Maharashtra Vidhansabha Election Result 2024 : महाराष्ट्र विधानसभा निवडणुकीच्या निकालाचे सुरुवातीचे काही कल हाती येण्यास सुरुवात झाली आहे. यामध्ये अनेक ठिकाणी काही दिग्गज नेते पिछाडीवर असल्याचं चित्र पाहायला मिळत आहे. दरम्यान, संपूर्ण राज्याचं लक्ष लागलेल्या कुडाळ विधानसभा मतदारसंघातून खासदार नारायण राणे यांचे पुत्र निलेश राणे हे पिछाडीवर आहेत. तर शिवसेना ठाकरे गटाचे उमेदवार वैभव नाईक आघाडीवर आहेत. तर कणकवली विधानसभा मतदारसंघातून नितेश राणे आघाडीवर असून शिवसेना ठाकरे गटाचे संदेश पारकर गे पिछाडीवर आहेत. दरम्यान, राणे बंधुंमध्ये एक बंधू आघाडीवर तर एक बंधू पिछाडीवर आहेत.
कुडाळ आणि कणकवली विधानसभा मतदारसंघाची जोरदार चर्चा सुर होती. या मतदारसंघाच राणे कुटुंबाची प्रतिष्ठा पणाला लागली आहे. या दोन्ही मतदारसंघात कोण विजयी होणार हे थोड्याच वेळात स्पष्ट होणार आहे. सध्या कुडाळमधून निलेश राणे पिछाडीवर आहेत. तर कणकवली विधानसभा मतदारसंघातून नितेश राणे आघाडीनवर आहेत.