पुणे : पुणे लोकसभा मतदारसंघातून भाजपकडून कोणाला उमेदवारी (Pune loksabha 2024) मिळणार, याकडे सर्वाचं लक्ष लागलं आहे. त्यातच पुण्यात भाजपकडून अनेक नावं चर्चेत आहेत. मुरलीधर मोहोळ (Murlidhar Mohol) आणि जगदीश मुळीक या दोन्ही नावांची जोरदार चर्चा सुरु आहे. असं असलं तरीही भाजपकडून राज्यातील लोकसभा मतदार संघासाठीच्या उमेदवारांची संभाव्य यादी जाहीर करण्यात आली आहे. त्यात भाजपकडून पुणे लोकसभा मतदारसंघातून मुरलीधर मोहोळ यांना उमेदवारी मिळण्याची शक्यता आहे. भाजप नेत्या मेधा कुलकर्णींना राज्यसभेवर पाठवण्यात आल्यानंतर जगदीश मुळीकांंना उमेदवारी मिळण्याची दाट शक्यता होती. मात्र या भाजपच्या सरप्राइज यादीत थेट मुरलीधर मोहोळांच नाव दिसत आहे. त्यामुळे पुण्यातील राजकीय वर्तुळात हा चर्चेचा विषय ठरला आहे.
कोण आहे मुरलीधर मोहोळ?
- पुणे महानगरपालिकेचा सभासद म्हणून चार वेळा विजयी 2002, 2007, 2012 आणि 2017 झाले आहेत
- 2019- 2022 मध्ये पुणे महानगर पालिकेचे महापौर होते.
- उपाध्यक्ष, अखिल भारतीय महापौर परिषद
- पुणे महानगरपालिका स्थायी समिती अध्यक्ष 2017-2018
- संचालक, पुणे स्मार्ट सिटी डेव्हलपमेंट कॉर्पोरेशन लिमिटेड (पीएससीडीसीएल) -2017-2018
- संचालक, पुणे महानगर परिवहन महामंडळ लिमिटेड (पीएमपीएमएल) 2017-2018
- सभासद, पुणे महानगर प्रदेश क्षेत्र विकास प्राधिकरण (पीएमआरडीए) 2017-2018
- 2009 मध्ये खडकवासला (पुणे) मतदारसंघातून निवडणुकीसाठी उमेदवार
मोहोळांचा दांडगा संपर्क
पुणे लोकसभेचे निवडणूक प्रमुख म्हणून मुरलीधर मोहोळांची नियुक्ती करण्यात आली. मुरलीधर मोहोळ यांचा दांडगा जनसंपर्क आहे आणि कसबा विधानसभा पोटनिवडणुकीत त्यांच्या सक्रिय सहभाग होता. या निवडणुकीदरम्यान अनेक नेत्यांनी मतदार संघाचे दौरे केले. केंद्रीय मंत्री अमित शहांनीदेखील यांनीदेखील मतदार संघाचा दौरा केला होता. या सगळ्या दरम्यान मुरलीधर मोहोळ सक्रीयपणे सहभागी होते. त्यासोबतच पुणे आणि आजुबाजूच्या गावांमध्येही भाजपची ताकद आहे. त्यांच्यासाठी येत्या निवडणुकीसाठी ही मोठी जबाबदारी आहे. त्यातच त्यांनी आता दौरे आणि कार्यक्रमांनादेखील हजेरी लावायला सुरुवात केली आहे. त्यासोबतच पुण्यातील महत्वाच्या कार्यक्रमांना देवेंद्र फडणवीस हजेरी लावतात त्यावेळी फडणवीस कायम मुरलीधर मोहोळांच्या कार्याचं कौतुक करताना दिसतात. भाजपच्या संभाव्या यादीत नाव आल्याने मोहोळ लोकसभेच्या तयारीला लवकरच सुरुवात करतील. येत्या काळात भाजपकडून नेमक्या कोणाच्या नावाची घोषणा होणार, हे पाहणं महत्वाचं ठरणार आहे.
इतर महत्वाची बातमी-