देवस्थानने मुख्य मंदिरावरील कलश सोनेरी करण्याचे काम काही दिवसांपूर्वी हाती घेतले होते. खंडोबाला दानपेटीतून अर्पण केलेल्या सोन्याच्या 1250 ग्रॅम (सव्वा किलो) शुद्ध सोन्यातून मुख्य मंदिराच्या व अन्य सहा उपकलशांना सोन्याचा मुलामा देण्याचे काम पूर्ण झाले.
आज घटस्थापनेच्या मुहूर्तावर या दिवशी नाशिक, सोळशी, वाई या भागातून कलशपूजनासाठी महाराज बोलवण्यात आले होते. त्यांच्या हस्ते होमहवन, लघुरुद्र, मल्हारी सहस्त्रनाम व धार्मिक विधी करण्यात आले. पूजेनंतर खंडोबाच्या मंदिरावर हॅलिकॉप्टरमधून पुष्पवृष्टीही करण्यात आली.