आंदोलनाला एक दिवसांची मुदतवाढ, मनोज जरांगेंची 7 वाजता पत्रकार परिषद

29/08/2025 18:06:09

मनोज जरांगे यांच्या आंदोलनाला 1 दिवसांची मुदतवाढ, मुंबई पोलिसांचा निर्णय

जरांगे पाटील यांच्या आंदोलनाच्या परवानगीबाबत मुंबई पोलिस दलातील वरिष्ठ पातळीवरील अधिकारी निर्णय घेतला. आज आंदोलकांकडून करण्यात आलेल्या वाहतूक कोंडीबाबत काही नियम व अटींच्या पार्श्वभूमीवर उद्याची परवानगी दिली गेली. उद्याच्या आंदोलनासाठी परवानगी मिळावी यासाठी आझाद मैदान पोलिसांकडे अर्ज करण्यात आला आहे. परवानगीबाबत पोलिस दलातील वरिष्ठ पातळीवर निर्णय घेण्यात आला.

29/08/2025 17:50:58

मनोज जरांगेंची 7 वाजता पत्रकार परिषद

मनोज जरांगे पाटील 7 वाजता पत्रकार परिषद घेणार आहेत, आझाद मैदानात सुरू असलेल्या आंदोलनाची दिशा स्पष्ट करणार असून मुख्यमंत्री देवेंद्र फडणवीस यांनी केलेल्या आव्हानाला ही मनोज जरांग पाटील उत्तर देणार आहेत.

29/08/2025 15:56:10

Gunaratna Sadavarte : गुणरत्न सदावर्ते यांची पोलीस महासंचालकांकडे तक्रार

Gunaratna Sadavarte : अॅड. गुनरत्न सदावर्ते यांनी पोलीस महासंचालक, मुंबई पोलीस आयुक्त आणि आझाद मैदान पोलीस स्टेशनकडे तक्रार दाखल केली आहे. त्यांनी मनोज जरांगे पाटील आणि आंदोलनकर्त्यांनी अटी-शर्तींचं उल्लंघन करून आंदोलन केल्याचा आरोप करत, त्यांच्या विरोधात गुन्हा दाखल करून अटक करण्याची मागणी केली आहे. तसेच, आंदोलनादरम्यान नियमभंग केल्यामुळे उद्धव ठाकरे, संजय जाधव आणि बजरंग सोनवणे यांच्यावरही कारवाई करण्याची मागणी त्यांनी केली आहे.

29/08/2025 15:43:10

Manoj Jarange Patil Mumbai Morcha : मुंबईतल्या मुसळधार पावसाचा आझाद मैदानालाही फटका

Manoj Jarange Patil Mumbai Morcha : मुंबईतल्या मुसळधार पावसाचा आझाद मैदानालाही फटका बसलाय. मैदानावर मोठ्या प्रमाणावर पाणी साचलंय, चिखल झाला आहे. मात्र या सगळ्या अडचणींवर मात करत मराठा आंदोलकांचा उत्साह अजूनही कायम आहे. "सकाळपासून आम्ही इथेच उभे आहोत, अजून जेवणसुद्धा झालं नाही... पण आरक्षण मिळवल्याशिवाय आम्ही जाणार नाही," अशी ठाम भूमिका आंदोलकांनी घेतली आहे.

29/08/2025 15:41:47

Manoj Jarange Patil Mumbai Morcha : मराठा आंदोलकांकडून चर्चगेट स्टेशन काबीज करण्यास सुरुवात

Manoj Jarange Patil Mumbai Morcha : मराठा आंदोलकांनी सीएसएमटीनंतर आता चर्चगेट स्टेशन काबीज करण्यास सुरुवात केली आहे. मुंबईतील जोरदार पावसाने आंदोलकांना अडचणींचा सामना करावा लागतो आहे. अशात, आडोसा घेण्यासाठी मराठा आंदोलक विविध ठिकाणी आसरा घेताना दिसतायत.

29/08/2025 15:40:22

Manoj Jarange Patil Mumbai Morcha : छत्रपती शिवाजी महाराज टर्मिनस बाहेर आंदोलकाचा आत्महत्येचा प्रयत्न

Manoj Jarange Patil Mumbai Morcha : मराठा आरक्षणाच्या (Maratha Reservation) मागणीसाठी मराठा आंदोलक मनोज जरांगे पाटील (Manoj jarange Patil) यांच्या नेतृत्वाखाली हजारो समाजबांधवांचा महामोर्चा 27 ऑगस्ट रोजी सकाळी दहा वाजता अंतरवाली सराटीतून मुंबईकडे (Mumbai Morcha) रवाना झाला होता. आज, 29 ऑगस्ट रोजी सकाळी मनोज जरांगे यांच्यासह हजारो मराठा आंदोलक मुंबईत दाखल झाले आहेत. एकीकडे मनोज जरांगे पाटील यांनी आझाद मैदानावर आमरण उपोषणास सुरुवात केली आहे. तर दुसरीकडे छत्रपती शिवाजी महाराज टर्मिनस येथे मोठ्या प्रमाणावर आंदोलक एकत्र आले आहेत. त्यातच छत्रपती शिवाजी महाराज टर्मिनस बाहेर आंदोलकाने आत्महत्येचा प्रयत्न केल्याची धक्कादायक घटना घडली आहे. आंदोलकाने अंगावर डिझेल ओतून घेतलं होतं. मात्र वेळीच आंदोलनकर्त्याला थांबवल्याने मोठा अनर्थ टळला.

29/08/2025 15:31:31

Radhakrishna Vikhe Patil : राधाकृष्ण विखे पाटील शिर्डी विमानतळाकडे रवाना, राज्य सरकारकडून घडामोडींना वेग

राधाकृष्ण विखे पाटील शिर्डी विमानतळाकडे रवाना...

राज्य सरकारकडून घडामोडींना वेग...

