Stephen Hawking Birth Anniversary : जगप्रसिद्ध भौतिकशास्त्रज्ञ प्रा. स्टीफन हॉकिंग (Stephen Hawking) यांची आज जयंती. 2018 साली त्यांचं वयाच्या 76 व्या वर्षी निधन झालं. बिग बँग थिअरी, कृष्णविवरावरील हॉकिंग यांचं संशोधन भौतिकशास्त्रासाठी मोठं योगदान आहे.  स्टीफन हॉकिंग यांना वयाच्या 21 व्या वर्षी amyotrophic lateral sclerosis (ALS)या Neurodegenerative Disease ने ग्रासले होते. हळूहळू त्यांची हालचाल मंदावली. बोलण्याची क्षमता त्यांनी गमावली. पण 1980 साली MIT engineer Dennis Klatt यांनी तयार केलेल्या कम्प्युटर जनरेटेड व्हॉईस द्वारा त्यांनी संभाषण सुरू ठेवले.  


स्टीफन हॉकिंग हे जगभरातील अभ्यासकांचे प्रेरणास्त्रोत होते.  हॉकिंग बोलणारं एक एक वाक्य हे प्रेरणादायी विचार म्हणून नोंदलं गेलं आहे. स्टीफन हॉकिंग यांनी ब्लॅकहोल म्हणजे कृष्णविवर आणि बिग बँग सिद्धांत समजून घेण्यात महत्त्वाचे योगदान दिले. त्यांना 12 मानद पदव्या आणि अमेरिकेचा सर्वोच्च नागरी पुरस्कार प्रदान करण्यात आला होता.


स्टीफन हॉकिंग म्हणायचे, मला माझ्या आयुष्यातली सर्वात आनंदी गोष्ट वाटते ती म्हणजे मी विश्व समजून घेण्यात माझी भूमिका बजावली. ब्रह्मांडाची गुपिते लोकांसमोर उलगडून त्यावर केलेल्या संशोधनाला हातभार लावला. जेव्हा लोकांना माझे काम जाणून घ्यायचे असते तेव्हा मला अभिमान वाटतो, असं त्यांनी म्हटलं होतं. ही आणि अशी त्यांची अनेक वाक्य म्हणजे प्रेरणास्त्रोत आहेत. 


स्टीफन हॉकिंग यांचे काही महत्वाचे विचार



  1. आपल्या आयुष्यामध्ये जर गमती नसतील तर आयुष्य एक शोकांतिका ठरेल 

  2. जरी मी हालचाल करु शकत नसलो, मला बोलण्यासाठी कॉम्प्युटरची मदत घ्यावी लागत असली, तरीही मी माझ्या मनातून मुक्त आहे

  3.  नेहमी आकाशातील ताऱ्यांकडे पाहा, आपल्या पायाखाली पाहू नका. जे पाहाल, त्याचा अर्थ समजण्याचा प्रयत्न करा. कुतूहल जागरुक ठेवा.

  4. आयुष्य कितीही कठीण असलं तरी, त्यावर तुम्ही मात करु शकताच. तुम्ही यशस्वी व्हाल!

  5. आपल्याला जे जे करता येईल ते सर्व करायला हवं. मात्र जे आपल्या हातात नाहीत, त्याबाबत पश्चाताप करु नये

  6. दिव्यांगांना माझा सल्ला आहे, तुम्ही त्या गोष्टींवर लक्ष द्या, ज्या करण्यापासून तुम्हाला तुमचं अपंगत्व रोखू शकणार नाही, किंवा तुमचं अपंगत्व त्याआड येणार नाही. लक्षात ठेवा आत्म्या आणि शरीर दोन्हीही अपंग होऊ देऊ नका.

  7. आक्रमकता मनुष्याची सर्वात वाईट सवय आहे. आक्रमकता सभ्यतेचा नाश करते.

  8. कधीही करु शकत नाही असं काहीही नाही 

  9. जे आपल्या बुद्ध्यांकाबद्दल/ IQ बद्दल दावा करतात, ते अयशस्वी असतात

  10. ब्रह्माण्डापेक्षा मोठं आणि जुनं काहीच नाही