Israel-Palestine War Update : इस्रायल आणि पॅलेस्टाईन (Israel-Palestine Conflict) यांच्यातील युद्धाचा आज पाचवा दिवस आहे. दोन्ही बाजूंनी हल्ले केले जात आहेत. इस्रायल लष्कर हमासचं अस्तित्व मिटवण्यासाठी सज्ज झाले आहेत. आता इस्रायलने पॅलेस्टिनी दहशतवादी संघटना हमासच्या दहशतवाद्यांची हिटलिस्ट तयार करण्यात आली आहे. इस्रायल लष्कर आता एक-एक करून या दहशतवाद्यांच्या खात्मा करणार आहे. या हिटलिस्टमध्ये टॉपवर हमास संघटनेचा प्रमुख इस्माइल हानियह हा आहे. इस्माइल हानियह इस्रायलवरील हल्ल्यामागे याचा हात असल्याचं सांगितलं जात आहे.
इस्रायलकडून हमासच्या म्होरक्यांची हिटलिस्ट तयार
हमासकडून हवाई हल्ले सुरु असून इस्रायलमध्ये घुसूनही नागरिकांवर हल्ले केले जात आहेत. तर इस्रायल लष्कराकडूनही गाझा पट्टीत जोरदार हल्ले केले जात आहेत. गाझामधून इस्रायलवर अनेक रॉकेट डागले जात आहेत, ज्यांचं प्रत्युत्तर करणं इस्रायलसाठी अवघड जाता दिसत आहे. यामुळे आता इस्रायल लष्कराने हमासच्या कमांडरांची हिटलिस्ट तयार करण्यात आली असून त्यांना कंठस्नान घालण्याची तयारी सुरु आहे. या ऑपरेशनसाठी इस्रायल लष्कर डेथ स्क्वॉड तयार करत आहे. इस्रायली डेथ स्क्वॉड हमासच्या म्होरक्यांचा खात्मा करणार आहे.
दहशतवाद्यांचा शोधून खात्मा करणार
हमासच्या कमांडर्सची हिटलिस्ट तयार करण्यात आली असून त्यांना शोधून मारलं जाईल, असा दावा इस्रायली सुरक्षा यंत्रणांनी केला आहे. हल्ले कधी, कुठे आणि कसे होतील याबाबत कोणतीही माहिती देण्यात आलेली नाही. इस्रायली हिटलिस्टमध्ये पहिल्या क्रमांकावर हमासचा प्रमुख इस्माइल हानियह आहे. इस्नायलनेचं इस्रायलवरील प्राणघातक हल्ल्याचा कट रचला, ज्याला त्याने 'अल अक्सा पूर' असं नाव दिलं. या यादीत याह्या सिनवारच्या नावाचाही समावेश आहे. सिनवार गाझामधील हमासचा मुख्य कमांडर असून इस्रायलवरील या हल्ल्याचाही कमांडर आहे.
मोहम्मद दाईफ आणि ओबेदा हिटलिस्टमध्ये
या यादीतील तिसरं नाव हमासचे नेते मोहम्मद दाईफचं आहे. इस्रायलने याआधीही मोहम्मद दाईफला पाचवेळा ठार मारण्याचा प्रयत्न केला आहे. या हल्ल्यांमध्ये मोहम्मद दाईफला एक डोळा, एक हात आणि दोन्ही पाय गमवावे लागले. इस्रायलने केलेल्या हल्ल्यात मोहम्मद दाईफची पत्नी आणि त्यांची दोन मुलेही मारली गेली, पण तो मात्र बचावला. हमासने केलेल्या हल्ल्याचा मुख्य सूत्रधार (Mastermind) मोहम्मद दाईफ असल्याचा इस्रायलचा दावा आहे. आईक्यूबी (IQB) चा प्रवक्ते अबू ओबेदाचं नावही या हिटलिस्टमध्ये आहे.
हमासच्या 15 कमांडरची हिटलिस्ट
हमासचे 15 कमांडर गाझा पट्टीवर नियंत्रण ठेवत असल्याचं सांगितलं जात आहे. हमासचा प्रमुख इस्माइल हानियह आहे. निवडणूक आणि एका कौन्सिलच्या माध्यमातून हमासचे कमांडर निवडले जातात. डेली मेलच्या वृत्तानुसार, IQB ही हमासची लष्करी शाखा आहे. मारवान इसा आणि मोहम्मद डेफ यांच्या नेतृत्वाखाली हमासची लष्करी शाखा चालवली जाते.
महत्वाच्या इतर बातम्या :