मृतांच्या कुटुंबीयांना प्रत्येकी पाच लाख रुपये मदत, जखमींवर शासकीय खर्चाने उपचार : मुख्यमंत्री

01/08/2023 12:59:29

नवयुगा इंजीनियरिंग कंपनीचे स्थानिक कॉन्ट्रॅक्टर आणि गर्डर लॉन्च करणाऱ्या VSL कंपनीच्या स्थानिक कॉन्ट्रॅक्टर विरोधात गुन्हा दाखल

Samruddhi Mahamarg Thane Shahapur accident : नवयुगा इंजीनियरिंग कंपनीचे स्थानिक कॉन्ट्रॅक्टर आणि गर्डर लॉन्च करणाऱ्या व्ही एस एल कंपनीच्या स्थानिक कॉन्ट्रॅक्टर विरोधात गुन्हा दाखल करण्यात आला आहे. शहापूर पोलीस स्थानकात गुन्हा दाखल करण्यात आला आहे. कलम 304 अ, 337, 338 आणि 34 अंतर्गत गुन्हा दाखल करण्यात आला आहे. या कंपनीच्या कॉन्ट्रॅक्टरच्या निष्काळजी आणि हलगर्जीपणामुळं कामगारांचा मृत्यू झाला आहे. कामगारांच्या मृत्यूला कारणीभूत झाल्याने हा गुन्हा दाखल करण्यात आला आहे. जखमी असलेल्या प्रेम प्रकाश साव यांच्या तक्रारीवरून गुन्हा दाखल करण्यात आला आहे.

01/08/2023 11:29:11

काही करण्याआधीच 35 मीटर वरुन आम्ही खाली कोसळलो, जखणी कर्मचाऱ्याने सांगितला थरार

Samruddhi Mahamarg Thane Shahapur accident : भूतकाळात कधी शहापूर रुग्णालयात एवढे मृतदेह एकत्र आले नव्हते अशी परिस्थिती आज शहापूर रुग्णालयाची आहे

समृद्धी महामार्गावर घडलेल्या घटनेचा प्रत्यक्षदर्शी यांच्याशी बातचीत केले असता त्यांनी सांगितलं मला स्थानिक नागरिकांनी जीवनदान दिलं

तर हे संपूर्ण घटना अचानक घडली काही करण्याआधीच 35 मीटर वरून खाली आम्ही कोसळलो ढिकाऱ्याखाली माझे अनेक साथीदार होते अशी माहिती जखमी कर्मचाऱ्याने दिली.

01/08/2023 10:26:46

Shahapur accident : घटनेची सखोल चौकशी केली जाणार : मंत्री रविंद्र चव्हाण

काल रात्री साडेअकराच्या सुमारास समृद्धी महामार्गाचे शहापूरमध्ये काम सुरू असताना दुर्दैवी दुर्घटना घडली आहे...

या घटनांमध्ये 17 मजुरांचे मृत्यू झाल्याची माहिती मंत्री रवींद्र चव्हाण यांनी दिली. काहीजण अजून आत मध्ये अडकले आहेत त्यांच्या शोध NDRF च्या माध्यमातून सुरू आहे...

गार्डरच्या मोठा ढिगाऱ्या असल्यामुळे सर्च ऑपरेशन मध्ये अडचण निर्माण होत आहे...

काही नजर चुकली असेल त्यामुळे ही घटना घडली असावी...

मुख्यमंत्री आणि उपमुख्यमंत्र्यांसोबत चर्चा झाली आहे...

घटनेची सखोल चौकशी केली जाणार आहे..

चौकशी मध्ये जो दोषी मिळाला त्याच्यावर कठोर कारवाई सरकार करणार आहे....

01/08/2023 09:51:17

Samruddhi Mahamarg Thane Shahapur accident : गार्डर बसवताना पिलरच्या वर विद्युत हाय टेन्शन वायरमध्ये शॉक लागून घडली घटना, NDRF कडून ऑफ रेकॉर्ड माहिती

Samruddhi Mahamarg Thane Shahapur accident : समृद्धी महामार्ग दुर्घटनेची प्राथमिक माहिती समोर आली आहे

रात्री गार्डर बसवताना पिलरच्या वर विद्युत हाय टेन्शन वायर मध्ये शॉक लागून ही घटना घडली आहे...

