Maharashtra Winter Session Nagpur 2025: हिवाळी अधिवेशनाला आजपासून सुरुवात

08/12/2025 18:11:27

निलंबित तहसीलदार सूर्यकांत येवलेंचा आणखी एक कारनामा समोर येण्याची शक्यता

पुणे : मुंढवा जमीन घोटाळ्यातील आरोपी आणि निलंबित तहसीलदार सूर्यकांत येवले यांचा पुन्हा एक कारनामा समोर येण्याची शक्यता आहे. सूर्यकांत येवले यांने कुटुंबियांची पतसंस्थेची थकबाकी ८५ लाख ५० हजारांची रोख रक्कम भरल्याचा दावा RTI कार्यकर्ते विजय कुंभार यांनी केला आहे. मुंढवा प्रकरण सुरू असतानाच ही रक्कम भरली गेल्याचही त्यांचं म्हणणं आहे. येवले यांच्याकडे एवढी रक्कम आली कुठून आणि भ्रष्टाचार आणि मनी लॉन्डरिंगचा प्रकार असल्याचंही दिसून येत आहे. या सगळ्या प्रकरणाची ED कडून चौकशी करावी, अशी मागणी कुंभार यांनी केली आहे. त्यांनी ट्विटकरुन हा दावा केला आहे. सोबत कागदपत्रदेखील पुरावा म्हणू जोडले आहेत.

08/12/2025 17:45:20

हिंस्त्र प्राण्याच्या हल्ल्यात आठ शेळ्या ठार

बीड: अंबाजोगाई तालुक्यातील डोंगर पिंपळा येथे हिंस्त्र प्राण्यांनी केलेल्या हल्ल्यात तब्बल आठ शेळ्यांचा मृत्यू झाला आहे.येथील शेतकरी बळीराम केंद्रे यांनी त्यांच्या शेतात बांधलेल्या शेळ्यांवर अज्ञात जंगली हिंस्त्र प्राण्याने हल्ला केला.विशेषा म्हणजे सहा फूट उंच तारेच्या कुंपणावरुन हिंस्त्र प्राण्याने उडी टाकत शेळ्यांवर हल्ला केला यात आठही शेळया जागीच दगावल्याची माहिती शेतकऱ्याकडून देण्यात आली. या घटनेनंतर परिसरात भीतीचे वातावरण निर्माण झाले आहे.शेतकरी बळीराम केंद्रे यांनी प्रशासनाकडे पंचनामा करून नुकसानभरपाई देण्याची मागणी केली आहे.

08/12/2025 16:51:35

प्रियांका गांधी यांच्या भाषणाला संस्कृती मंत्री गजेंद्र शेखावत यांचे आव्हान

प्रियांका गांधी यांनी म्हटलं की बंकिमचंद्र यांनी दोन वेळा वंदे मातरम लिहिलं

एकदा दोन कडवी आणि मग चार

पण बंगालमध्ये जिथे बंकिमचंद्र यांनी वंदे मातरम लिहिलं तिथे एक संशोधन केंद्र आहे

त्या संशोधन केंद्रात काम करणाऱ्यांचं म्हणणं आहे की बंकिमचंद्र यांनी संपूर्ण वंदे मातरम एकाच वेळी लिहिलं होतं

आता प्रियंका गांधी यांनी माहिती द्यावी त्यांना ही माहिती कोणी दिली

जेणेकरून माहिती अद्ययायवत केली जाऊ शकेल

08/12/2025 16:33:36

बार्शीचे विद्यमान आमदार दिलीप सोपल याना दणका, बार्शी कृषी उत्पन्न बाजार समितीवर माजी आमदार राजेंद्र राऊत यांची एकहाती सत्ता

सोलापूर ब्रेकिंग

---

*बार्शीचे विद्यमान आमदार दिलीप सोपल याना दणका, बार्शी कृषी उत्पन्न बाजार समितीवर माजी आमदार राजेंद्र राऊत यांची एकहाती सत्ता*

*बाजार समितीच्या 18 पैकी 18 जागेवर माजी आमदार राजेंद्र राऊत गटाचे उमेदवार विजयी*

*पॅनलचा विजय होताच माजी आमदार राजेंद्र राऊत भावनिक, राऊत यांचे सुपुत्र आणि बाजार समितीचे माजी चेअरमन रणवीर राऊत याना ही अश्रू अनावर*

विधानसभा निवडणुकीत पराभव राजेंद्र राऊत यांचा पराभव झाल्यानंतर बार्शी कृषी उत्पन्न बाजार समितीमध्ये देखील सत्ता बदल होणार का याकडे संपूर्ण जिल्ह्याचे लक्ष लागलं होते

मात्र राजेंद्र राऊत यांच्या नेतृत्वातील बळीराजा विकास आघाडीने दिलीप सोपल यांच्या परिवर्तन आघाडीला अक्षरशः धोबीपच्छाड या निवडणुकीत दिलीय

*बाजार समितीमध्ये एक हाती सत्ता आल्यानंतर माजी आमदार राजेंद्र राऊत गटाच्या कार्यकर्त्यांकडून गुलाल उधळत, फटाके फोडत मोठा जल्लोष*

बाईट : राजेंद्र राऊत, माजी आमदार

08/12/2025 15:56:40

तळेगाव एमआयडीसीत कारवाईचा वाद; आमदारांवर दाखलदारांचा आरोप**

ऍंकर : पुण्याच्या तळेगाव एमआयडीसीमधील काही कंपन्यांचे अनधिकृत बांधकाम आणि शेड पीएमआरडीए कडून हटवले जातायेत. मात्र ही कारवाई अजित पवारांच्या राष्ट्रवादीचे आमदार सुनील शेळकेंच्या सांगण्यावरून होतीये. असा आरोप करत स्थानिकांनी आंदोलन छेडलंय. पीएमआरडीएने या कंपन्यांना रीतसर नोटिसा देऊन ही कारवाई सुरु केलीये, असा कारवाईला आलेल्या अधिकाऱ्यांचा दावा आहे. त्यामुळे आपण अनधिकृत बांधकामांचे समर्थन न करता सहकार्य करावे, असं आवाहन पीएमआरडीएने केलंय. मात्र आमदारांच्या सांगण्यावरून ही जाणीवपूर्वक कारवाई केली जातीये, असा आरोप स्थानिकांनी केला. या कारवाईमुळं अनेकांना बेरोजगार होण्याची वेळ येईल, अशी भीती स्थानिकांना आहे. स्थानिकांचा विरोध पाहता पीएमआरडीएने अद्याप कोणतीही कारवाई केलेली नाही.

