पुणे : इलेक्ट्रिक दुकान आणि दुकानातच असलेल्या आयसीआयसीआय बँकेच्या एटीएमला गुरुवारी मध्यरात्री आग लागली. या आगीत एटीएम सेंटरमधील लाखो रुपयांची रोकड जळून खाक झाली आहे.
पुण्यातल्या वारजे गणेश माथ्याजवळच्या परिसरात हे एटीएम आहे. मध्यरात्री या इलेक्ट्रिक दुकानाला आग लागली आणि पाहता पाहता या आगीने एटीएम सेंटरलाही आपल्या कवेत घेतलं.
ही आग रात्रभर धुमसत होती. अग्निशमन दलाच्या दोन गाड्यांच्या मदतीने आगीवर नियंत्रण मिळवण्यात यश आलं असलं तरी, एटीएममध्ये असलेली सर्व रोकड जळून खाक झाली आहे. ही रक्कम नेमकी किती होती, याबाबत अद्याप समजू शकलेलं नाही.
दरम्यान, गुरुवारीच या एटीएममध्ये पैसे भरले होते, त्यामुळे आगीत लाखोंची रक्कम खाक झाली असावी, अशी माहिती स्थानिकांनी दिली.