पुणे : नववर्षाच्या स्वागतासाठी लोहगड किल्ल्यावर मुक्काम करणं पुण्यातल्या काही ट्रेकर्सच्या अंगलट आलं आहे. निलेश वैद्य आणि त्यांच्या काही ट्रेकर मित्रांना गडावर मारहाण झाल्याचा धक्कादायक प्रकार समोर आला आहे.
निलेश वैद्य आणि त्यांचे ट्रेकर मित्र सहकुटुंब विसापूर ट्रेक करुन गडावर मुक्कामी पोहोचले. मात्र अज्ञात ग्रुपनं या ट्रेकर्सना मारहाण केली. मारहाण करताना हिंदी भाषिक ट्रेकर्सना लक्ष करण्यात आलं. शालिनी आणि पल्लव झाला, निलेश वैद्य यांना या मारहाणीला सामोरं जावं लागलं.
विशेष म्हणजे या मारहाणीत मुलींचं टोळकं आघाडीवर होतं. धक्कादायक गोष्ट म्हणजे या घटनेनंतर पोलिसात तक्रार करायला गेलेल्या ट्रेकर्सला पोलिसांनी अपमानास्पद वागणूक दिली. शिवाय तक्रार करण्यापासून परावृत्त करायचाही प्रयत्न केला.