कांदा निर्यातबंदी! दरात मोठी घसरण, शेतकरी चिंतेत

सध्या कांद्याच्या (Onion) मुद्यावरुन राज्यातील वातावारण चांगलचं तापलं आहे. कारण केंद्र सरकारनं कांद्याच्या निर्यातीवर बंदी (Onion Export Ban) घातली आहे.

सरकारच्या कांदा निर्यातबंदीच्या निर्णयानंतर कांद्याच्या दरात घट झाली आहे.

कांदा निर्यातबंदीमुळं कांद्याच्या दरात घसरण झाली आहे. यामुळं सर्वसामान्यांना दिलासा मिळाला आहे. मात्र, दुसरीकडे शेतकऱ्यांन या निर्णयाचा मोठा फटका बसत आहे.

केंद्र सरकारनं सरकारने 7 डिसेंबर रोजी कांद्याच्या निर्यातीवर बंदी घातली होती. यानंतर घाऊक बाजारात कांद्याचे भाव जवळपास 50 टक्क्यांनी घसरले आहेत

खरीप कांद्याचा पुरवठा वाढल्यानं येत्या आठवडाभरात भाव स्थिर राहण्याची किंवा किंचित घट होण्याची शक्यता व्यापाऱ्यांनी व्यक्त केली आहे.

एपीएमसीच्या आकडेवारीनुसार, लासलगाव एएमपीसीमध्ये कांद्याची सरासरी घाऊक किंमत 20 ते 21 रुपये प्रति किलो आहे.

निर्यातबंदीच्या आधी कांदा 39 ते 40 रुपये प्रति किलो होता. सध्या कांदा 20 ते 21 रुपयांवर गेला आहे.

सरकारनं कांद्याच्या निर्यातीवरील बंदी उठवावी अशी मागणी शेतकऱ्यांनी केली आहे. यासाठी ठिकठिकाणी आंदोलने सुरु आहेत.

निर्यातबंदीनंतर सरासरी किंमत 47 टक्क्यांनी कमी झाली आहे. तर सर्वोच्च किंमत 44 टक्क्यांनी कमी झाली आहे.