मनोज जरांगे पाटील यांच्या आंदोलनाच्या पार्श्वभुमीवर घडामोडींना वेग..

उपसमितीचे अध्यक्ष राधाकृष्ण विखे पाटील मुंबईकडे जाण्यासाठी शिर्डी विमानतळाकडे रवाना...

विशेष विमानाने जाणार मुंबईला...

उपसमितीची आज तातडीची बैठक होण्याची शक्यता...

सरकारच्या भुमिकेकडे सकल मराठा समाजाचे लक्ष...

29/08/2025 14:52:54

Manoj Jarange Patil: मुंबईकराने स्वतःचा डबा मराठा आंदोलकांना दिला

Manoj Jarange Patil: मुंबईकराने स्वतःचा डबा मराठा आंदोलकांना दिला.

मुंबईत नोकरी करणाऱ्या एका व्यक्तीने त्याचा डब्बा आंदोलकांना दिला.

घरून आणलेला डब्बा जेवायला बसलेल्या मराठा आंदोलकांना दिला.

29/08/2025 14:35:32

Manoj Jarange Patil: मराठा आंदोलकांना अडविण्यास सुरुवात

Manoj Jarange Patil: मराठा आंदोलनामुळे मुंबईत वाहतूक कोंडी होत असल्याने सायन-पनवेल हायवेला मराठा आंदोलकांना अडविण्यास सुरुवात

बाहेरून आलेल्या गाड्यांना वाशी रेल्वे स्थानकाबाहेर पार्क करून ट्रेन ने मुंबईत जाण्याचा पोलीसांचा सल्ला

गाड्या मुंबईत घेवून न जाता ट्रेन ने प्रवास करा.. पोलीसांचे मराठा आंदोलकांना आवाहन...

29/08/2025 14:34:36

Eknath Shinde On Manoj Jarange Patil: उद्याही आंदोलनासाठी परवानगी द्या; मराठा मोर्चा समन्वयकांचं पोलिसांना पत्र

Eknath Shinde On Manoj Jarange Patil: आझाद मैदान पोलिसांना उद्याच्या परवानगीचे पत्र हे मराठा मोर्चा समन्वयकांनी दिला आहे. आज प्रमाणे उद्या सुद्धा परवानगी मिळावी अशी विनंती पत्रात केली आहे. जोपर्यंत मागणी पूर्ण होत नाही, तोपर्यंत आझाद मैदानावर आंदोलन सुरू राहणार....त्यासाठी प्रत्येक दिवशी परवानगी आझाद मैदान पोलिसांकडून घेतली जाणार आहे.

29/08/2025 14:31:03

Eknath Shinde On Manoj Jarange Patil: 10 टक्के आरक्षण मी मराठा समाजाला दिलं- एकनाथ शिंदे

10 टक्के आरक्षण मी मराठा समाजाला दिलं.
कुणबी नोदीं केल्या.
शिंदे समिती नोंदी शोधण्याचंकाम आजही करत.
मराठा समाजाला आरक्षण दिले ते हायकोर्टात टिकले.
मात्र सुप्रिम कोर्टात काही लोकांमुळे ते टिकलं नाही.
महाविकास आघाडीचं तेव्हा सरकार होतं तेव्हा त्यांनी बाजू मांडायला पाहिजे होती ती त्यांनी मांडली नाही.
माझ सरकार आलं तेव्हा मी १० टक्के आरक्षण दिलं.
ओबीसी समाजाच आऱक्षण काढून मराठाला आऱक्षण देता येमार नाही.
कायद्याच्या चौकटीत जे बसेल ते देण्याची भूमिका सरकारची आजही आहे.
ज्या सुविधा ओबीसी समाजाला मिळतायेत त्या मराठा समाजाला ही आम्ही देतो.
जे योग्य आहे नियमात बसतय त्यासाठी सरकार अजूनही सकारात्मक आहे.
कुणाचही आरक्षण कुणाचही नुकसान न करता आरक्षण देण्याची तयारी आहे.
जे आम्ही दिले ते टिका करतात त्यांनी टिकवलं नाही.
विरोधकांची दुटप्पी भूमिका आहे.
मराठा समाजावर सरकार कुठलाही अन्याय करणार नाही.

29/08/2025 14:21:47

Uddhav Thackeray On Manoj Jarange Patil: मराठ्यांना आतापर्यंत वापरुन घेतलं- उद्धव ठाकरे

Uddhav Thackeray On Manoj Jarange Patil: मराठ्यांना आतापर्यंत वापरुन घेतलं. न्याय मागण्यासाठी मराठी माणूस सूरतला जाणार का?, मराठी माणूस न्याय मागण्यासाठी मुंबईतचं येणार, असं उद्धव ठाकरे म्हणाले. मुंबई मराठी लोकांची राजधानी आहे. आंदोलक दहशतवादी नाहीत, मराठी माणसं आहेत. सत्ता आल्यास काही दिवसांत न्याय देऊ म्हणणारे आता सत्तेत आहेत. मराठ्यांना देण्यासाठी माझ्या हाती काही नाहीय.युतीमध्ये सध्या घमासान चालू आहे. सरकारने हा प्रश्न सोडवला पाहिजे, असं उद्धव ठाकरेंनी सांगितले.

29/08/2025 14:09:30

Manoj Jarange Patil: मराठा समाज बांधवांनी कुठेही गैरवर्तन केलेलं नाही- योगेश कदम

मनोज जरांगेंच्या आंदोलनावर गृहराज्यमंत्री योगेश कदम काय म्हणाले?

मराठा बांधवांचे अभिनंदन करतो की मराठा समाज बांधवांनी कुठेही गैरवर्तन केलेलं नाही

कायदेशीर बाबी बघून टिकेल अस आरक्षण देण्यासाठी सरकार कटिबद्ध आहे

मुख्यमंत्री एकनाथ शिंदे असताना मराठा समाजाला दहा टक्के आरक्षण हे दिल

आघाडी सरकारने मात्र कुठल्याही पद्धतीचे हिताचे निर्णय मराठा बांधवांच्या बाजूने घेतले नाहीत.