NDRF कडून ऑफ रेकॉर्ड माहिती

हाय टेन्शन विद्युत पोल मधून दोन तार खाली तुटला आहे...

01/08/2023 09:45:22

Shahapur Accident : मृत कामगारांच्या कुटुंबीयांना प्रत्येकी पाच लाख रुपये मदत, जखमींवर शासकीय खर्चाने उपचार : मुख्यमंत्री

Samruddhi Mahamarg Shahapur Accident : शहापूर सरलांबे येथे समृध्दी महामार्गावर मध्यरात्री क्रेन कोसळून झालेल्या दुर्दैवी अपघातावर मुख्यमंत्री एकनाथ शिंदे यांनी दुःख व्यक्त केले आहे. या दुर्घटनेत आत्तापर्यंत 17 जण मरण पावले असून मृत कामगारांच्या कुटुंबीयांना प्रत्येकी पाच लाख रुपये मदतीची घोषणाही त्यांनी केली असून जखमींवर तातडीने शासकीय खर्चाने योग्य ते उपचार करावेत असे निर्देश त्यांनी दिले आहेत.

01/08/2023 09:41:12

Thane accident : आत्तापर्यंत 17 जणांचा मृत्यू, 4 जण अजून अडकण्याची शक्यता

Thane accident : रात्री साडे अकराच्या सुमारास काम करत असताना क्रेन तुटल्यामुळे गार्डर कोसळला आणि 27 मजूर आत मध्ये अडकले...

त्यातून 17 लोकांचे दुर्दैवी मृत्यू झाला तर 3 मजूर जखमी झाले... घटना घडली तेव्हा तीन मजूर स्वतः बाहेर पडले...

ढिगाऱ्याखाली 4 जण अजून अडकण्याची शक्यता आहे...

सध्या एनडीआरएफ,TDRF आणि अग्निशमन दलाचे जवानाकडून ढिगाऱ्याखाली सर्च ऑपरेशन सुरू आहे..

01/08/2023 09:07:13

Samruddhi Mahamarg Thane accident : घटनेची तज्ज्ञांमार्फत चौकशी करण्याचे आदेश, उपमुख्यमंत्री फडणवीसांची माहिती

Devendra Fadnavis : शहापूर तालुक्यात समृद्धी महामार्गावर पुलाचे काम सुरू असताना एक दुर्घटना होऊन काही मजुरांचा मृत्यू झाल्याची घटना अतिशय दुःखद आणि मनाला वेदना देणारी आहे. मी त्यांना भावपूर्ण श्रद्धांजली अर्पण करतो. त्यांच्या कुटुंबियांच्या दुःखात आम्ही सहभागी आहोत. या घटनेत 3 कामगार जखमी झाले. त्यांच्यावर रूग्ण्यालयात उपचार सुरू आहेत. त्यांच्या प्रकृतीत लवकर सुधारणा व्हावी, अशी मी ईश्वरचरणी प्रार्थना करतो. या घटनेची तज्ज्ञांमार्फत चौकशी करण्याचे आदेश देण्यात आले आहेत.

01/08/2023 09:01:48

Thane Accident : पंतप्रधान सहाय्यता निधीतून मृतांच्या नातेवाईकांना दोन लाखांची मदत, पंतप्रधान नरेंद्र मोदींची माहिती

Thane Accident : महाराष्ट्रातील शहापूर इथं झालेली भीषण दुर्घटना अतिशय दु:खद आहे. या दुर्घटनेत ज्यांनी आपला जीव गमावला त्यांच्या कुटुंबियांप्रती माझ्या संवेदना, अशा शब्दात पंतप्रधान नरेंद्र मोदी यांनी मृतांनी श्रध्दांजली अर्पण केली. अपघातातील जखमींना लवकर आराम मिळावा ही प्राथर्ना. घटनास्थळी एनडीआरएफ आणि स्थानिक प्रशासन अपघाताच्या ठिकाणी काम करत आहे. बाधितांना योग्य ती मदत मिळावी यासाठी सर्व शक्य उपाययोजना केल्या जात असल्याचे पंतप्रधान म्हणाले. दरम्यान, या अपघातात मृत झालेल्यांच्या नातेवाईकांना पंतप्रधान राष्ट्रीय सहाय्यता निधीतून दोन 2 लाख रुपयांची मदत दिली जाणार आहे. तर जखमींना 50 हजार रुपयांची मदत केली जाणार असल्याची माहिती पंतप्रधान नरेंद्र मोदी यांनी दिली आहे.

