Shani Mahadasha: शनीची महादशा अत्यंत धोकादायक; 19 वर्षे व्यक्तीला क्षणोक्षणी सहन करावा लागतो त्रास, 'हे' उपाय करा!

Shani Mahadasha: शनिदेव हे न्यायाचं दैवत मानलं जातं. असं म्हटलं जातं की, शनी देव लोकांना त्यांच्या-त्यांच्या कर्मानुसार फळ देतं. अशातच, शनीची महादशा खूप महत्त्वाची मानली जाते.

Shani Mahadasha

नऊ ग्रहांपैकी शनी महादशा ही सर्वाधिक काळ चालणारी महादशा आहे. शनीच्या महादशामध्ये व्यक्तीला त्याच्या कर्मांचं फळ मिळतं.

शनीची महादशा खूप क्लेशदायक असते. जिथे साडेसाती (Sadesati) सात वर्षांची आणि ढैय्या (Dhaiya) अडीच वर्षांची. तर शनी महादशा 19 वर्ष टिकते. त्यामुळे ते अत्यंत धोकादायक मानली जाते.

ज्याप्रमाणे प्रत्येक व्यक्तीच्या पत्रिकेत शनीची साडेसाती आणि ढैय्या दिसतात. त्याचप्रमाणे शनि महादशाही दिसते. शनीची महादशा माणसाला साडेसाती आणि ढैय्यापेक्षा जास्त त्रास देते.

शनीच्या महादशेच्या काळात व्यक्तीला खूप त्रास होतो आणि अनेक प्रकारच्या समस्यांना तोंड द्यावं लागतं.

शनिदेवाची महादशा देखील अधिक धोकादायक आणि वेदनादायक मानली जाते कारण एकीकडे शनीच्या साडेसातीचा प्रभाव सात वर्ष टिकतो तर दुसरीकडे ढैय्याचा प्रभाव अडीच वर्ष टिकतो.

दुसरीकडे, शनी महादशाचा कालावधी 19 वर्ष आहे. अशा परिस्थितीत ज्या व्यक्तीवर शनीची महादशी असते, त्यांना दीर्घकाळ त्रास सहन करावा लागतो.

शनी महादशेमुळे व्यक्तीची प्रतिष्ठा कमी होते, पैसा जातो, अपमान होतो, तणाव वाढतो, वाद होतात, मौल्यवान वस्तू हरवतात किंवा चोरीला जातात.

ज्योतिष शास्त्रानुसार, या सर्व समस्या शनी महादशेचं लक्षण मानलं जातं. मात्र यासोबतच शनी महादशेचा प्रभाव कमी करण्यासाठी उपायही सुचवण्यात आले आहेत.

शनीची महादशा चालू असेल तर शनिवारी पिंपळाच्या झाडाखाली मोहरीच्या तेलाचा दिवा लावून झाडाला तीन वेळा प्रदक्षिणा घालावी. तसेच, शनिदेवाच्या बीज मंत्राचा 108 वेळा जप करावा.

शनिवारी शनिदेवाशी संबंधित काळ्या रंगाच्या वस्तू जसं की उडीद डाळ, कपडे, घोंगडी, काळे तीळ, मोहरीचं तेल इत्यादी गरीब किंवा गरजूंना दान करावं. या कृतींमुळे शनि महादशेचा प्रभाव कमी होतो.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)