बाईट : रणजित काकडे - आंदोलक

08/12/2025 15:32:34

वंदे मातरमवर जे काही आघात झाले त्यासाठी काँग्रेस जबाबदार: मुख्यमंत्री देवेंद्र फडणवीस

CM Byte

On वंदे मातरम -

- वंदे मातरम हे केवळ गीत नाही तर हे भारताच्या स्वातंत्र्याचा मंत्र आहे हा राष्ट्रवादाचा मंत्र आहे ज्या वंदे मातरम ला जाताना भारताच्या कित्येक स्वतंत्रता सेनानी क्रांतिकारी फाशीवर गेले परंतु उप तक नाही म्हटलं हा तो महामंत्र आहे

- या महामंत्राने सामान्य व्यक्तीला स्वतंत्रताच्या आंदोलनाशी जोडलं, आता त्याचे दीडशे वर्ष पूर्ण झाल्यावर संसदेत चर्चा होणे स्वाभाविक आहे

- आज आमच्या विधानसभेतही आम्ही लोकांनी संपूर्ण वंदे मातरम गाऊन या गीताला आमच्याकडून नमन केलं आहे, आणि पुढच्या अधिवेशनात आमच्या अध्यक्षांनी म्हटले आहे की वंदे मातरमवर आमच्या विधानसभेतही चर्चा होईल

On आदित्य ठाकरे वंदे मातरम -

- वंदे मातरमवर कधीच बॅन लागलेला नाही, वंदे मातरमवर जे काही आघात झाले त्यासाठी काँग्रेस जबाबदार आहे, काँग्रेसनेच प्रस्ताव पारित करून वंदे मातरमला कापलं आणि अर्धाच वंदे मातरम गायला जाईल असं केलं, त्याच काँग्रेसच्या सोबत गळ्याला गळा मिळवून आदित्य ठाकरे रोज फिरतात, त्यांनी भाजपला नाही तर काँग्रेसला प्रश्न विचारला पाहिजे

- भाजपच्या कार्यकाळात वंदे मातरमचा नेहमीच सन्मान झाला आहे

On 22 शिंदे आमदार आदित्य वक्तव्य -

- असा आहे म्हणण्याकरिता उद्या कोणी हेही म्हणू शकेल की आदित्य ठाकरेंचे 20 आमदार आहेत तेही भाजपच्या गळ्याला लागलाय, असं कोणाच्या म्हणण्याने होत नाही आणि आम्हाला शिंदे सेनेचे आमदारांच्या कडे घेऊन काय करायचंय

- शिंदे सेना आमचा मित्र पक्ष आहे, ती खरी शिवसेना आहे, त्यामुळे मित्र पक्षाचे आमदार आम्हाला घेऊन अशा प्रकारचा राजकारण करत नाही, उलट शिवसेना मजबूत झाला पाहिजे त्यासाठी आम्ही त्यांच्या पाठीशी उभे आहोत आणि निश्चितपणे भविष्यात शिवसेना भाजप आणि आमची महायुती अजून मजबूत होताना आपल्याला पाहायला मिळेल

*On सोयाबीन आयात* -

- आजच मी कुठेतरी वाचलं की सोयाबीनचे दर हे स्थिर झालेले आहेत, आता तुम्ही म्हणता की कुठेतरी वायदे झालेले आहेत, हे कपोल कल्पित, कोणीतरी काहीतरी बातमी सोडते त्यावर तुम्ही जाऊ नका

- पूर्ण सोयाबीन आम्ही खरेदी करायला तयार आहोत, नाफेड ने सेंटर उघडले आहेत, हमीभावाने खरेदी सुरू झाली आहे, काही ठिकाणी बाजार भाव हे जास्त किंमत देत आहेत म्हणून ते बाजारातही विकले जात आहेत

- म्हणून मला असं वाटतं की हे वायदे झाले, ते वायदे झाले, बाहेरून आलं या सगळ्या गोष्टीत काही अर्थ नाही

-

08/12/2025 15:31:03

पर्यावरणप्रेमी आणि पालिका प्रशासन यांच्यातील बैठक निष्फळ

नाशिक

* *पर्यावरणप्रेमी आणि पालिका प्रशासन यांच्यातील बैठक निष्फळ*

* पालिका प्रशासनाकडून झाडांच्या बाबत कोणतीही योग्य माहिती मिळाली नसल्याचा पर्यावरण प्रेमींचा आरोप

* एक्झिबिशन सेंटर साठी झाडं तोडणार नसल्याचा मनपा आयुक्तांकडून खुलासा

* मात्र त्याबाबतचा जीआर काढण्याची पर्यावरणप्रेमींची मागणी

* *बैठक निष्फळ झाल्याने आंदोलन सुरूच राहण्याच्या मार्गावर*

* पालिका आयुक्तांकडून पर्यावरणप्रमींशी चर्चा सुरूच राहणार असल्याची माहिती..

08/12/2025 14:58:24

स्थानिक स्वराज्य संस्थांच्या निवडणूक याचिकांवर उच्च न्यायालयात मोठी हालचाल; दोन याचिका फेटाळल्या, तीन मागे

स्थानिक स्वराज्य संस्थांच्या निवडणुकांशी संबंधित उमेदवारांच्या अर्जावरील दोन याचिका मुंबई उच्च न्यायालयाने सोमवारी फेटाळल्या असून तीन याचिका याचिकाकर्त्यांनी स्वतः मागे घेतल्या. मतदार यादी, सीमांकन आणि आरक्षणासह विविध मुद्द्यांवर राज्यभरातून दाखल झालेल्या 100 हून अधिक याचिकांवर सध्या मुंबई उच्च न्यायालयात सुनावणी सुरू आहे. या सर्व याचिकांची सुनावणी मुख्य न्यायमूर्ती चंद्रशेखर यांच्या खंडपीठातच होणार असल्याचे न्यायालयाने याआधी स्पष्ट केले आहे.

