पुणे: दौंड तालुक्यातील भांडगावमध्ये (Daund Accident) भीषण अपघात झाला आहे. बस आणि ट्रकच्या अपघातात चार जणांचा मृत्यू झाला असून 20 जण जखमी झाले आहेत. सोलापूरहून पुण्याच्या दिशेने जाणाऱ्या मार्गावर बस ट्रकला धडकली आहे. जखमींना उपचारासाठी स्थानिक रुग्णलयात दाखल करण्यात आले आहे. बसमधून 50 प्रवासी प्रवास करत होते. पहाटे पाच वाजण्याच्या सुमारास हा अपघात झाला आहे.
पुणे- सोलापूर राष्ट्रीय महामार्गावरून सोलापूरहून पुण्याकडे ही लक्झरी बस निघाली होती. बसचा अचानक टायर फुटल्याने रस्त्याच्या कडेला थांबलेल्या मोठ्या ट्रकला ही बस जाऊन ही बस धडकली. या अपघातात बसची एक बाजू चक्काचूर झाली आहे. अपघातात जखमींना नजीकच्या केडगाव मधील हॉस्पिटलमध्ये तसेच पुण्याच्या रुग्णालयात दाखल करण्यात आले आहे. अपघातात पुणे शहर पोलीस दलातील पोलीस कॉन्स्टेबल नितीन शिंदे यांचा समावेश आहे.
सविस्तर वृत्त थोड्याच वेळात...