Credit Card : क्रेडिट कार्डचा वापर करताना 'या' गोष्टी लक्षात ठेवा!

Credit Card : क्रेडिट कार्ड वापरताना विचारपूर्वक निर्णय घ्या, कारण चुकीचा वापर तुमच्या क्रेडिट हेल्थसाठी हानिकारक ठरू शकतं.

Credit Card

क्रेडिट कार्ड आजच्या जीवनात एक आर्थिक साधन बनलं आहे. रेस्टॉरंट बिल, ऑनलाइन शॉपिंग, आणि ट्रॅव्हल बुकिंगमध्ये याचा वापर केला जातो.

पण तुम्हाला माहित आहे का? प्रत्येक ठिकाणी क्रेडिट कार्डचा वापर नेहमी फायदेशीर ठरत नाही.

काही वेळा कार्ड वापरणे तुमच्या क्रेडिट हेल्थसाठी हानिकारक ठरू शकतं.

जर तुमची क्रेडिट लिमिट जवळ आली असेल तर नवीन व्यवहार टाळा. कारण लिमिटच्या जवळ खर्च केल्याने CIBIL स्कोर कमी होऊ शकतो.

क्रेडिट कार्डद्वारे कॅश विड्रॉल केल्यास बँक अतिरिक्त शुल्क आणि जास्त व्याज आकारते. म्हणून जर अतिआवश्यक असेल तरच याचा वापर करा.

Continues below advertisement

दर महिन्याला केवळ मिनिमम पेमेंट केल्याने उर्वरित रक्कमेवर व्याज लागते आणि हळूहळू कर्ज वाढत जातं. त्यामुळे शक्यतो संपूर्ण बिल वेळेत भरा.

महाग वस्तू फक्त क्रेडिटवर खरेदी करू नका. यासाठी आधीच पेमेंट प्लॅन ठरवा, जेणेकरून पुढील बिल भरण्याचा ताण कमी राहील.

संशयास्पद HTTPS नसलेल्या वेबसाइटवर कार्ड डिटेल्स देऊ नका कारण अशा साइट्सवर डेटा चोरी किंवा फसवणुकीचा धोका असू शकतो.

ड्यू डेट नंतर बिल भरण्याची सवय क्रेडिट स्कोर खराब करू शकते. लेट पेमेंटमुळे बँक दंड आकारते आणि व्याज वाढते.

जर आधीच कर्ज जास्त असेल, तर नवीन खर्च टाळा. शक्य असल्यास दैनंदिन व्यवहारांसाठी डेबिट कार्ड किंवा यूपीआय वापरा.

जर तुम्ही फायनान्शियल डिसिप्लिन पाळल्यास तर तुमचा क्रेडिट स्कोर चांगला राहू शकतो.

(टीप: वरील सर्व माहिती केवळ माहितीपुरती असून, एबीपी माझा यातील कोणत्याही आकडेवारीचा दावा करत नाही.)