MNS Sandeep Deshpande: राज ठाकरेंना ललकारणाऱ्या सुशील केडियाला संदीप देशपांडेंनी सुनावलं, म्हणाले, 'व्यापारी आहात, बाप बनायचा प्रयत्न करु नका'

Sandeep Deshpande on Mira bhayandar Morcha: मीरा-भाईंदरमध्ये अमराठी व्यापाऱ्यांनी मनसेविरोधात एकजूट होत मोर्चा काढला होता. यावरुन राजकीय वातावरण तापले आहे.

पार्श्वभूमी

Sandeep Deshpande on Mira bhayandar Morcha: 'आमच्याकडे मराठी नव्हे हिंदीच चालते', अशी टिप्पणी केल्यामुळे मनसे कार्यकर्त्यांकडून मारहाण झालेल्या व्यापाऱ्याच्या भाईबांधवांनी गुरुवारी मीरा-भाईंदरमध्ये मोर्चा काढून मनसेचा निषेध केला होता. यावेळी मीरा-भाईंदरमधील व्यापाऱ्यांनी पोलिसांकडे मनसेपासून (MNS) संरक्षण देण्याची मागणी केली होती. यावरुन मुंबईतील राजकीय वातावरण तापले होते. सोशल मीडियावर अनेक अमराठी लोकांकडून राज ठाकरे आणि मनसेला लक्ष्य करण्यात आले. एक्स या सोशल मिडिया प्लॅटफॉर्मवरील सुशील केडिया नावाच्या एका युजरने राज ठाकरे (Raj Thackeray) यांना ललकारले होते. 'राज ठाकरे ड्रामा बंद कर. तुझे 10-12 गुंड दोन-चार कानाखाली मारतील. पण आम्ही आमरण उपोषणाला बसलो तर तुला हात जोडून माफी मारावी लागेल. मग काय करशील', असे या सुशील केडियाने म्हटले होते. हे ट्विट सोशल मीडियावर व्हायरल झाले होते. याच ट्विटचा धागा पकडत मनसेचे नेते संदीप देशपांडे यांनी मराठीला विरोध करणाऱ्यांना सज्जड भाषेत इशारा दिला. (Mira bhayandar News)बेपारी आहात बेपार करा,आमचे बाप बनण्याचा प्रयत्न करू नका.महाराष्ट्रात मराठीचा अपमान कराल तर कानाखालीच बसेल बाकी मेहता बिहता नी चड्डीत राहायचं. तूर्तास एवढंच, असे ट्विट संदीप देशपांडे यांनी केले आहे. संदीप देशपांडे यांच्या या ट्विटनंतर आता राजकीय वर्तुळात प्रतिक्रिया उमटणार का, याकडे सगळ्यांच्या नजरा लागल्या आहेत.BJP & MNS: मीरा-भाईंदरमधील मराठी भाजप पदाधिकार्‍याचा राजीनामामीरा रोड येथील शांती पार्क परिसरात असलेल्या जोधपूर स्वीट्स अँड नमकीन या दुकानाच्या मालकाला महाराष्ट्र नवनिर्माण सेनेच्या (MNS) कार्यकर्त्यांकडून मारहाण करण्यात आली होती. याविरोधात गुरुवारी मीरा-भाईंदरच्या काही भागात व्यावसायिक आणि व्यापाऱ्यांनी दुकानं बंद ठेवून कडकडीत बंद पाळला होता. व्यापाऱ्यांच्या या मोर्चाला भाजपचे स्थानिक आमदार आणि नेत्यांची फूस असल्याचा आरोप मनसेचे जिल्हाप्रमुख अविनाश जाधव यांनी केला होता. हे प्रकरण चर्चा करुन मिटणार होते. मात्र, भाजपच्या स्थानिक नेत्यांनी व्यापाऱ्यांना मोर्चा काढायला प्रवृत्त केले, असे जाधव यांनी म्हटले होते. या सगळ्या घडामोडींमुळे मीरा-भाईंदरमधील भाजपचे मराठी कार्यकर्ते आणि पदाधिकारी नाराज झाले होते. याच नाराजीतून  पेंकरपाडा येथील भाजपचे प्रभाग अध्यक्ष श्री. कुंदन सुरेश मानकर यांनी भाजपला रामराम ठोकून महाराष्ट्र नवनिर्माण सेनेत जाहीर प्रवेश केला होता. आणखी वाचामीरा-भाईंदरमध्ये अमराठी व्यापाऱ्यांनी दंड थोपटले, भाजपने रसद पुरवल्याचा आरोप, नाराज पदाधिकाऱ्याने थेट मनसेत प्रवेश केला

04/07/2025 08:47:28

खासदार सुप्रिया सुळे यांचा हिंजवडीचं वॉटर पार्क का झालं? या अनुषंगाने पाहणी दौरा सुरु

पुणे : हिंजवडी येथील राजीव गांधी आयटी पार्क, माण, मारुंजी  आणि परिसरात सातत्याने तुंबणारे पाणी, रस्त्यांची झालेली दुरवस्था, ट्रॅफिक यामुळे नागरिकांना अत्यंत त्रास होत आहे. या पार्श्वभूमीवर खासदार सुप्रिया सुळे हा दौरा करतायेत. सोबत प्रशासनाचे अधिकारी ही आहेत. उद्योगमंत्री उदय सामंत यांच्यासोबत हा पाहणी दौरा होता, असं सुळेंच्या जनसंपर्क विभागाकडून कळवण्यात आलं होतं, प्रत्यक्षात मंत्री सामंत मात्र अनुपस्थित आहेत.

