EPFO 31 मार्च पर्यंत महत्त्वाचं एक काम पूर्ण करणार, जूनपासून बँकिंग प्रमाणं सेवा मिळणार, पैसे काढणं सोपं होणार

EPFO : ईपीएफओच्या तंत्रज्ञानासंदर्भातील अपग्रेडेशनचं काम येत्या 31 मार्चपर्यंत पूर्ण होईल. ईपीएफओ सध्या 2.0 प्रणालीचा वापर करतेय.

ईपीएफओ

कर्मचारी भविष्य निर्वाह संघटना केंद्रीकृत आयटी-सक्षम प्रणाली (CIETES 2.01) आणि ईपीएफओ 3.0 या प्रणालीचं काम 31 मार्च पर्यंत पूर्ण करणार आहे.

ईपीएफओशी संबंधित अधिकाऱ्यांच्या मतानुसार आटी सिस्टीमचं काम पूर्ण झाल्यानंतर त्याची चाचणी केली जाईल. या वर्षी जूनपासून ईपीएफओ सदस्यांना बँकिंग सारख्या सेवा ईपीएफओ खात्यातून मिळतील.

ईपीएफओच्या केंद्रीय न्यासी बोर्डाशी संबंधीत ईपीएफच्या कार्यकारी समितीची 112 वी बैठक मंगळवारी पार पडली. यामध्ये नव्या तंत्रज्ञानाचा वापर करण्यात आलेली ईपीएफओ 3.0 प्रणाली विकसित केली जाणार असल्याचं म्हटलंय.

पीएफ खातेदारांना पैशांची गरज लागल्यास त्यांना नवी प्रणाली लागू झाल्यानंतर बँकिंग व्यवस्थेप्रमाणं खात्यातून पैसे काढण्याची परवानगी असेल. याशिवाय कर्मचाऱ्यांना योगदान वाढवण्यासंदर्भात देखील सुविधा ऑनलाईन पद्धतीनं उपलब्ध करुन दिले जातील.

दरम्यान, ईपीएफओच्या सेंट्रल बोर्ड ऑफ ट्र्स्टीजची बैठक 28 फेब्रुवारीला होणार आहे. या बैठकीत व्याजदरासंदर्भात घोषणा केली जाईल.