Premanand Maharaj: खरंच शिवलिंगावर पाणी अर्पण केल्याने सर्व त्रास दूर होतात? प्रेमानंद महाराजांनी जे काही सांगितलं, जाणून व्हाल थक्क..

Premanand Maharaj: प्रेमानंद महाराज हे एक कथाकार आहेत, त्यांचा एक व्हिडिओ सध्या सोशल मीडियावर व्हायरल होत आहे, ज्यामध्ये ते सांगत आहेत की शिवलिंगावर पाणी अर्पण केल्याने खरंच त्रास दूर होतात?

Premanand Maharaj hindu religion marathi news Does offering water on a Shivling really remove all problems

श्रावण महिना लवकरच सुरू होणार आहे, या काळात भगवान शिवाचे रूप म्हणून शिवलिंगाची पूजा केली जाते. शिवलिंगावर पाणी, गंगाजल, फळे, फुले, दूध, भांग, बेलपत्र, चंदन, धतुरा, तूप, दही, अक्षता, मध आणि तूप इत्यादी पदार्थ अर्पण केले जातात.

असे म्हटले जाते की श्रावणात शिवलिंगावर काही विशेष पदार्थ अर्पण केल्याने पापांपासून मुक्ती मिळते आणि जीवनातील समस्या कमी होऊ लागतात.

धार्मिक मान्यतेनुसार, शिवलिंगावर पाणी अर्पण करणे फायदेशीर आहे. परंतु शिवलिंगावर पाणी अर्पण केल्याने खरोखरच सर्व त्रास दूर होतात की ते फक्त एक मिथक आहे, याबद्दल अनेकांना गोंधळ आहे. जेव्हा एका भक्ताने भारतीय हिंदू संत आणि धर्मोपदेशक प्रेमानंद महाराजांना हा प्रश्न विचारला तेव्हा त्यांनी काय उत्तर दिले, जाणून घेऊया.

एका भक्ताने प्रेमानंद महाराजांना विचारले की 'शिवलिंगावर पाणी अर्पण केल्याने तसेच मंदिरात इच्छा पूर्ण करण्यासाठी केल्या जाणाऱ्या उपायांचे काही महत्त्व आहे का? की केवळ नामस्मरणानेच त्रास टाळता येतो?' या प्रश्नाचे उत्तर देताना बाबा म्हणाले,

प्रेमानंद महाराज म्हणाले, 'जेव्हा एखादी व्यक्ती भगवान शिवाला पाणी, बेलपत्र, धतुरा आणि इतर पूजा साहित्य अर्पण करते, मंत्र जप करते आणि नामस्मरण करते आणि आपल्या आजाराचा नाश करण्याची प्रार्थना करते तेव्हा त्याला फायदा होतो. जेव्हा तुम्ही तुम्हाला झालेल्या आजाराचे नाव घेता तेव्हा त्या आजाराचा परिणाम कमी होऊ लागतो.'

पुढे, प्रेमानंद महाराज म्हणाले, 'ही युक्ती नाही तर एक विधी आहे. भगवान शंकराकडे मागील जन्मात म्हणजेच प्रारब्धात केलेली पापे पुसून टाकण्याची शक्ती आहे.' जर तुम्ही शिवलिंगावर पाणी किंवा इतर पूजा साहित्य अर्पण केले तर त्याच्या प्रभावामुळे तुम्हाला पापांपासून मुक्तता मिळेल आणि जीवनातील समस्या देखील हळूहळू कमी होऊ लागतील.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)