यंदा पुणेकरांनी गणपती विसर्जनादरम्यान पर्यावरणाचा ऱ्हास होणार नाही याची पुरेपूर काळजी घेतल्याचं दिसत आहे. गेल्या वर्षीप्रमाणे यावेळीही मानाच्या गणपतींचं नदीऐवजी हौदातच विसर्जन केलं जाणार आहे. तसंच जलप्रदूषण टाळण्यासाठी गणेशभक्तांना अमोनियम बायकार्बोनेटचं वाटप करण्यात आलं आहे.
पुण्यातल्या मंडई गणेशोत्सव मंडळानं यंदा 124 वर्षे पूर्ण केली आहेत. विसर्जनासाठी मंडई मंडळाकडून तयार करण्यात येणारा रथ हा संपूर्ण पुण्यासाठी आकर्षणाचा विषय असतो. यावेळी मंडळानं बाप्पाच्या विसर्जनासाठी वारकरी संस्कृतीचं दर्शन घडवणारा भक्तीरथ तयार केला आहे.
पुण्यातल्या दगडूशेठ हलवाईच्या गणपतीची विशेष रथातून विसर्जन मिरवणूक काढण्यात येणार आहे. या रथाच्या रोषणाईसाठी विशेष एलईडी लाईट्सचा वापर करण्यात आला आहे.