Solar Eclipse 2026 : वर्षातल्या पहिल्या सूर्यग्रहणाला अवघे 48 तास बाकी; भारतात सूर्यग्रहणाचं सावट असणार? 'या' गोष्टी आवर्जून टाळा

Solar Eclipse 2026 : ग्रहण काळात आपण काही गोष्टींची काळजी घेणं महत्वाचं असतं. त्यामुळे ग्रहण काळात काय करावे आणि काय करु नये याबद्दल जाणून घेऊयात.

Solar Eclipse 2026

खगोलप्रेमींसाठी 2026 हे वर्ष अत्यंत खास ठरणार असून 2026 चे पहिले सूर्यग्रहण अवघ्या दोन दिवसांवर येऊन ठेपलंय.

पंचांगानुसार, मंगळवार, 17 फेब्रुवारी 2026 रोजी हे सूर्यग्रहण पार पडणार आहे. खगोलशास्त्रीय माहितीनुसार, हे ग्रहण दुपारी 3:26 वाजता सुरू होईल आणि संध्याकाळी 7:57 पर्यंत राहील. ते प्रामुख्याने अंटार्क्टिका, आफ्रिकेचा काही भाग आणि दक्षिण अटलांटिक महासागरावर दिसेल.

हे ग्रहण माघ अमावस्येच्या दिवशी होणार असून ते कंकणाकृती सूर्यग्रहण असणार आहे.

या काळात आरोग्य आणि आर्थिक बाबींमध्ये निष्काळजीपणामुळे नुकसान होऊ शकतं. कोणताही मोठा निर्णय घेण्यापूर्वी काळजीपूर्वक विचार करणं महत्वाचं आहे.

ग्रहण काळात आपण काही गोष्टींची काळजी घेणं महत्वाचं असतं. त्यामुळे ग्रहण काळात काय करावे आणि काय करु नये या संदर्भात अधिक माहिती जाणून घेऊयात.

Continues below advertisement

धार्मिक मान्यतेनुसार, ग्रहणाच्या वेळी काही गोष्टींची काळजी घेणं गरजेचं असतं. यावेळी सूर्य मंत्र किंवा महामृत्युंजय मंत्राचा जप शुभ मानला जातो.

तसेच, ग्रहण संपल्यानंतर स्नान आणि दान करणं फायदेशीर असून या काळात स्वयंपाक आणि कोणत्याही पदार्थांचं सेवन टाळा.

गर्भवती महिलांनी सूर्यग्रहणाच्या वेळी विशेष काळजी घेणं गरजेचं असून तीक्ष्ण किंवा टोकदार वस्तू वापरणं टाळावं. याचबरोबर ग्रहण काळात कोणतेही मोठे निर्णय घेणे टाळावे.

तसेच, कोणत्याही गोष्टीचा विचार न करता किंवा घरातील ज्येष्ठांचा विचार किंवा मत लक्षात न घेता मोठी गंतवणूक करु नये.

वादविवाद आणि नकारात्मक विचारांपासून दूर राहावे. हे सूर्यग्रहण भारतात दिसणार नाही आणि सुतक काळ वैध राहणार नाही.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)