जे आंदोलन चालले ते मिटवण्याच्या दृष्टीने आमचे प्रयत्न सुरू

जरांगेंची मागणी कायदेशीर बाबी तपासून आणि बैठक घेऊन मागण्याबाबत निर्णय घेता येईल

काँग्रेस आणि राष्ट्रवादीनं (शरद पवार गट) कधीही मराठा समाजाला न्याय दिला नाही, युती सरकारवर त्यांना बोलण्याचा अधिकार नाही- योगेश कदम

जरांगेंची आतापर्यंत फसवणूक ही काँग्रेस आणि राष्ट्रवादीकाँग्रेस शरद पवार गटाने केली आहे

29/08/2025 14:07:25

Manoj Jarange Patil: गुणरत्न सदावर्ते यांच्या क्रिस्टल टॉवर निवासस्थानी पोलिसांचा बंदोबस्त वाढवला

Manoj Jarange Patil: मराठा आंदोलनाच्या पार्श्वभूमीवर ॲड. गुणरत्न सदावर्ते यांच्या क्रिस्टल टॉवर निवासस्थानी पोलिसांचा बंदोबस्त वाढवला

मराठा आंदोलनासाठी मनोज जरांगे पाटील यांचे आझाद मैदानावर उपोषण सुरू

सदावर्ते यांनी जरांगे यांना परवानगी नाकारावी व गुन्हा दाखल करावा असा अर्ज दाखल केला होता..या पार्श्वभूमीवर सदावर्ते आणि जरांगे यांच्यात शाब्दिक चकमक देखील पाहायला मिळाली होती

या आधी देखील आंदोलनकर्त्यांकडून सदावर्ते यांच्या गाडीची तोडफोडही झाल्याने सुरक्षेची चिंता वाढली

हल्ल्याची शक्यता लक्षात घेऊन पोलिसांचा बंदोबस्त वाढवला

29/08/2025 14:06:10

Manoj Jarange Patil: CSMT वरच्या माकडांना आवरा, मनोज जरांगे संतापले

Manoj Jarange Patil:आपण सहकार्य करण्याच ठरवलं की, रस्त्यावरच्या गाड्या काढू

गाड्या काढून तुम्ही ग्राउंडवर गाड्या लावा

आंदोलन करा फुकट आहे

तुम्ही सुरक्षीत ठिकाणी गाड्या लावलं तर सामान सुरक्षित राहिलं

गाडी सुरक्षित राहिलं

सीएसटीच्या पुढ शांत रहा सांगितलं, तुमच्या गाड्या मैदानात नेऊन लावा

कुणाचा माज असेल तर गावाकडे जाऊन करा,

ही काही पैदास गोंधळ घालणारी आहे, सरकारने किंवा, मी आंदोलन सोडून गेलो तर गोंधळ घाला

मी जर तीथे आलो ना, पळू सुध्दा देणार नाही, सरकार ऐकत नसेल तर त्या गोष्टी करा

सीएसटी जवळ 25-30 माकडांमुळे 98% लोक बाहेर आडकलेत

भंगार पोरांमुळे आपले माणस बाहेर राहिले, प्रेमाने आरक्षण मिळत असल्यावर गोंधळ का घालता

29/08/2025 14:05:07

Manoj Jarange Patil: मराठा आंदोलक आता मंत्रालयाच्या बाहेरही दाखल

Manoj Jarange Patil: मराठा आंदोलक आता मंत्रालयाच्या बाहेरही दाखल झालेत. मंत्रालयाच्या समोरही मोठ्या प्रमाणावर घोषणाबाजी सुरू आहेत.

29/08/2025 13:28:21

Manoj Jarange Patil: सीएसएमटी रेल्वे स्थानकात प्रंचड प्रमाणात गर्दी

Manoj Jarange Patil: सीएसएमटी रेल्वे स्थानकात प्रंचड प्रमाणात गर्दी झाली आहे.

29/08/2025 13:19:21

Manoj Jarange Patil: मराठा आंदोलक समृद्धी महामार्गावरून मुंबईकडे रवाना

Manoj Jarange Patil: नाशिकहून निघालेले मराठा आंदोलक समृद्धी महामार्गावरून मुंबईकडे रवाना झाले आहेत, मनोज जरांगे यांना पाठींबा देण्यासाठी नाशिकहून मराठा बांधव सकाळी मुंबईच्या दिशेने रवाना झाले आहेत.

29/08/2025 13:05:50

Manoj Jarange Patil: मनोज जरांगेंच्या भेटीला आझाद मैदानात कोण कोण पोहोचले?

Manoj Jarange Patil: ठाकरे शिवसेना खासदार संजय जाधव जरांगेंच्या भेटीला

शरद पवार गटाचे खासदार बजरंग बाप्पा सोनावणे जरांगेंच्या भेटीला

गेवराईचे अजित पवार गटाचे आमदार विजयसिंह पंडित हे मनोज जरांगे भेटीला आले आहेत.

29/08/2025 12:57:03

Manoj Jarange Patil: पोलीस महासंचालक रश्मी शुक्ला सह्याद्री अतिथीगृहावर दाखल

Manoj Jarange Patil: पोलीस महासंचालक रश्मी शुक्ला सह्याद्री अतिथीगृहावर दाखल

मुख्यमंत्र्यांसोबत थोड्याच वेळात रश्मी शुक्ला यांची बैठक

मराठा आंदोलनाच्या पार्श्वभूमीवर ब्रिफिंगसंदर्भात शुक्ला दाखल

सोबतच, गणेशोत्सवातील कायदा आणि सुव्यवस्थासंदर्भात देखील चर्चा

29/08/2025 12:03:50

Manoj Jarange Patil: राज्य शासनाचे शिष्टमंडळ आज जरांगे पाटील यांची भेट घेण्याची शक्यता

Manoj Jarange Patil: राज्य शासनाचे शिष्टमंडळ आज जरांगे पाटील यांची भेट घेण्याची शक्यता.

