Ganesh Chaturthi 2025 : गणेश चतुर्थीला गणपती बाप्पा पहिल्यांदाच घरी बसणार असतील तर या गोष्टी लक्षात ठेवा!

27 ऑगस्ट रोजी प्रत्येक घरात गौरी नंदन गणेश विराजमान होणार आहेत. जर तुम्ही या गणेश चतुर्थीला बाप्पाची स्थापना करणार असाल तर काही खास गोष्टी लक्षात ठेवा, तेव्हा तुम्हाला पूजेचे फळ मिळेल.

Ganesh Chaturthi 2025

गणेश चतुर्थी हा एक महत्वाचा हिंदू सण आहे, ज्याला विनायक चतुर्थी किंवा गणेशोत्सव असेही म्हणतात. हा सण श्रावण महिन्यात साजरा केला जातो. या दिवशी गणपती बाप्पांची मूर्ती घरी आणून स्थापना केली जाते आणि10 दिवस त्यांची भक्तीभावाने पूजा केली जाते.

गणेश चतुर्थी हा दिवस गणपती बाप्पांच्या जन्माचा दिवस आहे.या दिवशी, गणपती बाप्पांना विघ्नहर्ता आणि सुखकर्ता म्हणून पूजले जाते.गणपती बाप्पांना मोदक, लाडू आणि इतर नैवेद्य अर्पण केले जातात.

गणेश चतुर्थीसाठी, लोक घरांची स्वच्छता करतात आणि बाप्पांच्या आगमनाची तयारी करतात.गणपती बाप्पांच्या मूर्तीची प्रतिष्ठापना करण्यासाठी मंडप उभारला जातो.

जर तुम्ही गणेश चतुर्थीला घरी बाप्पाची स्थापना करणार असाल, तर मातीची गणपती बाप्पांची मूर्ती घरी आणा. लक्षात ठेवा, बाप्पाची सोंड उजव्या बाजूला असावी, बाप्पा बसलेल्या अवस्थेत असावेत आणि त्यासोबत उंदीरमामा देखील असावे.

एकदा गणपती बाप्पांची मूर्ती स्थापन केली की, ती हलवू नका. ती मूर्ती फक्त विसर्जनाच्या वेळीच हलवता येते.

बाप्पांची स्थापना करताना, लक्षात ठेवा की मूर्ती दाराकडे तोंड करून नसावी. गणपतीची स्थापना करण्यासाठी ब्रह्म स्थान, पूर्व दिशा आणि ईशान्य कोपरा शुभ मानला जातो. चुकूनही दक्षिण किंवा नैऋत्य दिशेने त्याची स्थापना करू नका.

बरेच लोक1,3,5 किंवा 10 दिवसांसाठी गणपतीची स्थापना करतात. घरात जितके दिवस गणपती बाप्पांची स्थापना केली जाते तितके दिवस सकाळी आणि संध्याकाळी बाप्पांची आरती करा आणि त्यांना नैवेद्य अर्पण करा.

जोपर्यंत बाप्पा घरात आहेत, तोपर्यंत घर रिकामं ठेवू नका आणि जिथे त्यांची स्थापना केली आहे ती जागा अंधारात ठेवू नका. दररोज घर स्वच्छ ठेवा, मांसाहारी अन्न घरात आणू नका, खाऊ नका.

बाप्पाला घरी आणताना किंवा मूर्ती खरेदी करताना, मूर्ती तुटलेली नाही याची विशेष काळजी घ्या. तुटलेल्या मूर्तीची पूजा करण्यास मनाई आहे.(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)