08/12/2025 14:40:52

२१ डिसेंबर होणारी mpsc परीक्षा पुढे ढकलली

२१ डिसेंबर होणारी mpsc परीक्षा पुढे ढकलली

* नगरपालिका नगरपंचायती निवडणुकीच्या मतमोजणीमुळे २१ डिसेंबर ची एमपीएससी परीक्षा पुढे ढकलली
* ४ जानेवारी आणि 11 जानेवारीला २०२६ परीक्षा होणार

08/12/2025 14:31:25

काशिमिरा परिसरात मध्यरात्री धिंगाणा; पोलिसांची झटपट कारवाई, तरुणांना अटक

मिरा-भाईंदर : काशिमिरा परिसरात मध्यरात्रीनंतर कायदा व सुव्यवस्थेला आव्हान देणारी धक्कादायक घटना उघडकीस आली आहे. ‘सारंग’ नावाच्या बारच्या बाहेर काही तरुणांकडून धिंगाणा, आरडाओरडा, शिवीगाळ आणि दहशत माजवण्याचे प्रकार घडले होते. हे रोजचाच प्रकार असल्याची तक्रार स्थानिक नागरिकांनी पोलिसांकडे केली होती. रात्री उशिरापर्यंत सुरू राहणाऱ्या या गैरप्रकारांमुळे नागरिकांमध्ये भीतीचे वातावरण निर्माण झाले होते. या धिंगाण्याचे अनेक व्हिडिओ समाजमाध्यमांवर व्हायरल झाले. त्यावर काशीगाव पोलीस ठाण्याने संबंधित तरुणाविरुद्ध कारवाई करत त्यांना अटक केली.

कायद्याचा धाक दाखविण्यासाठी पोलिसांनी त्या तरुणाची मिरवणूक काढत सार्वजनिकरीत्या माफी मागायला लावली. याचे व्हिडिओ आता पोलिसांकडूनच व्हायरल करण्यात येत आहेत. या कारवाईनंतर परिसरातील नागरिकांनी सुटकेचा श्वास सोडला आहे. अशा प्रकारचे प्रकार पुन्हा घडू नये यासाठी कठोर पावले उचलली जातील, असा इशारा पोलिस अधिकाऱ्यांनी दिला आहे.

08/12/2025 14:14:00

Solapur News: बार्शी कृषी उत्पन्न बाजार समितीवर भाजपचे आमदार राजेंद्र राऊत यांचीच पुन्हा एकदा सत्ता

बार्शी कृषी उत्पन्न बाजार समितीवर भाजपचे आमदार राजेंद्र राऊत यांचीच पुन्हा एकदा सत्ता

आतापर्यंत मतमोजणी झालेल्या 18 पैकी 11 जागावर राजेंद्र राऊत पुरस्कृत बळीराजा विकास आघाडीचे उमेदवार विजयी, अद्याप 7 जागांची मतमोजणी बाकी

आतापर्यंत मोजणी झालेल्य सर्व जागावर राजेंद्र राऊत पुरस्कृत उमेदवार विजयी, आमदार दिलीप सोपल यांच्या पॅनलने अद्याप खाते देखील उघडलेले नाही

आतापर्यंत झालेल्या मटमोजणीत व्यापारी मतदारसंघातील 2, हमाल तोलार 1, ग्रामपंचायत मतदारसंघातील 4 आणि सोसायटी मतदारसंघातील 4 जागांचे निकाल हाती आले असून 11 पैकी 11 जागांवर राजेंद्र राऊत यांच्या बळीराजा विकास आघाडीचे उमेदवार विजयी झाले आहेत.

अद्यापही सोसायटी मतदारसंघातील 7 जागांचा निकाल बाकी आहे.

मात्र बहुमताचा आकडा गाठताच राजेंद्र राऊत समर्थकांनी हलगी वाजवत जल्लोष करायाला सुरुवात केलीय.

08/12/2025 13:54:00

सप्तशृंग गडावरील अपघातानंतर ग्रामस्थ आक्रमक

- सप्तशृंग गडावरील अपघातानंतर ग्रामस्थ आक्रमक..
- अपघातस्थळी रास्ता - रोको ; ठेकेदारावर गुन्हा दाखल करण्याची मागणी..
- बांधकाम विभागावर गलथान कारभाराचा आरोप.
- दीड वर्षांपासून रस्ता काम सुरू असल्याने भाविकांना मोठ्या अडचणींना जावे लागते सामोरे..
- सार्वजनिक बांधकाम विभागाच्या अधिकाऱ्यावर मनुष्यवधाचा गुन्हा दाखल करण्याची मागणी..
- वणी सप्तश्रृंगी गडावर जाणाऱ्या भाविकांच्या वाहनांच्या लागल्या रांगा..
- गडावरून खोल दरीत वाहन कोसळल्याने गमवावे लागले सहा जणांना प्राण...
- यापूर्वीही बस कोसळली होती दरीत..

08/12/2025 13:37:15

Eknath Shinde: उपमुख्यमंत्री एकनाथ शिंदेंची देवगिरीत विशेष बैठक; मंत्री–आमदारांनाच प्रवेश

उपमुख्यमंत्री एकनाथ शिंदे यांनी शिवसेनेच्या आमदार आणि मंत्र्यांची विशेष बैठक आज देवगिरी येथे बोलावली आहे. विशेष म्हणजे, या बैठकीत स्वीय सहाय्यक किंवा सुरक्षा रक्षकांना प्रवेश दिला जाणार नाही—फक्त मंत्री आणि आमदार उपस्थित राहणार आहेत. सूत्रांच्या माहितीनुसार, ही बैठक अलीकडील निवडणुकांच्या पार्श्वभूमीवर घेण्यात येत आहे. नगरपरिषद व नगरपालिका निवडणुकीतील कामगिरी, मिळालेल्या जागांचा आढावा, उर्वरित निवडणुकांसाठीची रणनीती, दगा–फटका कुठे झाला याचे विश्लेषण तसेच जिल्हानिहाय राजकीय समीकरण आणि प्रलंबित मतदारसंघातील कामाचा अहवाल स्वतः एकनाथ शिंदे घेणार आहेत.

08/12/2025 13:32:55

कोल्हापुरातील कृषी प्रदर्शनात तरुणांची फ्री स्टाईल हाणामारी

कोल्हापुरात भरवण्यात आलेल्या कृषी प्रदर्शनात तरुणांची फ्री स्टाईल हाणामारी

तरुणांमधील किरकोळ वादावादीचे रूपांतर झालं हाणामारीत

रागाच्याभरात तरुणांनी केली एकमेकांना जोरदार मारहाण

अचानक हाणामारी सुरू झाल्याने नागरिकांमध्ये घबराहट

हाणामारीचा व्हिडिओ सोशल माध्यमांवर व्हायरल

08/12/2025 13:15:35

सयाजी शिंदे यांना पाठिंबा देत बीडमध्ये वृक्षप्रेमींचे तपोवन वाचवा आंदोलन

बीड: वृक्ष वाचवण्यासाठी पुढाकार घेतलेल्या अभिनेते सयाजी शिंदे यांना पाठिंबा देत बीडमध्ये वृक्षप्रेमींनी तपोवन वाचवा झाडे वाचवा यासाठी आंदोलन केले. यावेळी गिरीश महाजन यांच्या विरोधात जोरदार घोषणाबाजी करत निषेध करण्यात आला. बीड शहरातील खंडेश्वरी मंदिर परिसरात उपमुख्यमंत्री तथा बीडचे पालकमंत्री अजित पवारांनी वृक्ष संवर्धन राबविलेल्या ठिकाणी हे आंदोलन करण्यात आले. यावेळी सयाजी शिंदे यांना बीडकरांनी पाठिंबा दिला.

