पुण्यातील निरा-भिमा नदी जोड प्रकल्पाचं बांधकाम सुरू असताना क्रेन उलटल्यानं सात कामगारांचा आज मृत्यू झाला. 150 मीटर खोल बोगद्यातून बाहेर येताना क्रेन उलटल्यानं ही दुर्घटना घडल्याचं समजतं आहे.
पुण्यातल्या तावशी ते डाळज दरम्यान नीरा-भीमा नदी जोडप्रकल्पाचं काम सुर आहे. नदी जोडो प्रकल्पासाठी मोठ्या बोगद्याचं खोदकाम सुरू असताना क्रेन उलटली आणि सात कामगारांना आपला जीव गमवावा लागला.
दरम्यान, मृत्यूमुखी पडलेल्या कामगारांच्या कुटुंबियांना 2 लाखांची मदत जाहीर करण्यात आली आहे.