व्हॉट्सअॅप अँड्रॉईड बीटा अॅपच्या 2.16.270 व्हर्जनमध्ये व्हिडीओमध्ये इमोजी, टेक्स्ट आणि एडिटिंग बटन उपलब्ध करुन दिलं जाणार आहे. विशेष म्हणजे हे फीचर व्हॉट्सअॅपच्या कॅमेरा अॅपमध्येही काम करणार आहे.
जेव्हा तुम्ही व्हॉट्सअॅप कॅमेऱ्यामधून एखादा व्हिडीओ शूट कराल, तेव्हा एक एडिटिंग टूलही दिसेल. त्यानंतर स्क्रीनवरील पेन्सिल आणि 'T' बटनाच्या मदतीने व्हॉट्सअॅप यूझर्स व्हिडीओवर टाईप करु शकतात आणि एडिटिंग करु शकतात.
व्हॉट्सअॅपचे हे नवे फीचर्स सर्वात आधी बीटा व्हर्जनवर उपलब्ध होतील. यांच्या वापरासाठी व्हॉट्सअॅपच्या गूगल प्ले बीटा टेस्टिंग प्रोग्रामसाठी रजिस्टर करावं लागेल. त्यानंतर स्टोअरमधून लेटेस्ट बिल्ड डाऊनलोड करावं लागेल.