Aashadhi Wari 2024 : 'गण गणात बोते'च्या गजरात संत गजानन महाराजांच्या पालखीचं अकोल्यात आगमन; भक्तांमध्ये उत्साह

गजानन महाराजांच्या पालखीच्या आगमनानिमित्त अकोल्यात दोन दिवस अक्षरश: दिवाळी साजरी असते.

संत गजानन महाराजांची पालखी काल आणि आज अकोल्यात मुक्काम करणार आहे.

सोमवारी सकाळी पालखी अकोल्यावरून पुढच्या प्रवासाला निघणार आहे.

13 जूनला शेगावातून निघालेल्या गजानन महाराजांच्या पालखीचे नागझरी, पारस आणि भौरदमार्गे काल सकाळी अकोल्यात आगमन झालं आहे.

शहरातील डाबकी रोडवर गजानन महाराज स्वागत समितीच्या वतीने महाराजांच्या पालखीचे स्वागत करण्यात आलं आहे.

गजानन महाराजांच्या पालखीचं हे 55 वे वर्ष आहे.यावर्षी पालखीत 650 वर वारकऱ्यांचा समावेश आहे.

विशेष म्हणजे दरवर्षी सारखाच यावर्षीही वारीमध्ये तरुणांचा सहभाग लक्षणीय आहे.

एकूणच वारीमध्ये वारकऱ्यांचा उत्साह हा पाहण्यासारखा आहे.