Phaltan Crime Doctor Death: सातारा (Satara) जिल्ह्यातील फलटण (Phaltan) उपजिल्हा रुग्णालयात मुळच्या बीडच्या रहिवासी असलेल्या एका महिला डॉक्टरने आत्महत्या (Phaltan Crime Doctor Death) केल्याची धक्कादायक घटना घडली. मृत डॉक्टरच्या हातावर सुसाईड नोट आढळली असून, तिच्या नोटमध्ये गंभीर आरोप करण्यात आले आहेत. पोलीस उपनिरीक्षक गोपाल बदने (Gopal Badne) याने तिच्यावर चार वेळा बलात्कार केला. तसेच प्रशांत बनकर (Prashant Bankar) नावाच्या व्यक्तीनेही तिला मानसिक त्रास दिला. आरोग्य विभागातील वरिष्ठ आणि पोलीस अधिकाऱ्यांनी पोस्टमॉर्टम रिपोर्ट बदलण्यासाठी दबाव टाकला. या प्रकरणी पोलीस उपनिरीक्षकांकडे तक्रार केली असता त्यांनी दखल घेतली नाही, असे नमूद केले आहे. तसेच एक खासदार आणि त्यांच्या पीएचा देखील उल्लेख यात करण्यात आला आहे. या प्रकरणावरून माजी मंत्री धनंजय मुंडे (Dhananjay Munde) आणि आमदार सुरेश धस (Suresh Dhas) यांनी दोषींवर कठोर कारवाईची मागणी केली आहे. आता बीडमधील आणखी एक आमदार या प्रकरणात मैदानात उतरल्याचे पाहायला मिळत आहे.
Prakash Solanke On Phaltan Crime Doctor Death: मृत डॉक्टरच्या भावाला अनुकंपा तत्वावर नोकरी देण्याची प्रकाश सोळंकेंची मागणी
आमदार प्रकाश सोळंके (Prakash Solanke) म्हणाले की, मी पीडित कुटुंबाची बाजू समजून घेतली. महिला डॉक्टरचा मृत्यू झाला त्यात आरोग्य विभाग आणि पोलीस विभागाच्या कर्मचाऱ्यांकडून महिलेने तक्रार करून देखील दुर्लक्ष झाले. त्यामुळे त्यांनी हे पाऊल उचललं असावं. वरिष्ठ अधिकाऱ्यांची SIT नेमून या प्रकरणाची खोलवर चौकशी झाली पाहिजे. जे कोणी असतील त्यांची चौकशी झाली पाहिजे आणि या कुटुंबाला न्याय मिळाला पाहिजे. तसेच मृत मुलीचा जो भाऊ आहे त्याला अनुकंपा तत्वावर त्याच्या शैक्षणिक पात्रतेनुसार सामावून घ्यावं, अशी मागणी मुख्यमंत्र्यांकडे करणार आहे. जी मदत लागेल ती मदत आम्ही त्यांना करणार आहोत, असे त्यांनी म्हटले.
Dhananjay Munde on Phaltan Crime Doctor Death: काय म्हणाले धनंजय मुंडे?
दरम्यान, या प्रकरणावर माजी मंत्री धनंजय मुंडे यांनी देखील शुक्रवारी त्यांच्या सोशल मिडीयावर पोस्ट करत भाष्य केलंय. त्यांनी म्हटलंय की, सातारा जिल्ह्यातील फलटण येथे रुग्णसेवेत असलेल्या व मूळच्या बीड जिल्ह्यातील वडवणी तालुक्यातील महिला डॉक्टर यांच्याबाबत घडलेली घटना अत्यंत दुर्दैवी आहे. माझ्या त्या डॉक्टर भगिनीला भावपूर्ण श्रद्धांजली. तिच्या अकाली निधनाने कुटुंबियांवर कोसळलेल्या दुःखात मी सहभागी आहे. या घटनेतील दोषींना कठोर शासन व्हावे, तसेच ती बीडची आहे म्हणून तिने केलेल्या तक्रारी वरिष्ठांनी डावलल्या असतील तर हे अतिशय गंभीर आहे. या संपूर्ण प्रकरणाची स्वतंत्र एसआयटी नेमून चौकशी करण्यात यावी. तसेच हे प्रकरण जलदगती न्यायालयात चालवले जावे व दोषींना कडक शासन व्हावे, याबाबत उद्या राज्याच्या मुख्यमंत्री महोदयांना पत्र देणार असल्याचे त्यांनी म्हटले होते.
Suresh Dhas on Phaltan Crime Doctor Death: सुरेश धसांची प्रतिक्रिया
आमदार सुरेश धस यांनी पत्रकारांशी संवाद साधताना म्हटलंय की, ज्या पोलिसांनी या प्रकरणात तक्रार घेतली नाही. हे प्रकरण फास्टट्रॅक कोर्टात चालले पाहिजे, परंतु यासाठी एसआयटी स्थापन झाली पाहिजे. आजच्या दैनिकांमध्ये आरोपी फरार असल्याची बातमी आहे. पोटाला चिमटा घेऊन ऊस तोडून आमचे लोक लेकीबाळीला शिकवतात. त्याचा जर असे लोक गैरफायदा घेणार असतील तर जरब बसली पाहिजे इथून पुढे असे प्रकरण होता कामा नये. महिला डॉक्टरच्या सुसाईड नोटप्रमाणे आरोपी झालेच पाहिजे. त्याशिवाय महिलेची तक्रार न घेणारे उपजिल्हा रुग्णालयातील जे कोणी अधिकारी जबाबदार असतील ते सगळे यामध्ये आरोपी झाले पाहिजेत. याची स्वतंत्र चौकशी झाली पाहिजे, अशी मागणी त्यांनी केलीय.
राज्य आणि देश-विदेशातील महत्त्वाच्या बातम्या; पाहा Video
आणखी वाचा