नेमके किती अकाऊंट्स हॅक झाले आहेत, याची आकडेवारी ट्विटरच्या ब्लॉग पोस्टमध्ये नमूद करण्यात आली नाही. मात्र, हॅक झालेल्या अकाऊंट्सची संख्या लाखोंमध्ये आहे, असे ट्विटरने ‘वॉल स्ट्रीट जर्नल’शी बोलताना सांगितले.
ट्विटर हॅक केवळ सर्वसामान्य ट्विटर यूझर्सचेच झाले नाहीत, तर जगभरातील अनेक सेलिब्रेटींचे हँडलही हॅक झाले आहेत. यामध्ये केटी पेरी, ड्रेक, मार्क झुकरबर्ग आणि ट्विटरचे सहसंस्थापक इव्हान विलियम्स यांचाही समावेश आहे.
पासवर्ड सुरक्षित ठेवण्यासाठी काय कराल?
पासवर्ड सुरक्षित ठेवण्यासाठी थोडा हटके पासवर्ड, जो साधारणत: कुणाच्याही लक्षात येणार नाही, असा पासवर्ड ठेवणं गरजेचं आहे. एकाहून अधिक अकाऊंट्सना किंवा कोणत्याही लॉग इन्सना सारखाच पासवर्ड ठेवू नका. तुमच्या नावाशी संबंधित पासवर्ड न ठेवता, किंवा ठेवल्यास त्यात आकडे किंवा स्पेशल कॅरेक्टरर्सचा वापर करा. यामुळे पासवर्ड सुरक्षित राहण्यास मदत होईल.