04/07/2025 08:43:53

भाजप आमदार संजय कुटे यांच्या कार चालकाच मृत्यू प्रकरण; आज सर्वपक्षीयांचा जळगाव जामोद शहर बंदच आवाहन

बुलढाणा: जळगाव जामोद येथील भाजप कार्यकर्ता व भाजपा आ.संजय कुटे यांचा कारचालक पंकज देशमुख याचा 3 मे रोजी संशयास्पद स्थितीत मृतदेह आढळला होता. पंकज देशमुख यांच्या पत्नीने ही आत्महत्या नसून घातपात आहे व या घातपातात राजकीय व्यक्तींचा हात असून संपूर्ण मृत्यू प्रकरणाची सीआयडी चौकशी झालीच पाहिजे ही मागणी लावून धरली. विधिमंडळातही आ.संजय कुटे यांनीही या प्रकरणाची उच्चस्तरीय चौकशी करण्याची मागणी केली आहे. जळगाव जामोद येथील सर्वपक्षीय नेते आणि कार्यकर्त्यांनी ही मागणी रेटून धरण्यासाठी न्याय हक्क जन आंदोलन समिती स्थापन केली आहे. या समितीने आज जळगाव जामोद शहर बंदच आवाहन केलं आहे...या आवाहनाला प्रचंड प्रतिसाद मिळत आज जळगाव जामोद शहर सकाळपासूनच कडकडीत बंद आहे....शहरातील सर्व आस्थापना बंद असून या संपूर्ण मृत्यू प्रकरणाची सीआयडी चौकशीची मागणी आता जोर धरू लागली आहे. 

04/07/2025 08:40:03

गेवराईच्या तहसीलदारांना जिल्हाधिकाऱ्यांकडून कारणे दाखवा नोटीस; वाळू, गौण खनिज, अवैध उत्खनन आणि वाहतुकीवर कारवाई होत नसल्याने नोटीस

बीड: बीडच्या जिल्हाधिकाऱ्यांनी सर्व तहसीलदारांना अवैध वाळू वाहतूक, गौण खनिज उपसा आणि अवैध उत्खनन तसेच अवैध वाहतुकी संदर्भात कारवाया करण्याच्या सूचना दिल्या होत्या. मात्र यामध्ये गेवराईचे तहसीलदार संदीप खोमणे अपयशी ठरले. हाच ठपका ठेवत जिल्हाधिकाऱ्यांनी तहसीलदारांना कारणे दाखवा नोटीस बजावली. त्यांच्यावर वारंवार वाळूमाफीयांना आणि अवैध वाहतूक करणाऱ्या लोकांना आशीर्वाद असल्याचे आरोप झाले. तशा बातम्या वेळोवेळी प्रकाशित झाल्याचे नोटीसी मध्ये देखील नमूद आहे.

तर वरिष्ठांच्या आदेशाला न जुमानता जाणून बुजून कामात निष्काळजीपणा करत असुन आपले वर्तन अत्यंत बेजबाबदारपणाचे असल्याने आपल्यावर शिस्तभंगाची कारवाई का करण्यात येऊ नये याबाबत बीडचे जिल्हाधिकारी विवेक जॉन्सन यांच्याकडून कारणे दाखवा नोटीस बजावण्यात आली.

04/07/2025 08:28:55

कृषी पंपांना 16 तास वीज पुरवठा करण्यासाठी आमरण उपोषण, आजचा तिसरा दिवस; उपोषणकर्त्या शेतकऱ्याची प्रकृती खालावली

कृषी पंपांना 16 तासांचा वीज पुरवठा करावा, या मागणीला घेऊन भंडाऱ्याच्या करडी इथं शेतकऱ्यांनी मोर्चा काढला. त्यानंतर जोपर्यंत ही मागणी पूर्ण होणार नाही, तोपर्यंत आमरण उपोषण सुरू करण्याचा इशारा देतं, 25 शेतकऱ्यांनी करडी येथील महावितरण कार्यालयासमोरचं आमरण उपोषण सुरू केलंय. आज आंदोलनाचा तिसरा दिवस असून एका उपोषणकर्त्या शेतकऱ्याची प्रकृती खालावली असून त्याच्यावर वैद्यकीय अधिकाऱ्यांच्या देखरेखित उपचार करण्यात येत आहे. जोपर्यंत 16 तास वीज पुरवठा करण्याचं लेखी आश्वासन मिळणार नाही, तोपर्यंत हे आमरण उपोषण सुरू राहील, असा इशारा शेतकऱ्यांनी दिल्यानं महावितरणच्या भूमिकेकडं आता शेतकऱ्यांचं लक्ष लागलं आहे.

04/07/2025 08:17:56

Pune News: केंद्रीय गृहमंत्री अमित शाह आज पुणे दौऱ्यावर, एनडीएमध्ये श्रीमंत बाजीराव पेशवे यांच्या पुतळ्याच्या होणार अनावरण

केंद्रीय गृहमंत्री अमित शाह पुणे दौऱ्यावर एनडीए मध्ये श्रीमंत बाजीराव पेशवे यांच्या पुतळ्याच्या अनावरण होणार 

श्रीमंत बाजीराव पेशवे यांच्या पुतळ्याच्या अनावरणासह केंद्रीय गृहमंत्र्यांच्या कार्यक्रमाला मुख्यमंत्री देवेंद्र फडवणीस उपमुख्यमंत्री एकनाथ शिंदे आणि अजित पवार उपस्थित राहणार. 

केंद्रीय गृहमंत्री अमित शाह यांच्या हस्ते बाळासाहेब देवरस रुग्णालयाचे उद्घाटन जयराज स्पोर्ट्स अँड कन्वेक्शन सेंटरचे उद्घाटन आणि पीएचआरसी हेल्थ सिटी चे भूमिपूजन  करण्यात येणार आहे.