पुणे : राज्याचं लक्ष लागलेल्या पुणे लोकसभा मतदार संघात (Pune Loksabha Constituency) भाजपच्या मुरलीधर मोहोळांनी बाजी मारली आहे. 86369 मताधिक्यानं ते विजयी झाले आहे. 415543 मतं मिळवून त्यांनी कॉंग्रेसच्या रवींद्र धंगेकरांना पराभूत केलं आहे. मुरलीधर मोहोळांना साधारण पर्वती, कोथरुड परिसरातून मोठं मताधिक्य मिळालं आहे. मुरलीधर मोहोळांची जादु चालली आहे. मोहोळांची जादु चालणार नाही, असं धंगेकर म्हणाले होते. मात्र अखेर मुरलीधर मोहोळांनी विजय खेचून आणला आहे.
वडगाव शेरी, शिवाजीनगर, कोथरूड, पर्वती, पुणे कॅन्टोन्मेंट, कसबा पेठ या सहा मतदार संघापैकी कोथरुड, पर्वती, वडगाव शेरी, शिवाजीनगर हे भाजपचे मतदार संघ मानले जातात. त्यामुळे या मतदार संघातून मोहोळांना जास्त मतधिक्य मिळाल्याची शक्यता आहे. मात्र कॅन्टोन्मेंट आणि कसबा पेठ मतदारसंघातून त्यांना किती मताधिक्य मिळालं हे पाहावं लागणार आहे.
भाजपकडून मुरलीधर मोहोळ यांना उमेदवारी जाहीर करण्यापूर्वी भाजपच्या बऱ्याच नेत्यांची नावं चर्चेत होती. जगदीश मुळीक, सुनिल देवधरांचं नाव चर्चेत होतं. मात्र सुनिल देवधर यांनाच उमेदवारी मिळणार असं निश्चित होतं मात्र मुरलीधर मोहोळांना उमेदवारी देण्यात आली. मुरलीधर मोहोळांचे भाजपच्या वरिष्ठ नेत्यांशी दांडगा संपर्क आहे. पंतप्रधान नरेंद्र मोदीं, देवेंद्र फडणवीस, चंद्रशेखर बानवकुळे आणि चंद्रकांत पाटील यांच्याशी दांडगा संपर्क आहे. त्यासोबतच कोव्हिड काळात ते महापौर होते आणि त्यावेळी त्यांनी पुण्यात चांगलं काम केलं होतं. त्यामुळे त्यांच्या नाव पुढे आलं आणि त्यांना शुअर सीट वाटत असल्याने भाजपने उमेदवारी दिली.
विजयाची पाच कारणं?
1. पंतप्रधान नरेंद्र मोदी स्वत: प्रचारासाठी पुण्यात आले होते.
2. भाजपने मोठी फळी कामाला लावली होती. सगळ्या नेत्यांचा खंबीर पाठिंबा होता.
3. निवडणूक प्रचाराचं योग्य नियोजन
4. राज ठाकरेंची प्रचारसभा पार पडली.
5. निवडणुकीच्या दोन दिवसांपूर्वी देवेंद्र फडणवीस पुण्यात तळ ठोकून होते.
मुरलीधर मोहोळांची राजकीय कारकीर्द?
- पुणे महानगरपालिकेचा सभासद म्हणून चार वेळा विजयी 2002, 2007, 2012 आणि 2017 झाले आहेत
- 2019- 2022 मध्ये पुणे महानगर पालिकेचे महापौर होते.
- उपाध्यक्ष, अखिल भारतीय महापौर परिषद
- पुणे महानगरपालिका स्थायी समिती अध्यक्ष 2017-2018
- संचालक, पुणे स्मार्ट सिटी डेव्हलपमेंट कॉर्पोरेशन लिमिटेड (पीएससीडीसीएल) -2017-2018
- संचालक, पुणे महानगर परिवहन महामंडळ लिमिटेड (पीएमपीएमएल) 2017-2018
- सभासद, पुणे महानगर प्रदेश क्षेत्र विकास प्राधिकरण (पीएमआरडीए) 2017-2018
- 2009 मध्ये खडकवासला (पुणे) मतदारसंघातून निवडणुकीसाठी उमेदवार
इतर महत्वाची बातमी-