Ganeshotsav 2025 : सरकारने नाकारली परवानगी म्हणून एकादशीला होते श्रींची स्थापना; माजलगावच्या टेंबे गणपतीची अनोखी परंपरा 125 वर्षानंतरही कायम

Ganeshotsav 2025 : तत्कालीन निझाम सरकारने परवानगी नाकारल्याने या गणपतीची स्थापना भाद्रपद एकादशीच्या दिवशी आणि विसर्जन पाच दिवसांनी पौर्णिमेला करण्यात येते.

Ganeshotsav 2025

नवसाला पावणारा गणपती म्हणून ख्याती असलेल्या बीडच्या माजलगाव येथील निजामकालीन टेंबे गणपतीची स्थापना करण्यात आलीय.

तत्कालीन निझाम सरकारने परवानगी नाकारल्याने या गणपतीची स्थापना भाद्रपद एकादशीच्या दिवशी आणि विसर्जन पाच दिवसांनी पौर्णिमेला करण्यात येते.

यंदा या गणपतीचे 125 वे वर्ष आहे.काल एकादशीच्या दिवशी या गणपतीची मिरवणूक काढून स्थापना करण्यात आली.

तत्कालीन निझाम सरकारने या गणपती मिरवणुक अडवली होती,त्यामुळे सदस्यांनी मिरवणूक अडविलेल्या ठिकाणाहून घोड्यावर जात हैदराबादहून स्थापना करण्याची परवानगी आणली.

याच कारणामुळे पाच दिवस गणपती त्याच ठिकाणी थांबविण्यात आला होता. स्थापनेपासूनच या गणपतीची मूर्ती माती,शेण,चिखल,सारवणाच्या मिश्रणातून साकारली जाते.

Continues below advertisement

एवढी वर्षे लोटली,काळ बदलला तरीदेखील इकोफ्रेंडली मूर्तीची परंपरा मंडळाने आजही टिकविलेली आहे.