आयफोन 7, 7 प्लस आणि आयपॅड खरेदी करणाऱ्या ग्राहकांना अॅपलकडून मोठी सवलत मिळणार आहे. सिटी बँकच्या सहकार्याने अॅपलने ही ऑफर आणल्याने, ग्राहकांकडे सिटी बँकचं कार्ड असणं आवश्यक असेल.
आयपॅड प्रो आणि आयफोन 7 किंवा 7 प्लस एकत्र खरेदी केल्यास 23 हजार रुपयांपर्यंत कॅशबॅक मिळेल, अशी ऑफर आहे. अॅपल कंपनी आयपॅड एअर 2 सोबत आयफोन 7 किंवा 7 प्लस खरेदी करणाऱ्यांनाही 18 हजार रुपये कॅशबॅक देत आहे. आयपॅड मिनी 2 आणि 4 मॉडेल्ससोबत आयफोन 7 किंवा 7 प्लस खरेदी करणाऱ्यांना 17 हजार रुपयांची सूट मिळेल.
अॅपल ग्राहकांसाठी अॅपल स्टोअरमध्ये 5 हजार 900, 2 हजार 900 आणि 2 हजार 800 रुपयांपर्यंतच्या प्रॉडक्ट्सच्या खरेदीवर सूट देत आहे. मात्र, ग्राहकांना डिव्हाईस एकाच स्टोअरमधून एकाच दिवशी खरेदी करावे लागतील. ही ऑफर 31 डिसेंबर 2016 पर्यंत असणार आहे.