मारुतीची अर्टिगा आणि होंडाची मोबिलिओच्या तुलनेनं एन्जॉय ग्राहकांवर फार छाप पाडू शकलं नव्हतं. त्यामुळे याचं उत्पादन बंद होण्याचीही चर्चा होती. पण किंमतीत घट केल्यानं ग्राहक एन्जॉयकडे आकर्षित होऊ शकतात अशी कंपनीला आशा आहे.
किंमतीत कपात केल्यानंतर आता एन्जॉयच्या पेट्रोल व्हेरिएंटच्या बेसिक मॉडेलची किंमत 4.99 लाख एवढी झाली आहे. तर 8 सीटर डिझेल बेस व्हेरिएंट एलएसची किंमत 5.99 लाख रुपये झाली आहे. पेट्रोल व्हेरिएंटच्या टॉप मॉडेलच्या किंमत 1.8 लाखाची घट झाली असून त्याची किंमत आता 6.24 लाख झाली आहे. तर डिझेल व्हेरिएंटच्या टॉप मॉडेलमध्ये 1.93 लाखाची घट झाली असून त्याची किंमत आता 9.17 लाख झाली आहे.
एन्जॉय पेट्रोल आणि डिझेल दोन्ही इंजिनमध्ये उपलब्ध आहे. तसंच दोन्ही इंजिनसोबत 5 स्पीड मॅन्युअल गिअरबॉक्स देण्यात आला आहे.
सोर्स: कार देखो डॉट कॉम
Source: cardekho.com