Dharashiv : तुळजाभवानी मंदिरातील 35 वर्षांपासून बंद असलेला नैसर्गिक झरा पुन्हा नव्याने सुरु; भाविकांमध्ये आनंदाचं वातावरण, पाहा फोटो

Dharashiv : तुळजाभवानी मंदिर संस्थानच्या वतीने सध्या मंदिर परिसरातील विविध विकासकामे सुरू आहेत.

Dharashiv

त्यापैकीच एक असलेल्या श्री गोमुख तीर्थकुंडाचे काम सुरू असून श्री गोमुख तीर्थकुंडाला पुरातन रूप देण्यात येत आहे.

तीर्थकुंडाचे काम सुरू असताना 1988 पासून बंद असलेला नैसर्गिक झरा पुन्हा नव्याने सुरू झाला आहे. 35 वर्षापासून हा झरा बंद होता.

पाण्यातील क्षारामुळे झऱ्याचा नैसर्गिक मार्ग बंद झाला होता तसेच झऱ्याच्या मार्गात 1986 सालची नाणी आढळून आली आहेत.

झऱ्याच्या मार्गातील क्षार आणि आसपासचा थर काढण्यात आला आहे. तसेच, झऱ्याच्या मार्गातील जुनी नाणी काढण्यात आल्यानंतर 35 वर्षापासून बंद असलेला झरा पुन्हा एकदा नव्याने सुरू झाला आहे.

त्यामुळे श्री तुळजाभवानी देवींच्या भक्तामध्ये आनंदाचे वातावरण आहे.बालाघाटच्या डोंगर रांगातील पाणी नैसर्गिकरित्या या झऱ्यातून देवीच्या मंदिरात पोहोचते.