पीएमपीमध्ये तुम्ही केलेली भाडेवाढ समर्थनीय नाही, तुम्ही केलेल्या भाडेवाडीमुळे ज्येष्ठ नागरिकांना नाहक त्रासाला सामोरं जावं लागतं. त्यामुळे लवकरात लवकर भाडेवाढ मागे घ्या, अन्यथा तुमचं आयुष्य उद्धस्त करु, तसंच तुमच्या कुटुंबाचंही बरं-वाईट करु असं पत्रात सांगण्यात आलं.
तुम्ही भ्रष्टाचारी आहात, तुम्ही लाच घेतल्याचे पुरावे आमच्याकडे असून ते मुख्यमंत्र्यांना आणि न्यायालयाला सादर करु, त्यामुळे भाडेवाढ तातडीनं मागे घ्या, अन्यथा होणाऱ्या परिणामांना सामोरं जा, असा धमकीवजा इशाराच पत्रातून देण्यात आला आहे.
भुजंगराव मोहिते असं पत्र लिहिणाऱ्याचं नाव पत्रात नमूद करण्यात आलं असून सुखसागर नगर पुणे असा पत्ताही पत्रात लिहिण्यात आला आहे. आम्ही ग़डचिरोलीतील नक्षलवाद्यांच्या संपर्कात असून वेळ आल्यास तुमचा खूनही करु अशी या पत्रात धमकी देण्यात आली आहे.
तुकाराम मुंढेंना पाठवण्यात आलेलं धमकीचं पत्र
