Urfi Javed On Khatron Ke Khiladi : रोहित शेट्टीचा (Rohit Shetty) 'खतरों के खिलाडी' (Khatron ke Khiladi 13) हा छोट्या पडद्यावरील साहसी कार्यक्रम आहे. लवकरच या कार्यक्रमाचं नवं पर्व प्रेक्षकांच्या भेटीला येणार आहे. नव्या पर्वात उर्फी जावेद (Urfi Javed) सहभागी होणार असल्याची चर्चा होती. पण नुकत्याच समोर आलेल्या माहितीनुसार, 'खतरों के खिलाडी 13'मध्ये उर्फी जावेद सहभागी होणार नाही.
'या' कारणाने उर्फीने नाकारला 'खतरों के खिलाडी'
मीडिया रिपोर्टनुसार, 'खतरों के खिलाडी' या कार्यक्रमासाठी निर्मात्यांनी उर्फी जावेदला विचारणा केली होती. या कार्यक्रमामध्ये सहभागी होण्यासाठी उर्फी उत्सुक होती. पण 'खतरों के खिलाडी'आधी उर्फीला एका मोठ्या प्रोजेक्टसाठी विचारणा झाली होती आणि त्या प्रोजेक्टसाठी उर्फीने होकार दिला होता. त्यामुळे आता उर्फीने 'खतरों के खिलाडी' या कार्यक्रमासाठी नकार दिला आहे. सध्या नव्या प्रोजेक्टसाठी उर्फी उत्सुक असून लवकरच ती यासंदर्भात घोषणा करेल.
'खतरों के खिलाडी 13' कधीपासून सुरु होणार?
'खतरों के खिलाडी' या कार्यक्रमाचं आजवर परदेशात शूटिंग झालं आहे. या पर्वासाठी देखील रोहित शेट्टी स्पर्धकांना घेऊन परदेशात जाणार असल्याची चर्चा आहे. येत्या 17 जुलैला 'खतरों के खिलाडी 13'चा प्रीमियर होणार असल्याचा अंदाज आहे. 'खतरों के खिलाडी 13'साठी अंकित गुप्ता, अर्चना गौतम, शिव ठाकरे, हर्षद चोप्रा, एमसी स्टॅन आणि नकुल मेहताला विचारणा झाल्याचं म्हटलं जात आहे.
'खतरों के खिलाडी'च्या तेराव्या पर्वात (Khatron ke Khiladi 13) अनेक दर्जेदार स्पर्धक सहभागी होणार आहेत. एकापेक्षा एक असणाऱ्या स्पर्धकांची खेळी पाहायला चाहतेदेखील उत्सुक आहेत. दुसरीकडे उर्फी जावेद 'खतरों के खिलाडी 13'मध्ये सहभागी होणार नसल्याने तिचे चाहते नाराज झाले आहेत.
उर्फी जावेद छोट्या पडद्यावरील लोकप्रिय अभिनेत्री आहे. तिने 'बिग बॉस ओटीटी' या कार्यक्रमासह 'दुर्गा', 'सात फेरों की हेराफेरी', 'बेहनाह', 'जीजी मां', 'डायन, 'कसौटी', 'जिंदगी' अशा अनेक मालिकांमध्ये काम केलं आहे. आपल्या बोल्ड फॅशन आणि हटके स्टाईलमुळे उर्फी नेहमीच चर्चेत असते. उर्फी सोशल मीडियावर वेगवेगळे फोटो शेअर करत चाहत्यांना घायाळ करत असते.
संबंधित बातम्या