मध्य भारत आणि पश्चिम किनाऱ्यावर वरुणराजाची चांगलीच कृपादृष्टी राहणार असल्याचं स्कायमेटने सांगितलं आहे. मात्र महाराष्ट्र आणि मध्यप्रदेशच्या काही भागात अतीवृष्टीही होऊ शकते.
स्कायमेटच्या माहितीनुसार, देशभरात जून ते ऑक्टोबर दरम्यान होणाऱ्या पावसाचं सरासरी प्रमाण 887 मिमी इतकं असण्याची शक्यता आहे. जूनमध्ये सरासरीपेक्षा कमी तर जुलैमध्ये सरासरीपेक्षा जास्त पाऊस होण्याची अंदाज आहे. तसंच यावर्षी अल निनोचा भारतातील मान्सूनवर विपरीत परिणाम होणार नाही.