01/08/2023 08:46:13

समृद्धी महामार्गाचं काम सुरु असताना ठाण्यात झालेली दुर्घटना वेदनादायी : अजित पवार

Ajit Pawar : शहापूर तालुक्यातील सरलंबे येथे समृद्धी महामार्गाच्या तिसऱ्या टप्प्यातील काम सुरु असताना घडलेल्या दुर्घटनेत मजुरांचा झालेला मृत्यू अत्यंत दुर्दैवी आणि वेदनादायी आहे. पुलाचं काम सुरू असताना गर्डर मशिन आणि क्रेन खाली कोसळल्यानं हा अपघात झाला. बचावकार्य युद्धपातळीवर राबवलं जात आहे. जखमींवर उपचार सुरु असून त्यांच्या प्रकृतीत लवकर सुधारणा व्हावी ही प्रार्थना. मृत्यू पावलेल्यांना मी भावपूर्ण श्रद्धांजली अर्पण करतो. त्यांच्या कुटुंबीयांप्रती सहसंवेदना व्यक्त करतो.

01/08/2023 08:35:40

Thane accident : ठाणे अपघाताची घटना अतिशय दुर्दैवी आणि दुःखद : सुप्रिया सुळे

Supriya Sule : शहापूर, ठाणे येथे गर्डर कोसळून मोठी जिवितहानी झाली. समृद्धी महामार्गाच्या तिसऱ्या टप्प्याचे काम सुरू असताना हा अपघात झाला. ही घटना अतिशय दुर्दैवी व दुःखद आहे. अशा शब्दात खासदार सुप्रिया सुळे यांनी या घटनेत मृत्युमुखी पडलेल्यांना भावपूर्ण श्रद्धांजली वाहिली. जखमींवर उपचार सुरु असून ते सुखरुप घरी परत यावे ही ईश्वरचरणी प्रार्थना.

01/08/2023 08:33:00

ठाणे दुर्घटनेत 18 जणांचा मृत्यू, वाचा मृतांची नावे

ठाणे दुर्घटनेतील मृतांची नावे

1 Pappu Kumar Bihar
2 Rajesh Sharma Uttrakhand
3 Santosh Jain Tamilnadu
4 Pradeep Roy West Bengal
5 Kannur Tamilnadu
6 Arvind Kumar Upadhyay Uttar Pradesh
7 Lallan Rajbhar Uttar Pradesh
8 Anand Kumar Chandrama Yadav
9 beldar
10 Surendra Kumar Paswan
11Radheshyam Birju Yadav
12 Subrato Sarkar
13 Anand Kumar Chandrama Yadav
14Parmeshwar Kumar

01/08/2023 08:24:33

ठाण्यात समृद्धी महामार्गाचं काम सुरु असताना गर्डरसह क्रेन कोसळून अपघात, 18 कामगारांचा मृत्यू

Thane accident : ठाण्यातील समृद्धी महामार्गाचं काम सुरु असताना गर्डरसह क्रेन कोसळून अपघात झाला. यामध्ये आत्तापर्यंत 18 कामगारांचा मृत्यू झाला आहे.

01/08/2023 08:19:28

गर्डर मशीनला जोडणारी क्रेन आणि स्लॅब तब्बल 100 फूट उंचावरुन मजूरांच्या अंगावर कोसळली, 17 जणांचा मृत्यू

Thane accident Live Updates : समृद्धी महामार्गाच्या तिसऱ्या टप्प्याचे काम सरु आहे. रात्रीही समृद्धी महामार्गाचे काम सुरु होते, त्यावेळीच ही दुर्देवी घटना घडली आहे. शाहपूर सरलांबे येथे गर्डर मशीनला जोडणारी क्रेन आणि स्लॅब तब्बल शंभर फूट उंचावरुन मजूरांच्या अंगावर कोसळली. यामध्ये 17 मजुरांचा मृत्यू झाला आहे.

पार्श्वभूमी

ठाणे दुर्घटनेतील मृतांची नावे