08/12/2025 13:11:59

तीन दिवस ठाणे शहरात 30 टक्के पाणी कपात

ठाणे: शहराला पाणीपुरवठा करणाऱ्या पिसे बंधारा येथून टेमघर जलशुद्धीकरण केंद्राकडे पाणी वाहून आणणारी 1000 मि. मि व्यासाची जलवाहिनी कल्याण फाटा येथे महानगर गॅसच्या कामांमध्ये शनिवारी सकाळी नादुरुस्त झाली आहे. पाणीपुरवठा विभागामार्फत जलवाहिनीच्या दुरुस्तीचे काम मागील दोन दिवसापासून सुरू आहे. परंतु जलवाहिनी जुनी व प्रिस्ट्रेस काँक्रीट पद्धतीची असल्यामुळे दुरुस्तीच्या कामासाठी आणखी तीन दिवस वेळ लागण्याची शक्यता आहे. या कारणास्तव ठाणे शहराकडे येणारा पाणीपुरवठा कमी झाला असून शहरांमध्ये 30 टक्के पाणी करण्यात लागू करण्यात येत आहे. शहरामध्ये पाणी वितरणाचा समतोल ठेवण्यासाठी दिनांक 11/12/2025 पर्यंत झोनिंग पद्धतीने पाणीपुरवठा करण्यात येणार आहे. यामुळे नागरिकांना कमी प्रमाणात व अनियमित पाणीपुरवठा होईल. नागरिकांनी पाण्याचा वापर जपून करावा व महापालिकेत सहकार्य करावे असे आवाहन पाणीपुरवठा विभागामार्फत करण्यात येत आहे.

08/12/2025 12:58:43

साखर आयुक्त कार्यालयात राजारामबापू सहकारी साखर कारखान्याची महत्त्वाची बैठक

साखर आयुक्त यांच्या सोबतच्या बैठकीला जयंत पाटील ही उपस्थित

राजाराम बापू साखर कारखान्याच्या विविध समस्या संदर्भात साखर आयुक्त कार्यालयात बैठक

साखर आयुक्तालयातील संबंधित प्रश्नावर आणि समस्या याच्यावर बैठक सुरु

08/12/2025 12:18:15

Nanded News: क्रीडा महोत्सवात खेळाडूंच्या जेवणात निघाल्या अळ्या

नांदेड : येथील स्वामी रामानंद तीर्थ मराठवाडा विद्यापीठामध्ये महाराष्ट्र राज्य आंतर विद्यापीठ क्रीडा महोत्सव होतोय. याठिकाणी खेळाडूच्या जेवणामध्ये आळ्या निघाल्याचा व्हिडीओ समाज माध्यमावर व्हायरल होत आहे. क्रीडा महोत्सवासाठी महाराष्ट्रातील 23 विद्यापीठाच्या पाच हजार खेळाडूंनी सहभाग घेतला आहे. खेळाडूंच्या जेवणात आळ्या निघाल्याने नेटकऱ्यामध्ये संताप व्यक्त होत आहे.

08/12/2025 12:08:51

Nashik Tree Cutting: तपोवनातील वृक्षतोडीच्या पार्श्वभूमीवर महापालिकामध्ये होणार महत्वपूर्ण बैठक

तपोवनातील वृक्ष तोडीच्या पार्श्वभूमीवर महापालिकामध्ये होणार महत्वपूर्ण बैठक

पर्यावरण प्रेमी आणि मनपा अधिकाऱ्यांमध्ये होणार बैठक

तपोवनातील वृक्ष तोडीला पर्यावरण प्रेमींचा विरोध

पर्यावरण प्रेमीं काही प्रतिनिधी राहणार बैठकीला उपस्थित

साधूग्राम उभारणी आणि वृक्ष तोड यावर सुवर्ण मध्य काढण्यासाठी होणार बैठक

बैठकीत पर्यावरण प्रेमी काय भूमिका मांडतात याकडे लक्ष

08/12/2025 11:58:43

Jalgaon News: संत गजानन महाराजांच्या वारीचे शेगावकडे प्रस्थान

जळगाव : जिल्ह्यातील संत गजानन महाराज यांच्या सेवेकऱ्यांच्या माध्यमातून मार्गशीर्ष्य संकष्टी चतुर्थीच्या निमित्ताने एरंडोल ते शेगाव पुरुषांची पायीवारी काढण्यात येते. गेल्या 36 वर्षांपासून ही वारी काढण्यात येत असून मोठ्या उत्साहाने भाविक या वारीचे दर्शन घेण्यासाठी आणि स्वागत करण्यासाठी गर्दी करतात. गौरी उद्योग समूहाच्या वतीने आज वावडदा येथे वारीचे स्वागत करण्यासह, विधिवत पूजन करून वारीचे शेगावकडे प्रस्थान झाले आहे.

08/12/2025 11:53:39

Chhatrapati Sambhajinagar: छत्रपती संभाजीनगरात दोन गटात हाणामारी; मुलीचे फोटो काढल्यामुळे वाद पेटला

छत्रपती संभाजीनगरमध्ये मुलीचे फोटो काढल्याच्या कारणावरून दोन गटांत तीव्र वाद झाला आणि त्याचाच परिणाम म्हणून मारहाण झाली. क्रांतिचौक पोलीस ठाण्याजवळ घडलेल्या या घटनेत सुमारे 35 ते 40 जणांनी हल्ला केल्याचा आरोप असून, पीडित मुलीच्या वडिलांनी पोलिसांकडे तक्रार नोंदवली आहे. क्रांती चौक पोलिसांनी गुन्हा दाखल करून पुढील तपास सुरू केला आहे.

