Osmanabad : तुळजाभवानी देवीला आज चंद्रग्रहणावेळी सोवळ्यात ठेवणार; देवीच्या पूजा विधीच्या वेळेतही बदल

Osmanabad News : ग्रहण कालावधीत देवीच्या नित्योपचार धार्मिक पूजा विधीत बदल करण्यात आला आहे.

Osmanabad News

चंद्रग्रहणाच्या पार्श्वभूमीवर आज तुळजाभवानी मातेचा धार्मिक विधीच्या वेळेत बदल करण्यात आला आहे. तसेच रात्री 9.57 ते 1.30 या ग्रहण कालावधीत तुळजाभवानी मातेला शुभ्र श्वेत सोवळ्यात ठेवण्यात येणार आहे.

शिवाय ग्रहण कालावधीत देवीच्या नित्योपचार धार्मिक पूजा विधीत बदल करण्यात आला आहे. तसेच, ग्रहण सुटल्यानंतर सोमवारी पहाटे 1.30 वाजता पंचामृत स्नान , शुद्ध स्नान आरती आणि धुपारती होईल. तर सोमवारी सकाळी सहा वाजल्यापासून नित्याची पूजा होईल.

सायंकाळी साडेसहा वाजता अभिषेक पूजेची घाट होऊन अभिषेक पूजेस प्रारंभ होणार आहे. यावेळी केवळ सायंकाळी दोन सिंहासन पूजा घालण्यात येतील .

रात्री साडेसात वाजता अभिषेक पूजा संपवण्यात येणार आहे.रात्री साडेसात ते आठ या कालावधीत आरती धूपारती होईल.

रात्री आठ वाजता पौर्णिमेनिमित्त देवीची छबिना मिरवणूक काढण्यात येणार आहे.रात्री साडेआठ ते साडेनऊ वाजेपर्यंत जोगवा आणि प्राक्षळ पूजेनंतर मंदिर बंद केलं जाणार आहे. रात्री 9.30 ते 9.45 चरणतीर्थ असेल.

Continues below advertisement

रात्री नऊ वाजून 57 मिनिट ते दीड वाजेपर्यंत चंद्रग्रहण कालावधीत देवीला सोवळ्यात ठेवलं जाईल.

तर देवीची सकाळी नित्याची पूजा सोमवारी सकाळी सहा वाजता सुरू होईल