Pitru Paksha 2025 : पितृ पक्षात 'ही' 6 कामं करु नका, पितर होतील नाराज!

Pitru Paksha 2025 : पितृपक्षाच्या दिवसात पितर आपल्या कुटुंबियांना आशीर्वाद देण्यासाठी पृथ्वीवर येतात. त्यांच्या आत्म्याला शांती मिळावी यासाठी पूजा-अर्चा, तर्पण केलं जातं.

Pitru Paksha 2025

हिंदू धर्मशास्त्रानुसार, उद्यापासून म्हणजेच 7 सप्टेंबर 2025 पासून पितृपक्षाला (Pitru Paksha) सुरुवात होणार आहे.

मान्यतेनुसार, या 15 दिवसांत पितर आपल्या कुटुंबियांना आशीर्वाद देण्यासाठी पृथ्वीवर येतात. त्यांच्या आत्म्याला शांती मिळावी यासाठी पूजा-अर्चा, तर्पण केलं जातं.

वैदिक शास्त्रानुसार, पितृपक्षात काही नियमांचं पालन करणं गरजेचं आहे. त्यामुळेच, पितृपक्षात काय करावं आणि काय करु नये हे जाणून घेऊयात.

पितृपक्षात कोणतंही शुभ कार्य जसे की, विवाह, गृहप्रवेश, नवीन व्यवसायाची सुरुवात करु नये.

पितृपक्षात कोणाशीही खोटं बोलू नका. तसेच, अपशब्द वापरु नका.

पितृपक्षाच्या दरम्यान मद्यपान, पान, वांगी, कांदा, मांसाहारी पदार्थ, पांढरे तीळ, दुधी, मुळा, लसूण, शिळे अन्न, मसूर डाळ, काळं मीठ यांसारख्या पदार्थांचं सेवन वर्जित मानलं जातं.

पितृपक्षात पितरांचं तर्पण करण्यासाठी काळ्या तिलाच वापर करा पांढऱ्या तिळाचा चुकूनही वापर करु नका.

तसेच, श्राद्धाचं जेवण बनवण्यासाठी लोखंडाच्या भांड्याचा वापर करु नका.

पितृपक्षात पितरांसाठी जे काही अन्नपदार्थ बनवाल ते आधी चाखून पाहू नका. तसेच, या काळात तुमच्या दारापाशी जर गाय, ब्राह्मण, कुत्रा किंवा भिकारी, गरीब व्यक्ती दिसल्यास त्यांचा अपमान करु नका.

पितरांच्या तर्पणासाठी दुपारची वेळ उत्तम आहे. यासाठी ब्रह्म मुहूर्तात श्राद्ध करु नका.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)