Raj Thackeray in Satyacha Morcha Mumbai : मुंबईत आज (1 नोव्हेंबर) विरोधी पक्षांनी एकत्र येत 'सत्याचा मोर्चा' काढला आहे. या मोर्चाला राष्ट्रवादी काँग्रेसचे (SP) अध्यक्ष शरद पवार, शिवसेना (UBT) पक्षप्रमुख उद्धव ठाकरे (Uddhav Thackeray) आणि मनसे अध्यक्ष राज ठाकरे हे तिन्ही नेते या मोर्चाच्या निमित्ताने एकाच व्यासपीठावर येणार आहेत. दरम्यान, या मोर्चासाठी मनसेप्रमुख राज ठाकरे (Raj Thackeray) लोकलने चर्चगेटसाठी रवाना झाले आहे. आधीच घोषित केल्या प्रमाणे अनेक वर्षांनंतर राज ठाकरेंनी लोकलने प्रवास केला आहे. राज ठाकरे यांनी दादर (Dadar) ते चर्चगेट (Churchgate) असा प्रवास पश्चिम रेल्वेच्या (Western Railway) लोकलने केला. यावेळी त्यांच्यासोबत मनसे नेते बाळा नांदगावकर, नितीन सरदेसाई आणि अविनाश अभ्यंकर हेही उपस्थित होते.
Raj Thackeray in Local Train : राज ठाकरेंना विंडो सीट; दादर ते चर्चगेट लोकल प्रवास
दरम्यान, या प्रवासावेळी राज ठाकरेंना विंडो सीटवर बसून प्रवासाचा आंनद घेतलाय. तर प्रवासापूर्वी जवळ जवळ 15 मिनिटे राज ठाकरे हे दादर रेल्वे स्थानकावर लोकलची वाट पाहत उभे होते. यावेळी त्यांनी काही प्रवशांना ऑटोग्राफ देखील दिला आहे. यावेळी त्यांना भेटण्यासाठी प्रवशांची मोठी गर्दी झाल्याचे बघायला मिळाले. तर एका प्रवशाला राज ठाकरे यांनी रेल्वे तिकिटावर ऑटोग्राफ दिला आहे. तर हा ऑटोग्राफ फ्रेम करून ठेवणार, अशी प्रतिक्रिया या प्रवशाने दिली आहे.
मुंबईत महाविकास आघाडी (Mahavikas Aghadi) आणि मनसे (MNS) यांनी 'मतदार याद्यांमधील घोळ' (Voter list irregularities) आणि 'मतचोरी' (vote theft) विरोधात 'सत्याचा मोर्चा' आयोजित केला आहे. या मोर्चात उद्धव ठाकरे , राज ठाकरे आणि शरद पवार यांच्यासह प्रमुख नेते सहभागी होणार आहेत. 'मोर्चा हा परवानगी येईल किंवा नाही याचा विषय नाही,' असा इशाराच कार्यकर्त्यांनी दिला आहे. हा मोर्चा फॅशन स्ट्रीटपासून सुरू होऊन मुंबई महानगरपालिका (BMC) मुख्यालयावर धडकणार आहे, जिथे नेत्यांची भाषणे होतील. आंदोलकांच्या दाव्यानुसार, या मोर्चाला लाखो कार्यकर्ते आणि नागरिक उपस्थित राहणार आहेत. या मोर्चासाठी BMC मुख्यालयाबाहेर स्टेज उभारणीचे काम सुरू असून, कार्यकर्ते मोठ्या संख्येने जमा होऊ लागले आहेत.
मोर्चात कोण कोण उपस्थित राहणार? पाहा यादी-(Who will be present at the morcha?)
शरद पवार, राष्ट्रवादी(शप)
उद्धव ठाकरे, शिवसेना(उबाठा)
राज ठाकरे, मनसे
विजय वडेट्टीवार,काँग्रेस
बाळासाहेब थोरात,काँग्रेस
सुप्रिया सुळे,राष्ट्रवादी(शप)
जितेंद्र आव्हाड,राष्ट्रवादी(शप)
जयंत पाटील,राष्ट्रवादी(शप)
रोहित पवार,राष्ट्रवादी(शप)
शशिकांत शिंदे,राष्ट्रवादी(शप)
आदित्य ठाकरे,शिवसेना(उबाठा)
बाळा नांदगावकर, मनसे
जयंत पाटील, शेकाप
प्रकाश रेड्डी, भाकप
अनिल परब,शिवसेना(उबाठा)
अनिल देसाई, शिवसेना(उबाठा)
अरविंद सावंत, शिवसेना(उबाठा)
राजन विचारे , शिवसेना(उबाठा)
सचिन अहिर , शिवसेना(उबाठा)
अंबादास दानवे, शिवसेना(उबाठा)
सुनील प्रभू, शिवसेना(उबाठा)
सुनील शिंदे, शिवसेना(उबाठा)
अविनाश अभ्यंकर, मनसे
नितीन सरदेसाई, मनसे
संदीप देशपांडे, मनसे
अविनाश जाधव,मनसे
नसीम खान, काँग्रेस
सचिन सावंत, काँग्रेस
अमीन पटेल, काँग्रेस
आणखी वाचा