मुंबई : अभिनेत्री विद्या बालनचा आगामी चित्रपट 'शकुंतला देवी'चा ट्रेलर रिलीज झाला आहे. या सिनेमात विद्या बालन मॅथेमॅटिशियन (गणित तज्ज्ञ) शकुंतल देवी यांच्या भूमिकेत दिसणार आहे. सिनेमाच्या ट्रेलरमध्ये दिसलेला विद्या बालनचा लूक तिच्या मागील चित्रपटांपेक्षा एकदम वेगळा आहे. सिनेमात 'दंगल गर्ल' सान्या मल्होत्रा, अमित साध मुख्य भूमिकेत झळकणार आहेत. 'ह्युमन कॉम्युटर' नावाने प्रसिद्ध गिनिज बूक ऑफ वर्ल्ड रेकॉर्ड होल्टर शकुंतला देवी यांच्या व्यक्तिगत आयुष्य आणि त्यांनी आयुष्यात मिळवलेलं यश हा प्रवास सिनेमात उलगडला जाणार आहे.
सान्या मल्होत्रा सिनेमात विद्या बालनच्या मुलीची भूमिका साकारत आहे. तर अमित साध सान्याचा लव्ह इंटरेस्ट म्हणून दिसणार आहे. शकुंतला देवी यांचा यशाचा प्रवास सरळ नाही तर खडतर होता, हे सिनेमाच्या ट्रेलरमधूनही दिसत आहे. त्यासाठी त्यांनी काय-काय केलं हे सिनेमात दाखवलं जाणार आहे. गणिततज्ज्ञ नंतर गिनिज बुक ऑफ वर्ल्ड रेकॉर्ड होल्डर नंतर ह्युमन कॉम्युटर या महत्त्वाच्या टप्प्यांचा मजेशीर प्रवास आणि त्यात असलेले इतर अडथळे या सिनेमात उलगडणार आहेत.
विद्या बालनने आपल्या भूमिकेबाबत सांगितलं की, मोठ्या पडद्यावर ह्युमन कॉम्प्युटर शकुंतला देवी यांनी भूमिका साकारताना मला खूप आनंद झाला. शकुंतला देवी या सशक्त स्त्रीवादाचा आवाज होत्या. यशाच्या शिखरापर्यंत पोहोचण्यासाठी त्यांना अनेक आव्हानांचा सामना करावा लागला.
शकुंतला देवी सिनेमा थिएटरमध्ये नाही तर ओटीटी प्लॅटफॉर्म अॅमेझॉन प्राईमवर रिलीज होईल. सिनेमाचा डिजिटल प्रीमियर 31 जुलैला असणार आहे. सिनेमाची कथा अनू मेनन आणि नयनिका महतानी यांनी लिहिली आहे. तर डायलॉग इथिता मोइत्रा यांनी लिहिले आहेत.