08/12/2025 11:44:03

Dhule News: बुलेटच्या सायलेन्सरवर पोलिसांनी फिरवला रोड रोलर

धुळे : बुलेटच्या फटाका सायलेन्सरवर बंदी घालण्यात आलेली असताना देखील अनेकांकडून वाहनांना हे सायलेन्सर बसवले जाते. या वाहनधारकांवर वाहतूक शाखेने कारवाईचा बडगा उगारला असून दंडात्मक कारवाई करण्यात येत आहे. कारवाई करण्यात आलेल्या बुलेटचे कर्णकर्कश्य सायलेन्सर काढून घेण्यात आले असून या सायलेंसरवर रोड रोलर फिरवून पोलीस प्रशासनाने कारवाई केली आहे. शहरातील संतोषी माता चौकात तब्बल 65 सायलेन्सरवर रोड रोलर फिरवण्याची कारवाई पोलीस प्रशासनाकडून करण्यात आली असून यावेळी नागरिकांनी गर्दी केली होती. बुलेट धारकांनी करणे असलेले सायलेन्सर बसू नये अन्यथा कठोर कारवाई करण्याचा इशारा पोलिस प्रशासनाने दिला आहे.

08/12/2025 11:42:27

Nashik News: 18 देशांच्या शिष्टमंडळाची मालेगावच्या व्यंकटेश्वरा फॉर्मला भेट

नाशिक: मालेगावच्या अजंग शिवारात माजी सैनिकांनी एकत्र येत ५०० एकरावर सहकारी तत्वावर स्थापन केलेल्या वेंकटेश्वरा फार्मिंग कंपनीला १८ देशाच्या मंत्री तसेच विदेशी सरकारच्या अधिकारी शिष्टमंडळाने भेट देत अभ्यास दौरा केला. यावेळी व्यंकटेश्वरा फॉर्मचे प्रमुख डॉ. शिवाजीराव डोळे यांनी परदेशी पाहुण्यांचे स्वागत केले. यावेळी शिष्टमंडळाने व्यंकटेश्वरा फार्मिंगच्या सेंद्रिय शेती, माती परीक्षण केंद्र, गिर गाई , पंचगव्य अगरबत्ती, गांडुळ खत प्रकल्प या प्रकल्पांना भेट देत पाहणी केली. एवढ्या मोठ्या प्रमाणावर सहकारी तत्वावर शेती केली जात असल्याचे पाहून परदेशी पाहुण्यांनी कौतुक केले तर देशाचे पंतप्रधान नरेंद्र मोदी यांनी शेतकऱ्यांसाठी राबविलेल्या योजनांचीही प्रशंसा केली. व्यंकटेश्वरा फार्मिंगसोबत व्यावसायिक संबंध वाढविण्याबाबत सर्वच देशातील प्रतिनिधींनी सकारात्मकता दर्शविली. वेंकटेश्वरा फॉर्मिंग आदरातिथ्याने परदेशी पाहुणे भारावून गेले. भारताला संपूर्ण जगात एक आदराचे स्थान आहे. आम्ही जागतिक पातळीवर दोस्त शोधतो आहे. भारत जगातल्या काही देशांमधला एक असा देश आहे जो प्रत्येकासोबत मैत्री करतो आणि चालतो. उदाहरणार्थ केनिया, आफ्रिका, साऊथ एशिया, अरेबिया. आमच्या देशाचे राष्टाध्यक्ष आभार मानतात की, आमच्या सोबत भारताचे सबंध चांगले आहे, अशी प्रतिक्रिया या पाहुण्यांनी दिली आहे.

08/12/2025 09:47:32

Onkar Elephant news: वन खात्याकडे हर्तीचे व्यवस्थापन करण्यासाठी योजनाच नाही

वन खात्याकडे हर्तीचे व्यवस्थापन करण्यासाठी योजनाच नाही, तामिळनाडू, कर्नाटकचाही 'ओंकार' सह महाराष्ट्रातील हत्ती स्वीकारण्यास नकार. सिंधुदुर्ग जिल्ह्यातील हत्तीबाधित क्षेत्राचा विषय चिघळला असून हत्तीपकड मोहिमेपर्यंत हा विषय आला आहे. मात्र, वन खात्याकडे रानटी हत्तींचे व्यवस्थापन करण्यासाठी ठोस योजनाच नसल्याचे समोर आले आहे. तर तामिळनाडू आणि कर्नाटकनेही ओंकारसह महाराष्ट्रातील हत्ती स्वीकारण्यास नकार दिल्याने 'आता या हत्तींचे करायचे काय?' असा प्रश्न वन खात्यासमोर निर्माण झाला आहे. दोडामार्ग तालुक्यात गणेश नावाचा टस्कर त्याच्यासोबत माई नावाची मोठी मादी, लहान मादी आणि दोन पिल्ले अशा एकूण पाच हत्तींचा वावर आहे. तसेच ओंकार हत्ती देखील जिल्ह्यात फिरत आहे.

08/12/2025 09:41:45

Vande Mataram: वंदे मातरमवर आजपासून लोकसभेत विशेष चर्चा, पंतप्रधान मोदी सभागृहाला संबोधित करणार

वंदे मातरमवर आजपासून लोकसभेत विशेष चर्चा

वंदे मातरम या राष्ट्रीय गीताला १५० वर्षपूर्तीनिमित्त आजपासून लोकसभेत चर्चा

पंतप्रधान नरेंद्र मोदीही करणार सभागृहाला संबोधित

'वंदे मातरम्' च्या १५०व्या वर्धापन दिनानिमित्त आज लोकसभेत विशेष चर्चा होणार आहे. 'वंदे मातरम्' च्या अनेक महत्त्वाच्या आणि अपरिचित पैलूंचा उलगडा होण्याची अपेक्षा आहे. पंतप्रधान नरेंद्र मोदी देखील या चर्चेला संबोधित करणार आहेत.

08/12/2025 09:23:14

Belgaon news: खानापूर महाराष्ट्र एकीकरण समिती नेत्यांना पोलिसांनी घेतलं ताब्यात

खानापूर महाराष्ट्र एकीकरण समिती नेत्यांना पोलिसांनी घेतलं ताब्यात

बेळगावात कर्नाटक विधानसभेचे हिवाळी अधिवेशला आज सुरुवात होत आहे

याच अधिवेशनाच्या पहिल्या दिवशी विरोध करून, सीमाभागातील मराठी जनतेची मागणी केंद्र आणि कर्नाटक सरकारपुढे ठळकपणे मांडण्यासाठी दरवर्षी महामेळावा आयोजित केला जातो.

