महर्षी कर्वे शिक्षण संस्थेची महिलाश्रम शाळा आणि ज्युनियर कॉलेजनं 5 वी ते 7 वी विना अनुदानित वर्गांसाठी 96 टक्के, 8 वी ते 10 वी विना अनुदानित वर्गांसाठी 81 टक्के, तर 5 वी ते 10 वी अनुदानित वर्गांसाठी 26 टक्के एवढी फी वाढ घेणारच असा पवित्रा घेतला आहे. या आशयाचं पत्र संस्थेकडून शिक्षण शुल्क समितीला देण्यात आलं आहे. याबाबत सुनावणीची गरज नाही असं शालेय शिक्षण मंत्री विनोद तावडेंचा हवाला देत संस्थेनं म्हटलं आहे.
पुण्यातील कष्टकरी, धुणी भांडी करणारे, रिक्षा चालक अशा पालकांची मुलं या शाळेत शिकतात. त्यामुळे त्यांनी शाळेच्या या मनमानी कारभाराबद्दल संताप व्यक्त केला आहे.