संध्याकाळी राज्य सरकारचे प्रतिनिधी आझाद मैदान येथे जरांगे यांची आझाद मैदानात भेट घेऊन चर्चा करण्याची शक्यता.

मनोज जरांगे यांनी आज सकाळी १० वाजल्यापासून मुंबईतील आझाद मैदानात उपोषणास सुरवात केली आहे.

उपोषणामुळे दक्षिण मुंबईत मोठ्या प्रमाणात वाहतूक कोंडी निर्माण झाली आहे.

या भागात गणपती भक्तांचीसुद्धा मोठी गर्दी असते त्यामुळे जरांगे यांच्या उपोषणावर लवकर तोडगा काढण्याचा सरकारचा प्रयत्न

त्यामुळे तातडीने आज शासनाचं शिष्टमंडळ जरांगे यांना भेटण्याची शक्यता.

29/08/2025 11:45:43

Manoj Jarange Patil: आझाद मैदान परिसरात जोरदार पावसाला सुरुवात

Manoj Jarange Patil: आझाद मैदान परिसरात जोरदार पावसाला सुरुवात झाली आहे. मुसळधार पावसातही मराठा आंदोलक आझाद मैदानात बसून आहेत.

29/08/2025 11:36:13

Manoj Jarange Patil: मनोज जरांगे आझाद मैदानावर आंदोलनाला बसताच दोन आमदार भेटीसाठी

Manoj Jarange Patil: मनोज जरांगेंनी आझाद मैदानात उपोषण सुरु करताच आमदार प्रकाश सोळंके आणि संदीप क्षीरसागर भेटीसाठी पोहचले.

29/08/2025 11:12:12

Manoj Jarange Patil: मंचावर बाप्पांची मूर्ती विराजमान

Manoj Jarange Patil: आझाद मैदानातील मंचावर बाप्पांची मूर्ती विराजमान करण्यात आली. त्यानंतर मनोज जरांगेंच्या हस्ते बाप्पाची आरती देखील करण्यात आली.

29/08/2025 10:43:15

Manoj Jarange Patil: जरांगेंना कुणाकुणाचा पाठिंबा?

आ.उत्तम जानकर
माळशिरस,राष्ट्रवादी(शप)

आ.बाबासाहेब देशमुख
सांगोला,शेकाप

आ.नारायणआबा पाटील
करमाळा,राष्ट्रवादी(शप)

आ.सरोज अहिरे
देवळाली,राष्ट्रवादी

आ.अभिजीत पाटील
माढा,राष्ट्रवादी(शप)
---------
आ.विजयसिंह पंडित
गेवराई,राष्ट्रवादी

आ.प्रकाश सोळंके
माजलगाव,राष्ट्रवादी

आ.राजेश विटेकर
पाथरी,राष्ट्रवादी

आ.राजू नवघरे
वसमत,राष्ट्रवादी

आ.रोहित पवार
कर्जत-जामखेड,राष्ट्रवादी(शप)

29/08/2025 10:42:44

Manoj Jarange Patil: जे शांततेत आंदोलन करील तोच आपला कार्यकर्ता

Manoj Jarange Patil: जे शांततेत आंदोलन करील तोच आपला कार्यकर्ता

सरकारचा कार्यकर्ता जर आला, किंवा कोण्या पक्षाचे असाल

मराठ्यांना डाग लावत असाल तर तुमची जबाबदारी आमची नाही

मला तळतळायला लावू नका, याच्यानंतर मला बोलायला लावू नका

29/08/2025 10:30:14

Manoj Jarange Patil: मराठ्यांच्या नाराजीची लाठ अंगावर घेऊ नका- मनोज जरांगे

Manoj Jarange Patil: मी उपोषणाला बसतो, शेवटच सरकारला विनंती करतो

आतापर्यंत सहकार्य केलं तसं, मंगळवारपासून आणखीन मराठे येणार आहेत

इथे जेवढे लोक आलेत, मराठ्यांच्या नाराजीची लाठ अंगावर घेऊ नका

मनोज जरांगे हटणार नाही, ह्याच ठिकाणी उपोषण करून मेलो तरीही

मराठ्यांच्या अंगावर गुलाल टाकल्याशिवाय राहणार नाही

एकाही पोलिसांचा फोन आला नाही पाहिजे, मला फोनवर बोलता येत नाही

मी आता उपोषणावर बसणार, तब्येत खराब होणार

29/08/2025 10:21:10

Manoj Jarange Patil: आझाद मैदानात पोहोचताच मनोज जरांगेंचे मोठ्या गर्जना-

- कोणीही जाळपोळ, दगडफेक करायची नाही, आंदोलनाला बट्टा लावायचा नाही, मी मरण पत्करायला तयार आहे, पण आता मागे हटायचं नाही

- मराठ्यांना विजय मिळवून दिल्याशिवाय, डोक्यावर गुलाल टाल्याशिवाय इथून हालायचं नाही

- सरकारने आपल्याला सहकार्य केलंय, आता आपणही सरकारला सहकार्य करावं. समाजाचं नाव खाली जाईल, असं कुणी वागू नका.

- दारु पिऊन धिंगाणा घालू नका, माझ्या समाजाला खाली मान घालावी लागेल असं वागू नका.

- मला गोळ्या घातल्या तरी चालतील पण आता समाजाच्या मागण्या पूर्ण केल्याशिवाय मागे हटणार नाही

- कोण काय सांगतंय, कोण राजकीय पोळी भाजतंय, त्यासाठी कोणी आपल्या आंदोलनाचा वापर करतंय का हे गांभीर्याने पाहा

- दोन तासात मुंबई मोकळी करुन द्या, पोलिसांना सहकार्य करा, एकही पोलीस नाराज होणार नाही याची काळजी घ्या..