याच महामेळाव्याची कर्नाटक सरकार धास्ती घेत समिती नेत्यांना पोलिसांनी ताब्यात घेतलं आहे

08/12/2025 09:16:02

Beed crime: बीडमध्ये वर्षभरात 365 शस्त्र परवाने रद्द

बीडमध्ये वर्षभरात 365 शस्त्र परवाने रद्द करण्यात आले आहेत. सरपंच संतोष देशमुख हत्या प्रकरणानंतर गोळीबाराच्या अनेक घटना समोर आल्या होत्या. त्यामुळे जिल्ह्यातील कायदा व सुव्यवस्थेचा प्रश्न चर्चिला गेला. अशातच वर्षभरात 365 शस्त्र परवाने प्रशासनाकडून रद्द करण्यात आलेत.

जानेवारी महिन्यात जिल्ह्यामध्ये 1281 शस्त्र परवाने होते. याच दरम्यान काही परवानाधारकांचे हवेत फैरी झाडताना हातात पिस्तूल घेऊन फोटोसेशन करतानाचे फोटोज व्हायरल झाले होते. त्यामुळे वर्षाच्या सुरुवातीला गुन्हे देखील नोंदविले गेले. यावेळी 49 परवानाधारकांनी स्वतःहून परवाने प्रशासनाकडे समर्पित केले. या संपूर्ण वर्षभरात नव्याने केवळ चार परवाने देण्यात आले ज्यात बँकांचा समावेश असल्याची माहिती आहे. सध्या जिल्ह्यात 916 लोकांकडे शस्त्र परवाने आहेत. तर अवैध शस्त्र बाळगणाऱ्यांवर पोलीस प्रशासनाकडून कारवाई केली जातेय.

08/12/2025 09:15:00

Naxalwadi news: नक्षलवाद्यांचा नेता "रामधेर मज्जी" याचे पोलिसांसमोर आत्मसमर्पण

छत्तीसगड मधील खैरागड येथे आज सकाळी माओवाद्यांचा सेंट्रल कमिटी मेंबर "रामधेर मज्जी" याने त्याच्या 11 सहकाऱ्यांसह (एकूण 12) छत्तीसगड पोलिसांसमोर आत्मसमर्पण केले आहे.. रामधेर मज्जी सेंट्रल कमिटी मेंबर असून एमएमसी (MMC) म्हणजेच महाराष्ट्र, मध्य प्रदेश, छत्तीसगड या तिन्ही राज्यातील सीमेवरील माओवाद्यांच्या झोनचा सर्वात वरिष्ठ माओवादी नेता आहे..

विशेष म्हणजे कालच एमएमसी झोन मधील सचिव कबीर उर्फ सुरेंद्र आणि मानसिंग होळी या दोन मोठ्या नेत्यांनीही त्यांच्या दहा सहकाऱ्यांसह मध्य प्रदेशातील बालाघाट पोलिसांसमोर शस्त्र खाली ठेवले होते. तर त्यापूर्वी 28 नोव्हेंबर रोजी विकास नागापुरे या एमएमसी झोन मधील dkszc या तरुण माओवादी कमांडरने त्याच्या एकूण 11 सहकाऱ्यांसह महाराष्ट्रातील गोंदिया पोलिसांसमोर शस्त्र खाली ठेवले होते.

त्यामुळे एम एम सी झोन मधील सर्व प्रमुख माओवादी नेत्यांनी आता त्यांचे शस्त्र खाली ठेवले आहे.. ( विशेष म्हणजे याच झोनमधील माओवाद्यांनी काही दिवसांपूर्वी महाराष्ट्राचे मुख्यमंत्री देवेंद्र फडणवीस, तसेच मध्य प्रदेश चे मुख्यमंत्री मोहन यादव आणि छत्तीसगडचे मुख्यमंत्री विष्णूदेव साय या तिघांना पत्र लिहीत शस्त्र खाली ठेवण्याची इच्छा व्यक्त केली होती. मात्र त्यासाठी त्यांनी 15 फेब्रुवारी 2026 पर्यंतची वेळ मागितली होती..)

मात्र महाराष्ट्रसह मध्य प्रदेश आणि छत्तीसगड पोलीस दलातील वरिष्ठ अधिकाऱ्यांचा यश म्हणावं लागेल की तिन्ही राज्यातील पोलिसांनी महाराष्ट्र मध्य प्रदेश आणि छत्तीसगडच्या सीमेवर विस्तारलेल्या एमएमसी झोन मधील सर्व वरिष्ठ माओवादी नेत्यांना त्यांच्या पथकांसह अवघ्या दोन आठवड्याच्या कालावधीत शस्त्र खाली ठेवण्यासाठी तयार केले.. त्यामुळे या भागात माओवाद संपुष्टात आणण्यासाठी घडू शकणारा मोठा रक्तपात टळला आहे...

एम एम सी झोन म्हणजे काय आणि त्याचे काय महत्त्व आहे??

* एम एम सी झोन महाराष्ट्र छत्तीसगड आणि मध्य प्रदेशचे सीमेवरील गोंदिया, बालाघाट आणि खैरागड जिल्ह्यात विस्तारलेला माओवाद्यांचा नवीन क्षेत्र होता...
* आधी तेलंगणा मधून माओवाद्यांवर दबाव वाढल्यानंतर त्यांनी दक्षिण बस्तर आणि गडचिरोली मध्ये आपला बस्तान बसवला होता...
* मात्र तिथेही दबाव वाढल्यानंतर त्यांनी एमएमसी या महाराष्ट्र, मध्यप्रदेश छत्तीसगडच्या सीमेवरील जिल्ह्यांवर लक्ष केंद्रित करत तिथे विस्तार करण्याची योजना आखली होती..
* माओवादासाठी एक नवीन क्षेत्र म्हणून गेले आठ ते दहा वर्ष माओवाद्यांचे अगदी सेंट्रल कमिटी पातळीवरील मोठे नेते त्या ठिकाणी कार्यरत झाले होते..
* महाराष्ट्रातील सर्वात वरिष्ठ माओवादी नेता मिलिंद तेलतुंबडे ला ( जो काही वर्षांपूर्वी चकमकीत मारला गेला) एम एम सी झोनची खास जबाबदारी देण्यात आली होती...

त्यामुळे एम एम सी झोन मधील सर्व वरिष्ठ माओवादी नेत्यांनी त्यांचे शस्त्र खाली ठेवल्यामुळे माओवादी ज्या नवीन क्षेत्रामध्ये स्वतःचा विस्तार करून पहात होते, त्या नवीन क्षेत्रात माओवाद जवळपास संपुष्टात येण्याची दाट चिन्हे निर्माण झाली आहे..

