Bhagwant Mann: पंजाबचे नामनिर्देशित मुख्यमंत्री भगवंत मान यांनी लोकसभेच्या सदस्यत्वाचा राजीनामा दिला आहे. त्यांनी सोमवारी अर्थसंकल्पीय अधिवेशनाच्या दुसऱ्या दिवशी लोकसभा अध्यक्ष ओम बिर्ला यांची भेट घेऊन आपला राजीनामा दिला आहे. 2019 च्या लोकसभा निवणुकीत पंजाबच्या संगरुर मतदारसंघातून भगवंत मान यांनी विजय मिळवला होता.   


सोमवारी राजीनामा देण्यापूर्वी भगवंत मान म्हणाले आहेत की, ''मला या सभागृहाची खूप आठवण येईल. मात्र पंजाबच्या लोकांनी मला त्यांची सेवा करण्यासाठी खूप मोठी जबाबदारी दिली आहे. यासाठी मी त्यांचे आभार मानतो. मी संगरुरमधील लोकांना वचन देतो की, त्यांचे मुद्दे मांडण्यासाठी आणखीन एक आवाज या सभागृहात येणार.''    


याआधी रविवारी भगवंत मान आणि दिल्लेचे मुख्यमंत्री यांनी अमृतसर येथे पंजाब निवडणुकीचा विजय साजरा करत मोठा रोड शो केला. तसेच इतक्या मोठ्या संख्येने जागा निवडून दिल्ल्याबद्दल पंजाबच्या जनतेचे आभार मानले. भगवंत मान शहीद भगत सिंग यांच्या मुळ गावी जात पंजाबच्या मुख्यमंत्रीपदाची शपथ घेणार आहेत. 


सूत्रांनी दिलेल्या माहितीनुसार, पंजाबमधील खटकर कलान गावात होणाऱ्या भगवंत मान यांच्या शपथविधी समारंभात एकही व्हीव्हीआयपी पाहुणे नसणार. दिल्लीप्रमाणेच पंजाबमध्येही आम आदमी पक्षाने अन्य कोणत्याही राज्याच्या मुख्यमंत्र्यांना किंवा अन्य पक्षाच्या कोणत्याही मोठ्या नेत्याला शपथविधी कार्यक्रमासाठी आमंत्रित केलेले नाही. दिल्लीचे मुख्यमंत्री अरविंद केजरीवाल यांच्यासह आम आदमी पक्षाचे सर्व बडे नेते शपथविधी सोहळ्याला उपस्थित राहणार आहेत.


महत्वाच्या बातम्या: