PM Kisan : पीएम किसानच्या लाभार्थी शेतकऱ्यांची येत्या वर्षातील 6000 रुपयांची चिंता मिटली, सरकारनं अर्थसंकल्पात केली मोठी तरतूद

PM Kisan : पंतप्रधान किसान सन्मान निधी योजनेसाठी केंद्रीय अर्थमंत्री निर्मला सीतारामन यांनी अर्थसंकल्पात तरतूद केली. शेती क्षेत्रासाठी विविध घोषणा करण्यात आल्या.

पीएम किसान योजना

केंद्रीय अर्थसंकल्पात कृषी क्षेत्रासाठी सहा नव्या योजना निर्मला सीतारामन यांनी जाहीर केल्या. देशातील 100 जिल्ह्यांमध्ये पंतप्रधान धन धान्य कृषी योजना राबवण्यात येणार आहे.

निर्मला सीतारामन यांनी किसान क्रेडिट कार्डची पत मर्यादा 3 लाख रुपयांवरुन 5 लाख रुपयांवर नेली आहे. याचा लाभ 7.7 कोटी शेतकऱ्यांना होणार आहे.

केंद्रीय अर्थमंत्र्यांनी कापूस उत्पादकता मिशन जाहीर केलं आहे.तर, सिंचनाच्या व्यवस्थेला बळ देण्यासाठी पंतप्रधान कृषी सिंचन योजना राबवण्याची घोषणा केली आहे. 8260 कोटी रुपयांची तरतूद करण्यात आली आहे.

पीएम किसान सन्मान निधी योजनेतून शेतकऱ्यांना एका वर्षामध्ये 2 हजार रुपयांच्या तीन हप्त्यात 6 हजार रुपये दिले जातात. या योजनेसाठी केंद्र सरकारनं 63500 कोटी रुपयांची तरतूद करण्यात आली आहे.

याशिवाय राष्ट्रीय कृषी विकास योजना 8500 कोटी, कृषी उन्नती योजना 8000 कोटी रुपयांसह विविध योजनांसाठी तरतुदी केल्या आहेत.