29/08/2025 10:04:00

Manoj Jarange Patil: मनोज जरांगे पाटील आझाद मैदानात दाखल

Manoj Jarange Patil: मनोज जरांगे पाटील आझाद मैदानात दाखल झाले आहेत. यावेळी मनोज जरांगेंनी स्टेजवर असलेल्या छत्रपती शिवाजी महाराज यांच्या पुतळ्याला हार घातला.

29/08/2025 09:57:56

Manoj Jarange Patil: सरकारकडून खाऊगल्ल्या बंद ठेवण्याचे आदेश

Manoj Jarange Patil: राष्ट्रवादी काँग्रेस शरद पवार गटाचे आमदार रोहित पवार यांनी सरकारवर गंभीर आरोप केले आहेत. आंदोलनस्थळी आंदोलकांना सुविधा उपलब्ध करून द्यायच्या असतात आणि हेच लोकशाहीचे खरे तत्व आहे. परंतु राज्य सरकार आंदोलकांची गैरसोय कशी होईल याचे नियोजन करत असेल तर ते हुकुमशाहीचे लक्षण म्हणावे लागेल.मराठा आंदोलनाच्या पार्श्वभूमीवर खाऊगल्ल्या बंद ठेवण्याचे अलिखित फतवे गृहविभागाने काढल्याचे समोर येत आहे. खाऊगल्ल्यांना बंद ठेवण्यामागे गृहविभगाचा हेतू काय? मोठ्या प्रमाणात गर्दी होणार असेल तर उलट खाऊगल्ल्या सुरु ठेवायला हव्यात, असं रोहित पवार म्हणाले. गृहविभागाने आपले अलिखित फतवे मागे घेऊन तत्काळ खाऊगल्ल्या सुरु करण्यासंदर्भात सूचना कराव्यात, असं रोहित पवारांनी सांगितले.

29/08/2025 09:46:34

Manoj Jarange Patil: मनोज जरांगेंच्या आंदोलनाला कोणाचा पाठिंबा

मनोज जरांगेंच्या आंदोलनाला कोणाचा पाठिंबा-

आमदार उत्तमराव जानकर, माळशिरस विधानसभा, राष्ट्रवादी काँग्रेस शरद पवार गट
आमदार नारायण आबा पाटील, करमाळा विधानसभा, राष्ट्रवादी काँग्रेस शरद पवार गट
आमदार डॉक्टर बाबासाहेब देशमुख, सांगोला विधानसभा, शेतकरी कामगार पक्ष

राष्ट्रवादीचे आंदोलनाला पाठिंबा देणारे आमदार

१) विजयसिंह पंडित

२) प्रकाश सोळंके

३) राजेश विटेकर

४) राजू नवघरे

29/08/2025 09:32:34

Manoj Jarange Patil: मनोज जरांगे सीएसएमटी परिसरात दाखल

Manoj Jarange Patil: मनोज जरांगे सीएसएमटी परिसरात दाखल झाले आहेत. यावेळी सीएसएमटी परिसरात मोठ्या प्रमाणात गर्दी झाली आहे.

29/08/2025 09:17:34

Manoj Jarange Patil: मराठा आंदोलक रस्त्यात अडून बसलेत

Manoj Jarange Patil: पोलीस उपायुक्त प्रवीण मुंडेंकडून वाहतूक कोंडी सोडवण्याचा प्रयत्न

मराठा समन्वयक विरेंद्र पाटीलही पोलिसांसोबत आहेत

आंदोलक मात्र रस्त्यात अडून बसलेत

29/08/2025 09:09:16

Manoj Jarange Patil: वाशी टोल नाक्यावर मराठा आंदोलक गाड्यांची गर्दी

Manoj Jarange Patil: महाराष्ट्रातून मराठा आंदोलन मुंबईत येण्यास सुरुवात

वाशी टोल नाक्यावर मराठा आंदोलक गाड्यांची गर्दी .. हजारो गाड्या मुंबईत दाखल होण्यास सुरवात

राज्यातील विविध जिल्ह्यातून आंदोलनकर्ते मुंबईत अजूनही येत आहेत

29/08/2025 09:06:00

Manoj Jarange Patil: आझाद मैदानाची क्षमता संपली, आंदोलक आता रस्त्यावर

Manoj Jarange Patil:आझाद मैदानात मोठ्या प्रमाणात गर्दी झाली आहे. हजारो आंदोलक मैदानात आल्याने आझाद मैदानाची क्षमता संपली आहे. आझाद मैदानात आता जागा उरलेली नाहीय. त्यामुळे आंदोलक आता रस्त्यावर आल्याचं पाहायला मिळतंय.

29/08/2025 08:52:51

Manoj Jarange Patil: फ्री वे रोडचा वापर टाळा; मुंबई वाहतूक पोलिसांचे नागरिकांना आवाहन

Manoj Jarange Patil: फ्री वे रोडचा वापर टाळा

मुंबई वाहतूक पोलिसांचे नागरिकांना आवाहन

आझाद मैदानात आंदोलन असल्याने फ्री वे टाळा

आझाद मैदानात आंदोलन असल्याने फ्री वे रोडचा वापर टाळा, कृपया त्यानुसार नियोजन करा.

29/08/2025 08:42:13

Manoj Jarange Patil: वाहतूक कोंडी हटवण्यास सहकार्य करण्याचं मुंबई पोलिसांचं आंदोलनकर्त्यांना विनंती

Manoj Jarange Patil: रस्त्यावरील वाहतूक कोंडी हटवण्यास सहकार्य करण्याचं मुंबई पोलिसांचं आंदोलनकर्त्यांना विनंती

ध्वनिक्षेपकांच्या माध्यमातून पोलिसांनी केली विनंती

सह पोलीस आयुक्त कायदा व सुव्यवस्था सत्यनारायण चौधरी आंदोलनकर्त्यांची समजूत घालत आहेत

29/08/2025 08:33:49

Manoj Jarange Patil: पोलिसांची मनोज जरांगेंसोबत बातचीत

Manoj Jarange Patil: रस्ता मोकळा केला आहे. पोलिसांनी जरांगे यांच्याशी बातचीत केली. त्यानंतर गाड्या पुढे येत आहेत.