08/12/2025 08:59:11

BJP Mumbai news: भाजपचे मुंबईत नागरी मेळावे

भाजपचे मुंबईत नागरी मेळावे, पालिका निवडणुकीच्या अनुषंगाने भाजप मेळावे घेणार. महायुती सरकारने केलेल्या कामाचा माहितीपट दाखवला जाणार. पुढील १५ दिवसांत मेळाव्यांचे आयोजन. आगामी मेळाव्यात विविध क्षेत्रांतील व्यावसायिक, डॉक्टर, चार्टर्ड अकाउंटंट्स, वकील, रहिवासी संघटना, नागरिकांचा गट, गृहनिर्माण सोसायट्यांचे, तसेच एसआरए सोसायट्यांचे पदाधिकारी, चाळ प्रमुख यांना जोडलं जाणार

08/12/2025 08:53:37

Bhandara crime news: बनावट नंबर प्लेट आणि ई - टीपीवर वाहतूक करणाऱ्या वाळू माफियांवर कारवाई

भात उत्पादनासाठी प्रसिद्ध असलेला भंडारा जिल्हा आता वाळू माफियांमुळं वेगळी ओळख निर्माण करताय काय? असा प्रश्न मागील काही दिवसांपासून उपस्थित होऊ लागलाय. वाळूचं अवैध उत्खनन करून त्याची वाहतूक थांबवण्यासाठी पोलीस आणि महसूल प्रशासन कारवाई करत असला तरी, वाळू माफिया वेगवेगळी शक्कल लढवून वाळूची चोरटी वाहतूक करताना दिसून येत आहे. कारवाई होऊ नये, म्हणून कधी नंबर प्लेट नसलेल्या वाहनातून तर, कधी मोठ्या ट्रकमधून वाळूची वाहतूक करताना दिसून आलं आहे. आता तर, दुसऱ्या वाहनाची नंबर प्लेट लावून आणि दुसऱ्या वाहनाची वाळू वाहतुकीची ई - टीपी वापरून वाळूची वाहतूक सुरू असल्याचा धक्कादायक प्रकार भंडाऱ्यात समोर आला. ही वाहतुकीची नवी शक्कल करडीचे ठाण्याचे पोलिस निरीक्षक गोरक्षण नागलोथ आणि त्यांच्या पथकानं हाणून पाडली. एका पाठव माठ एक येणाऱ्या तीन टिप्पर मधून वाळूची अवैध वाहतूक सुरू असताना ही कारवाई करण्यात आली. तिन्ही टिप्परचे नंबर प्लेट आणि वाळूची वाहतूक करण्यासाठी वापरण्यात येणारी ई - टीपी ही दुसऱ्या वाहनाची असल्याचा धक्कादायक प्रकार समोर आलाय. याप्रकरणी नागपूर जिल्ह्यातील कन्हान येथील तीन टिप्पर चालकांना करडी पोलिसांनी ताब्यात घेतलं असून त्यांच्या विरोधात विविध कलमांवर अंतर्गत गुन्हे दाखल करण्यात आले आहे. या कारवाईत 30 ब्रास वाळूसाठा आणि तीन टिप्पर असा 1 कोटी 35 लाखांचा मुद्देमाल करडी पोलिसांनी जप्त केला आहे.

08/12/2025 08:51:22

Chandrapur Chunkhadi project news: माणिकगड सिमेंट कंपनीच्या चुनखडी खाण प्रकल्पाचे काम आदिवासी शेतकऱ्यांनी पाडले बंद

चंद्रपूर जिल्ह्यातील कुसुंबी- बॉम्बेझरी येथे असलेल्या माणिकगड सिमेंट कंपनीच्या चुनखडी खाण प्रकल्पाचे काम आदिवासी शेतकऱ्यांनी आंदोलन करत ४ डिसेंबर पासून बंद पाडले आहे. हे प्रकल्पग्रस्त शेतकरी 15 महिन्यांपासून स्वतःच्या शेतजमिनीसाठी मोबदला किंवा नोकरी मागत ऊन -वारा- पावसा- पाण्यात चिकाटीचा संघर्ष करत आहेत. मात्र राज्य सरकार आणि कंपनी व्यवस्थापनाने प्रकरण निकाली काढण्यासाठी टाळाटाळ चालवली आहे. २००३ -२०००४ मध्ये माणिकगड सिमेंट कंपनीने आपल्या खाण विस्तारासाठी अधिकची 493 हेक्टर जमीन घेतली. मात्र प्रत्यक्षात कंपनीच्या ताब्यात शेकडो पटीने अधिक जमीन आहे. कंपनीने खोदकाम करून हजारो कोटींचा नफा मिळविला मात्र शेतकऱ्यांना वाऱ्यावर सोडले आहे. विशेष म्हणजे विधिमंडळात देखील हा प्रश्न चर्चिला गेला मात्र तोडगा निघालेला नाही. परिणामी आदिवासी शेतकरी 15 महिन्यापासून आंदोलन करत आहेत. नागपुरातील विधिमंडळ अधिवेशनाच्या पार्श्वभूमीवर कुसुंबी आणि बांबेझरी येथील कोलाम आदिवासींचा जगण्यासाठीचा संघर्ष ठळकपणे पुढं आलाय.

08/12/2025 08:49:30

Pune Accident: पुण्यातील नवले पुलावर पुन्हा अपघात

पुण्यातील नवले पुलावर पुन्हा अपघात

स्कूल बसने पंच कारला धडक मारल्याची माहिती

ब्लॅक स्पॉटवर अपघात झाल्याची माहिती

किरकोळ अपघात पोलिसांकडून माहिती

अपघातात दोन जण जखमी असल्याची देखील माहिती

08/12/2025 08:48:36

Pune Police: पुणे जिल्ह्यातील यशवंत सहकारी साखर कारखान्याचे चेअरमन आणि संचालक मंडळ अजितदादांच्या भेटीला

पुणे जिल्ह्यातील यशवंत सहकारी साखर कारखान्याचे चेअरमन आणि संचालक मंडळ अजितदादांच्या भेटीला

साखर कारखान्याच्या व्यवहारा संदर्भात आणि स्टॅम्प ड्युटी माफ करण्यासंदर्भात अजितदादांची भेट घेणार

यशवंत सहकारी साखर कारखान्यावर होणाऱ्या आरोपासंदर्भात अजितदादासोबत चर्चा करण्याची शक्यता

