पुणे : मेट्रो आणि उड्डाणपुलांच्या प्रकल्पांमुळे पुण्यात (Pune Traffic Diversion) पायाभूत सुविधांचा मोठा विकास होत असल्याने वाहतूक कोंडीत वाढ होत आहे. अरुंद रस्त्यांमुळे विशेषत: अवजड वाहनांनी मोठ्या प्रमाणात रस्त्याची जागा व्यापल्याने वाहतुकीची समस्या निर्माण झाली आहे. म्हणून पुण्यातील वाहतूक पोलिसांनी शहरातील (Pune Traffic Police) अवजड वाहनांवर तात्पुरती बंदी घालून महत्त्वपूर्ण बदल केला आहे. पुणे, पिंपरी-चिंचवड, सोलापूर, अहमदनगर, सातारा आणि मुंबई येथून विविध माल वाहून नेणाऱ्या ट्रेलर, कंटेनर, मल्टिएक्सल वाहनांसह अवजड वाहनांना 5 मार्चपासून शहरात प्रवेश बंदी करण्यात येणार असल्याची माहिती वाहतूक शाखेचे पोलिस उपायुक्त शशिकांत बोराटे यांनी दिली. अवजड वाहतुक कमी करण्यासाठी आणि नियमित प्रवाशांवर होणारा परिणाम कमी करण्यासाठी पर्यायी मार्ग निश्चित करण्यात आले आहेत.
मुख्य बदल आणि पर्यायी मार्ग:
वाघोलीहून पुणे शहरात येणारा प्रवेश पुणे नगर रोडवरून 24 तासांसाठी बंद करण्यात आला आहे.
पुणे, सोलापूर आणि पुणे सासवड रोडकडून येणाऱ्या वाहनांना हडपसर नोबल हॉस्पिटल चौक ते खराडी बायपास चौक ापर्यंत 24 तास बंद राहणार आहे.
पुणे सोलापूर रोडकडून येणाऱ्या वाहनांनी थेऊर फाटा येथून उजवीकडे वळण घेऊन थेऊर, लोणीकंद, शिक्रापूर मार्गे जावे.
पुणे सासवड रोडवरून येणाऱ्या वाहनांनी हडपसर येथे यू-टर्न घेऊन थेऊर फाटा येथे डावीकडे वळून थेऊर, लोणीकंद, शिक्रापूर मार्गे जावे.
विविध मार्गांवर रात्री 7 ते 11 या वेळेत अवजड वाहनांना प्रवेश बंदी
वाहतूक सुरळीत होण्यासाठी पर्यायी मार्ग तयार करण्यात आले आहेत.
पुणे सोलापूर रोडवरून सातारा, मुंबईकडे जाणारी वाहने हडपसर येथे डावीकडे वळतील आणि सासवड रोडवरून मंतरवाडी फाटा येथे उजवे वळण घेतील आणि खादी मशीन चौक ते कात्रज चौक ते सातारा किंवा नवले पूल ते मुंबई असा उजवा वळण घेतील. तसेच सासवडकडून येणाऱ्या वाहनांनी मंतरवाडी चौकातून डावीकडे वळण घेऊन वरील मार्गाचा वापर करावा.
मुंबईकडून येणारी वाहने नवले पूल ते कात्रज चौकात डावीकडे वळतील आणि साताऱ्याकडून येणारी वाहने कात्रज चौकातून खादी मशिन चौक मंतरवाडी चौकाकडे डावीकडे वळून हडपसरमार्गे सोलापूरच्या दिशेने डावीकडे वळतील आणि मंतरवाडी चौकातून सासवड (पुणे) कडे उजवीकडे वळतील.
खालील ठिकाणांहून अंतर्गत शहरात प्रवेश करण्यासाठी सर्व प्रकारची वाहने 24 तास बंद राहतील.
सोलापूर रोड नोबल हॉस्पिटल चौक,
अहमदनगर रोड केसनंद फाटा वाघोली
मुंबई पुणे रोड हॅरिस ब्रिज,
औध रोड राजीव गांधी पूल,
बाणेर रोड हॉटेल राधा चौक,
पाषाण रोड रामनगर जंक्शन,
पौड रोड चांदनी चौक,
सिंहगड रोड वडगाव पुल चौक,
सातारा रोड कात्रज चौक,
सासवड रोड (बोपदेव घाट मार्ग) खादी मशीन चौक,
कात्रज मंतरवाडी बायपास रोड उंड्री चौक,
आळंदी रोड बोपखेल फाटा चौक
इतर महत्वाची बातमी-