दोन दिवसांचा बॅटरी बॅकअप, नोकियाचा नवा स्मार्टफोन लाँच

या महिन्याच्या सुरुवातीला लाँच झालेल्या या फोनची किंमत किती असेल, याबाबत माहिती देण्यात आली नव्हती.

नवी दिल्ली : नवा स्मार्टफोन नोकिया 2 ची किंमत किती असेल याबाबतचा सस्पेंस कंपनीने अखेर संपवला आहे. भारतात नोकिया 2 ची किंमत 6999 रुपये असेल. या महिन्याच्या सुरुवातीला लाँच झालेल्या या फोनची किंमत किती असेल, याबाबत माहिती देण्यात आली नव्हती. या किंमतीचा फोन असल्याने नोकिया 2 ची टक्कर रेडमी 4A आणि मोटो C प्लसशी होईल, असं बोललं जात आहे. 24 नोव्हेंबर म्हणजे आजपासून हा फोन ऑफलाईन विक्रीसाठी उपलब्ध झाला आहे. नोकिया 2 चे फीचर्स

• मेटल फ्रेम आणि कर्निंग गोरिल्ला ग्लास
• 5 इंच आकाराची स्क्रीन
• अँड्रॉईड 7.0 (अँड्रॉईड 8.0 अपडेट मिळणार)
• 4100 mAh क्षमतेची बॅटरी
• स्नॅपड्रॅगन 212 प्रोसेसर
• 1GB रॅम, 8GB इंटर्नल स्टोरेज
• 8 मेगापिक्सेल रिअर कॅमेरा आणि 5 मेगापिक्सेल फ्रंट कॅमेरा
• गुगल असिस्टंट, GPS, वाय-फाय, एफएम रेडियो