29/08/2025 08:26:42

Manoj Jarange Patil: आंदोलनकर्ते रस्त्यावर बसले

Manoj Jarange Patil: मराठा आंदोलक रस्त्यावर आल्याने मोठी छत्रपती शिवाजी महाराज रेल्वे टर्मिनस परिसरात प्रचंड वाहतूक कोंडी

पोलीस आंदोलनकर्त्यांना समजवण्याचा प्रयत्न करत आहेत

आंदोलनकर्ते रस्त्यावर बसले

पोलीस आंदोलनकर्त्यांची समजूत घालण्याचा प्रयत्न करत आहेत

29/08/2025 08:21:25

Manoj Jarange Patil: मनोज जरांगेंची उपोषणे

Manoj Jarange Patil: पहिले उपोषण
२९ ऑगस्ट ते १४ सप्टें,२०२३
अंतरवाली-सराटी

दुसरे उपोषण
२५ ऑक्टो ते २ नोव्हेंबर २०२३
अंतरवाली

तिसरे उपोषण
२६ आणि २७ जानेवारी २०२४
नवी मुंबई

चौथे उपोषण
१० ते २६ फेब्रुवारी २०२४
अंतरवाली

पाचवे उपोषण
४ ते १० जून २०२४
अंतरवाली

सहावे उपोषण
२० ते २४ जुलै २०२४
अंतरवाली

सातवे उपोषण
२५ ते ३० जानेवारी २०२५
अंतरवाली

आठवे उपोषण
२९ ऑगस्ट
आझाद मैदान

29/08/2025 08:20:33

Manoj Jarange Patil: छत्रपती शिवाजी महाराज रेल्वे टर्मिनस परिसरात प्रचंड वाहतूक कोंडी

Manoj Jarange Patil: मराठा आंदोलक रस्त्यावर आल्याने मोठी छत्रपती शिवाजी महाराज रेल्वे टर्मिनस परिसरात प्रचंड वाहतूक कोंडी

पोलीस आंदोलनकर्त्यांना समजवण्याचा प्रयत्न करत आहेत

29/08/2025 08:16:29

Manoj Jarange Patil: छत्रपती शिवाजी महाराज टर्मिनस परिसरात मराठा आंदोलनकर्त्यांकडून जल्लोष

29/08/2025 08:12:51

Manoj Jarange Patil: आझाद मैदानातील आंदोलनाच कसं आहे नियोजन?

Manoj Jarange Patil: टप्याटप्याने 5 हजार लोक आतमध्ये येणार...
आत्ताचे 5 हजार लोक बाहेर जाणार...बाहेरचे पाच हजार लोक आझाद मैदानाच्या आत मध्ये येणार

29/08/2025 08:04:14

Manoj Jarange Patil: मनोज जरांगेंना आंदोलनासाठी एका वेळी एकाच दिवसाची परवानगी-

Manoj Jarange Patil: आझाद मैदानात आंदोलन करण्यासाठी मनोज जरांगेंना एका वेळी एकाच दिवसाची परवानगी मिळालीय. शनिवारी, रविवारी किंवा सुट्टीच्या दिवशी परवानगी मिळणार नसल्याचं मुंबई पोलिसांनी स्पष्ट केलंय. त्यामुळे आज एकच दिवस जरांगेंना आझाद मैदानात आंदोलन करावं लागणार आहे. एका दिवसात आंदोलन कसं करणार, असा सवाल जरांगेंनी सरकारला केलाय. आणखी काही दिवसांची परवानगी मागणार असल्याचं सांगितलं जातंय. पण तशी परवानगी मिळाली तरी परवा शनिवार असल्यानं नियमानुसार जरांगेंना आजनंतर सलग आंदोलन करता येणार नाही. त्यामुळे शनिवारी, रविवारी जरांगेंचा मुक्काम कुठे असणार हा प्रश्न आहे.

29/08/2025 07:56:18

Manoj Jarange Patil: मनमाडवरून जरांगे समर्थक कार्यकर्ते मुंबईच्या दिशेने रवाना

Manoj Jarange Patil:- सलग दुसऱ्या दिवशी मनमाडवरून जरांगे समर्थक कार्यकर्ते मुंबईच्या दिशेने रवाना...
- छत्रपतींचा जयघोष व एक मराठा लाख मराठा घोषणा देत कार्यकर्ते पंचवटी एक्स्प्रेसने मुंबईकडे रवाना..
- नांदगाव, मनमाडवरून असंख्य कार्यकर्ते मनोज जरांगे यांच्या आंदोलनात सहभागी होणार..

29/08/2025 07:50:11

Manoj Jarange Patil: मनोज जरांगे यांचा ताफा फ्री वेवरील वडाळा येथे पोहचला

Manoj Jarange Patil: मनोज जरांगे यांचा ताफा फ्री वेवरील वडाळा येथे पोहचला आहे.

29/08/2025 07:47:39

Manoj Jarange Patil: नाशिकहून मराठा समाज बांधव मुबंईच्या दिशेने रवाना

Manoj Jarange Patil: मनोज जरांगे यांच्या आंदोलनाला पाठिंबा देण्यासाठी नाशिकहून मराठा समाज बांधव थोड्यावेळाने मुबंईच्या दिशेने रवाना होणार आहेत. अजून कार्यकर्ते जमत आहेत.

