वास्तविक, पंतप्रधानांच्या भाषणावेळी अनेक निमंत्रित व्यक्ती डोळे बंद करून बसलेले पाहायला मिळाले. यामधीलच दिल्लीचे मुख्यमंत्री केजरीवाल यांचाही असाच एक फोटो सोशल मीडियावर व्हायरल झाला. या फोटोमधून पंतप्रधानांच्या भाषणावेळी केजरीवाल झोपी गेल्याचा दावा करण्यात आला होता. हा फोटो सोशल मीडियावर पोस्ट होताच, अनेकांनी त्यावर प्रतिक्रीयाही व्यक्त केल्या.
हा फोटो व्हायरल झाल्याने आम आदमी पक्षाचे नेते आशुतोष यांनीही केंद्रीय अर्थमंत्री अरुण जेटली यांचा असाच एक फोटो ट्विट केला. या फोटोत अरुण जेटलींना मार्क करून अरुण जेटलीही डुलक्या घेत असल्याचा दावा केला. मात्र, यावर कोणीही चर्चा केली नाही. यासोबतच काही इतर नेत्यांचे असेच फोटो सोशल मीडियावर ट्रॉल होत आहेत.