Ulhasnagar latest news in marathi : उल्हासनगरमध्ये सध्या साड्यांचा एक आगळावेगळा सेल लागलाय. या सेलमध्ये अवघ्या 25 रुपयात साडी मिळतेय. या साड्या खरेदी करण्यासाठी महिला गर्दी करतायत. उल्हासनगरच्या गजानन मार्केट परिसरात असलेल्या रंग क्रिएशन या साड्यांच्या दुकानात हा सेल लागलाय. यामध्ये अवघ्या २५ रुपयात साडी मिळणार आहे. मात्र यासाठी आधारकार्ड कंपल्सरी असून एका महिलेला एकच साडी दिली जातेय. या साड्या घेण्यासाठी महिला गर्दी करतायत. या दुकानात २५ रुपयांच्या साड्यांव्यतिरिक्त अन्यही साड्या विक्रीसाठी आहेत. मात्र गोरगरिबांचा फायदा झाला पाहिजे या सामाजिक भावनेतून हा सेल सुरू करण्यात आल्याचं दुकानमालकांचं म्हणणं आहे.
गेल्या अनेक वर्षांपासून असच सामाजिक बांधिलकी जपत अश्विन ने हा सेल सुरू ठेवला आहे, दर वर्षी ह्याच पद्धतीने गोरगरीब आणि गरजू लोकांसाठी अल्पदरात साड्यांचा सेल लावतात, तर गेल्या 2019 मध्ये फक्त 10 रुपयात साडी सेल लावल्याने हजारोंच्या संख्येने महिलांनी या दुकानासमोर गर्दी केली होती, मुंबई, ठाणे, पुणे, नाशिक, पालघर, अहमदनगर हुन महिला या 10 रुपयाची साडी घेण्यासाठी प्रचंड गर्दी केली होती, अक्षरशः चेंगराचेंगरी ची परिस्थिती झाली होती, शेवटी पोलिसांना हस्तक्षेप करावा लागला, वेळीच पोलिसांनी सूत्र हाती घेत दुकान मालकाला सौजन्याने समजवल्यानंतर मग तातडी ने हा सेल त्यावेळेस बंद करण्यात आला होता.
मात्र यावर्षी पुन्हा साड्यांचा सेल लावण्याचा निर्णय घेतला आणिते ही फक्त 25 रुपयात, जर बघायला गेलं तर 25 रुपयात एक किलो टोमॅटो, साखर, किंवा इतर जीवनावश्यक वस्तू भेटत नाही, त्याचबरोबर वडा पाव असो की तुमचा आमचा आवडत गरमागरम चहा सुद्धा 25 रुपये पर्यंत पाहोचलाय, अस असताना फक्त सामाजिक बांधिलकी म्हणून या भूमीपुत्रांनी अस हा आगळा वेगळा साड्यांचा सेल सुरू केलाय, चला तर आधार कार्ड सोबत घ्या आणि आपल्या मनपसंत साडी घ्या ते ही फक्त 25 रुपयात.