29/08/2025 07:46:06

Manoj Jarange Patil: वाशी टोल नाका ‘एक मराठा लाख मराठा’च्या घोषणांनी दणाणला

Manoj Jarange Patil: मराठ्यांचे वादळ मुंबईत धडकले… वाशी टोल नाका ‘एक मराठा लाख मराठा’च्या घोषणांनी दणाणला… मनोज जरांगे-पाटील यांच्यासह हजारो आंदोलक आझाद मैदानाकडे रवाना…

29/08/2025 07:44:52

Manoj Jarange Patil: फ्री वे हा संपूर्ण आंदोलनला येणाऱ्या गाड्यांसाठी

Manoj Jarange Patil: फ्री वे हा संपूर्ण आंदोलनला येणाऱ्या गाड्यांसाठी दिला आहे.
त्यामुळे दोन्ही लेन वर फक्त आझाद मैदानकडे जाणऱ्या गाड्या आहे.

29/08/2025 07:39:45

Manoj Jarange Patil: मनोज जरांगेंचा ताफा पूर्व द्रुतगती मार्ग ईस्टर्न फ्री वे वर पोहचला

Manoj Jarange Patil: मनोज जरांगे यांचा ताफा पूर्व द्रुतगती मार्ग ईस्टर्न फ्री वे वर पोहचला आहे.

29/08/2025 07:38:35

Manoj Jarange Patil: कर्णाक ब्रिज चौकात मोठ्या संख्येने मराठा आंदोलक

Manoj Jarange Patil: कर्णाक ब्रिज चौकात मोठ्या संख्येने मराठा आंदोलक

जॉइंट सीपी सत्यनारायण चौधरी आले आहेत

परिस्थितीचा आढावा घेत आहेत

29/08/2025 07:20:54

Manoj Jarange Patil: जरांगेंच्या आंदोलनासाठी आझाद मैदानात जय्यत तयारी

Manoj Jarange Patil: जरांगेंच्या आंदोलनासाठी आझाद मैदानात जय्यत तयारी...आंदोलक जमण्यास सुरुवात... आज एकच दिवस आंदोलन करता येणार, शनिवारी, रविवारी आंदोलनाची परवानगी नाहीच

29/08/2025 07:18:31

Manoj Jarange Patil: मराठा आरक्षण मोर्चात गणरायाची आरती

Manoj Jarange Patil: गणेश उत्सव काळामध्येच मनोज जरांगे यांनी मराठा आरक्षणासाठी मुंबईला जाऊन आंदोलन करायचं ठरवलं या आंदोलनामध्ये आडगाव येथील मराठा बांधव सुद्धा सहभागी झाले आहेत विजय चव्हाण यांनी गणरायाची प्राणप्रतिष्ठा चक्क ट्रक मध्ये केली असून याच ट्रकमध्ये विजय चव्हाण हे मनोज जरांगे यांच्या आंदोलनात सहभागी होण्यासाठी मुंबईला निघाले आहेत गावातील सर्वजण मराठा आरक्षणासाठी मुंबईला निघाल्याने गणरायाची घरी सेवा कोण करणार त्यामुळे या बाप्पाची प्रमाण प्रतिष्ठान चक्क ट्रकमध्येच केली आहे दरम्यान ट्रकमध्येच गणरायाची आरती करताना चा व्हिडिओ आता समाज माध्यमावर मोठ्या प्रमाणात व्हायरल होतोय.

29/08/2025 07:17:42

Manoj Jarange Patil: तुळजापूरचे भाजप आमदार राणाजगजितसिंह पाटील यांच्याकडून मराठा आंदोलकाची राहण्याची, जेवणाची सोय

Manoj Jarange Patil: मनोज जरांगे पाटील यांच्या मराठा आरक्षण आंदोलनासाठी मोठ्या प्रमाणावर मराठा कार्यकर्ते मुंबईकडे कूच करत आहेत. राज्यभरातून येणाऱ्या मराठा आंदोलकांसाठी ठिकठिकाणी व्यवस्था करण्यात येत आहेत. धाराशिव जिल्ह्यासह राज्याचे इतर भागातून येणाऱ्या मराठा आंदोलकासाठी धाराशिवच्या तुळजापूरचे भाजप आमदार राणाजगजीतसिंह पाटील यांनी त्यांच्या नेरूळ येथील तेरणा कॉलेजमध्ये निवासाची आणि जेवणाची आणि वाहनांच्या पार्किंगची व्यवस्था केली.

29/08/2025 07:16:08

Manoj Jarange Patil: कर्णाक ब्रिज चौकात मोठ्या संख्येने मराठा आंदोलक चालत आझाद मैदानात चालले

Manoj Jarange Patil: कर्णाक ब्रिज चौकात मोठ्या संख्येने मराठा आंदोलक चालत आझाद मैदानात चालले आहेत

आंदोलकांना पी डिमेलो रोडवरून कर्नक ब्रिज मार्गे माता रमाबाई आंबेडकर पोलीस स्टेशन समोरून पुढे आझाद मैदानातकडे जाणार आहेत

29/08/2025 07:13:37

Manoj Jarange Patil: सरकारची भूमिका काय?

Manoj Jarange Patil: मराठ्यांना ओबीसीतून आरक्षण शक्य नाही
ओबीसींमध्ये आधीच ३५० जाती झाल्यात
मराठ्यांना स्वतंत्र १० टक्क्यांचे आरक्षण दिलेय
मेडिकलला ईसीबीसीचं कट ऑफ ओबीसींपेक्षा कमी
अभ्यास करुन मराठा आरक्षणाची मागणी करावी

