आहे. क्लेम रेशो दाखवते की कंपनी दावे सेटल करण्यात किती चांगली आहे.