iPhone 13 launch : जगातली सर्वात मोठी टेक कंपनी Apple आपला iPhone 13 फोन कधी लॉन्च करणार याची अनेकांना प्रतिक्षा होती. ही प्रतिक्षा आता संपली असून Apple चा नवा iPhone 13 आता सप्टेंबरमध्ये 14 तारखेला लॉन्च करण्यात येणार असल्याची माहिती समोर आली आहे. अॅपलने आपला 'कॅलिफोर्निया स्ट्रिमिंग' हा वार्षीक मेगा इव्हेन्ट 14 सप्टेंबरला होणार असल्याचं जाहीर केलं आहे. त्यामुळे याच दिवशी iPhone 13 लॉन्च करण्यात येणार असल्याच्या वृत्तावर शिक्तामोर्तब झालं आहे.
'कॅलिफोर्निया स्ट्रिमिंग' या वार्षीक मेगा इव्हेन्टमध्ये अॅपलच्या नवीन प्रोडक्टचे लॉन्चिंग करण्यात येतं. गेल्या वर्षीच्या तुलनेत या वर्षी एक महिना आधीच Apple च्या या नव्या मॉडेलचे लॉन्चिंग होणार आहे. Apple आपल्या iPhone 13 चे चार मॉडेल बाजारपेठेत आणणार असल्याची माहिती आहे. iPhone 13, iPhone 13 Mini, iPhone 13 Pro आणि iPhone Pro Max या चार मॉडेल सप्टेंबरच्या 14 तारखेला लॉन्च करण्यात येणार आहेत. त्याचसोबत AirPods 3 आणि Apple Watch ही या दिवशी लॉन्च करण्यात येणार आहे.
गेल्या वर्षी ऑक्टोबरमध्ये Apple ने आपला iPhone 12 लॉन्च केला होता. त्याला मोठा प्रतिसाद मिळाला होता. त्यानंतर त्याच्या पुढच्या मॉडेलबद्दल म्हणजे iPhone 13 बद्दल लोकांमध्ये उत्सुकता होती. काही दिवसांपूर्वी चीनच्या एका ई-कॉमर्स वेबसाईटने, ITHome ने iPhone 13 च्या चार मॉडेल्सना सूचीबद्ध केलं होतं आणि मायक्रोब्लॉगिंग Weibo वेबसाईटवर याची माहिती दिली होती. त्यानंतर सप्टेंबरमध्ये हा फोन लॉन्च करण्याच येणार असल्याचं वृत्त होतं.
या व्यतिरिक्त iPhone 13 ची किंमत किंवा इतर फीचर्सबद्दल कोणतीही माहिती अद्याप समोर आली नाही. पण iPhone 12 च्या किंमतीएवढीच किंमत iPhone 13 ची असेल अशी शक्यता वर्तवण्यात येत आहे. भारतात या फोनचे लॉन्चिंग कधी होणार याची माहिती अद्याप समोर आली नाही.
संबंधित बातम्या :