29/08/2025 07:13:04

Manoj Jarange Patil: मुंबईत दाखल झालेल्या मराठ्यांच्या सीएसटी स्थानकात घोषणाबाजी

Manoj Jarange Patil: मुंबईत दाखल झालेल्या मराठ्यांच्या सीएसटी स्थानकात घोषणाबाजी

मराठ्यांनी हलगीवर मुंबईत पोहचून जल्लोष साजरी केला

रात्रभर आरक्षणाच्या मागणीसाठी आलेलेल कार्यकर्ते सीएसटी स्थानकात झोपले

29/08/2025 07:12:49

Manoj Jarange Patil: मुंबईत वाहतुकीत बदल

Manoj Jarange Patil: वाहतूक विभागाच्या हद्दीत दि.२९/०८/२०२५ रोजी संभवतः आयोजक श्री. मनोज जरांगे यांचा मराठा क्रांती मोर्चा आयोजित केलेला असुन सदरचा मोर्चा हा आझाद मैदान येथे दि.२९/०८/२०२५ रोजी येणार आहे. सदरचा मोर्चा हा बीड येथून निघून नवी मुंबई मार्गे सायन- पनवेल मार्गाने पांजरपोळ मार्गे मोटार कार व इतर वाहने घेवून आझाद मैदान येथे जाणार आहे. सदर मराठा क्रांती मोर्चामध्ये मोठ्या संख्येने लोक सहभागी होण्याची शक्यता असल्याने तसेच सदरच्या मोर्चामधील लोक हे पायी, मोटर सायकल, मोटर कार/टेम्पो/ट्रक इत्यादी वाहनांनी येणार आहे. तरी वाहतुकीच्या आदेशाने खालीलप्रमाणे आदेश देण्यात येत आहेत.

29/08/2025 07:12:12

Manoj Jarange Patil: मनोज जरांगे पाटील यांच्या नेमक्या मागण्या कोणत्या?

Manoj Jarange Patil: मनोज जरांगे पाटील यांच्या नेमक्या मागण्या कोणत्या? (What are the exact demands of Manoj Jarange Patil?)

1. मराठा कुणबी एक आहेत. याची अंमलबजावणी झाली पाहिजे, त्याशिवाय मुंबई सोडणार नाही, असं मनोज जरांगे म्हणाले.

2. हैदराबाद गझेटियर लागू करा... 13 महिन्यापासून त्यांचा अभ्यासच सुरू आहे, असं मनोज जरांगेंनी सांगितले. आम्हाला सातारा, बाँबे गॅझेटियर लागू करावे, अशी मागणी मनोज जरांगेंनी केली.

3. सगे सोयरेचा अध्यादेश काढून दीड वर्ष झाले, तरी मराठा संयमी आहे. त्याची व्याख्या दिली आहे. ज्याची कुणबी नोंद सापडली आहे त्याचे सगे सोयरे घ्या...सगे सोयरे पोट जात म्हणून घ्या, अशी मागणी मनोज जरांगेंनी केली आहे.

4. सरसकट गुन्हे मागे घेणार होते. आमच्यावरच मार खाऊन केसेस झाल्या...अजून केसेस मागे घेतल्या नाहीत. मराठा बांधवांनी आरक्षणासाठी बलिदान दिले आहेत. त्यांचे कुटुंब उघड्यावर आहे, असं मनोज जरांगे म्हणाले.

5. आमचं कायद्यात बसणारे आरक्षण द्या..., अशी मागणी मनोज जरांगेंनी केली.

29/08/2025 07:11:48

Manoj Jarange Patil: मराठा आरक्षणाच्या मागणीसाठी आलेले कार्यकर्ते रात्र भर छत्रपती शिवाजी महाराज स्थानकात झोपले

छत्रपती शिवाजी महाराज स्थानकाच्या फलाट क्रमांक एक पासून ते 18 पर्यंत मराठ्यांची गर्दी

पाऊसापासून रक्षण व्हावे म्हणून मराठा आंदोलन सीएसटी स्थानकातील फलाटावर झोपले

मराठवाड्यातून आलेले आंदोलक सीएसटी स्थानकात झोपले

29/08/2025 07:11:31

Manoj Jarange Patil: आझाद मैदानात तयारी

Manoj Jarange Patil: आझाद मैदान व्यवस्था.. स्टेज टाकलाय मनोज जरांगे यांना बसायला

छत्रपती शिवाजी महाराजांचा पुतळा आणला आहे.

29/08/2025 07:11:12

Manoj Jarange Patil: मनोज जरांगे थोड्याच वेळात आझाद मैदानावर पोहोचणार

Manoj Jarange Patil: मराठा आंदोलक मनोज जरांगे थोड्याच वेळात आझाद मैदानावर पोहोचणार आहेत...सध्या ते वाशीतून मुंबईकडे रवाना झालेत...वाशी टोलनाक्यावर त्यांचं जल्लोषात स्वागत करण्यात आलंय...शेकडो गाड्यांचा ताफा आणि हजारो मराठा आंदोलक मुंबईत धडकतायेत...तिकडे चेंबूरमध्येही छत्रपती शिवाजी महाराज यांच्या पुतळ्याजवळ पोलिसांचा मोठा बंदोबस्त तैनात करण्यात आलाय...पोलिसांची तुकडी आणि दंगल नियंत्रण पथक चेंबूर येथे दाखल झालंय...तिकडे आझाद मैदानावरही शेकडो मराठा आंदोलक जमले आहेत...आरक्षणाच्या मुद्द्यावर आक्रमक पवित्रा आता मराठ्यांनी घेतल्याचं दिसत आहे...आज संध्याकाळी सहा वाजेपर्यंत आझाद मैदानावर आंदोलनाची परवानगी दिलीये...त्यामुळे संध्याकाळी सहा नंतर मनोज जरांगे आणि मराठा आंदोलक काय भूमिका घेणार हे पहाणं अतिशय महत्त्वाचं ठरणार आहे...

Manoj Jarange Patil Maratha Mumbai Morcha LIVE: आंदोलनाला एक दिवसांची मुदतवाढ, मनोज जरांगेंची 7 वाजता पत्रकार परिषद

पार्श्वभूमी

Manoj Jarange Patil: मनोज जरांगे पाटील यांच्या नेमक्या मागण्या कोणत्या? (What are the exact demands of Manoj Jarange Patil?)