08/12/2025 08:41:45

Malegaon news: १८ देशाच्या शिष्टमंडळाची मालेगावच्या व्यंकटेश्वरा फॉर्मला भेट

मालेगावच्या अजंग शिवारात माजी सैनिकांनी एकत्र येत ५०० एकरावर सहकारी तत्वावर स्थापन केलेल्या वेंकटेश्वरा फार्मिंग कंपनीला १८ देशाच्या मंत्री तसेच विदेशी सरकारच्या अधिकारी शिष्टमंडळाने भेट अभ्यास दौरा केला. यावेळी व्यंकटेश्वरा फॉर्मचे प्रमुख डॉ.शिवाजीराव डोळे यांनी परदेशी पाहुण्यांचे स्वागत केले.यावेळी शिष्टमंडळाने व्यंकटेश्वरा फार्मिंगच्या सेंद्रिय शेती, माती परीक्षण केंद्र, गिर गाई, पंचगव्य अगरबत्ती, गांडुळ खत प्रकल्प या प्रकल्पांना भेट देत पाहणी केली.एवढ्या मोठ्या प्रमाणावर सहकारी तत्वावर शेती केली जात असल्याचे पाहून परदेशी पाहुण्यांनी कौतुक केले तर देशाचे पंतप्रधान नरेंद्र मोदी यांनी शेतकऱ्यांसाठी राबविलेल्या योजनांचीही प्रशंसा केली. व्यंकटेश्वरा फार्मिंगसोबत व्यावसायिक संबंध वाढविण्याबाबत सर्वच देशातील प्रतिनिधींनी सकारात्मकता दर्शविली.वेंकटेश्वरा फॉर्मिंग आदरातिथ्याने परदेशी पाहुणे भारावून गेले.

08/12/2025 08:40:56

Sangli news: शिराळा तालुक्यातील कापरी येथे बिबट्याचे दोन बछडे ४३ तासांनी आईच्या कुशीत विसावली

शिराळा तालुक्यातील कापरी येथील ऊसाच्या शेतात बिबट्याची १५ ते २० दिवसांचे दोन बछडे पुन्हा आढळून आले. वनविभाग आणि सह्याद्री रेस्क्यू वॉरियर्सच्या पथकाला दुसऱ्यांदा बचावकार्य राबवावे लागले. तब्बल ४३ तासांच्या प्रतीक्षेनंतर आईच्या कुशीत बिबट्याचे दोन बछडे विसावली. कापरी येथील शिवाजी बाळा पाटील यांच्या शेतात ऊसतोडणी सुरूअसताना मजुरांना बिबट्याचे दोन बछडे दिसली. माहिती मिळताच वनविभाग आणि सह्याद्री रेस्क्यू वॉरियर्सच्या पथकाने तातडीने घटनास्थळी धाव घेतली. या बछड्यांना सुरक्षित ठिकाणी ठेवून परिसरात तीन ट्रॅप कॅमेरे बसविण्यात आले. दुपारी साडेबारा वाजेच्या सुमारास मादी बिबट्या घटनास्थळी आली.तिने परिसराची पाहणी केल्यानंतर दोन्ही पिल्लांना उचलून सुरक्षित ठिकाणी नेत धूम ठोकली.

08/12/2025 08:40:22

Nashik crime: डोंगराळे बालिका अत्याचार प्रकरण ; न्यायाची मागणी तीव्र

मालेगाव तालुक्यातील डोंगराळे येथील अल्पवयीन मुलीवर झालेला अत्याचार व खून प्रकरणी पीडित बालिकेला लवकरात लवकर न्याय मिळावा आणि आरोपीस फाशीची शिक्षा देण्यात यावी या मागणीसाठी मंत्री दादा भुसे यांच्या माध्यमातून पीडित कुटुंबियांनी नागपूर येथे हिवाळी अधिवेशनाच्या पार्श्वभूमीवर मुख्यमंत्री देवेंद्र फडणवीस, उपमुख्यमंत्री एकनाथ शिंदे यांची भेट घेतली..भविष्यात लहान बालकांवरील अत्याचार रोखण्यासाठी नवीन कठोर कायदा तातडीने तयार करावा, अशी भूमिकाही ग्रामस्थांनी मांडली. राज्य सरकारने त्वरित कारवाई करून न्याय सुनिश्चित करावा अशी मागणी करण्यात आली..मंत्री दादा भुसे यांच्या माध्यमातून ही भेट घडली

08/12/2025 08:39:48

Parbhani Leopard: परभणीच्या पाथरी तालुक्यात बिबट्याचा वावर

परभणीच्या पाथरी तालुक्यातील रेनाखळी शिवारामध्ये मागच्या आठवडाभरापासून बिबट्याचा वावर वाढला आहे या ठिकाणी बिबट्याने दोन जनावरांचा फरशा पडला असून रेणाखळी शिवारातील प्रमोद हरकळ,संदीपान श्रावणे यांच्या शेतामध्ये वन विभागाने ट्रॅप कॅमेरे बसवले आहेत या तीन ट्रॅप कॅमेरा मधील एका कॅमेरा मध्ये बिबट्या आढळून आला असून या परिसरातील नागरिकांनी सतर्क राहावे तसेच जनावरे बाहेर बांधण्या ऐवजी आत बांधावे असे आवाहन वन विभागाने केले आहे. सध्या या बिबट्यावर वनविभाग लक्ष ठेवून आहे

08/12/2025 08:39:11

Maharashtra Adhiveshan: अधिवेशनाच्या पहिल्याच दिवशी चार मोर्चे धडकणार

* आजपासून हिवाळी अधिवेशनाला सुरुवात,अधिवेशनाच्या पहिल्याच दिवशी चार मोर्चे धडकणार

* तर यशवंत स्टेडियम येथे विविध संघटनाचे 15 धरणे आंदोलन होणार आहे.. आपल्या मागणीकडे लक्ष वेधण्यासाठी दोघांनी आत्मदहनाचा इशारा ही दिला आहे..

* अधिवेशनाच्या पहिल्याच दिवशी चार प्रमुख मोर्चे विधानसभेच्या दिशेने कूच करणार.

* शहराच्या चारही भागातून येणाऱ्या मोर्चाच्या पार्श्वभूमीवर चोख सुरक्षा व्यवस्था तैनात, वाहतुकीला फटका बसणार नाही याची विशेष काळजी घेतली जात आहे..

* मोर्चेकरांवर लक्ष ठेवण्यासाठी आणि सुरक्षेसाठी पोलिसांनी जागोजागी सीसीटीव्ही कॅमेरे लावलेत.

* याशिवाय चौकातील कॅमेऱ्याची नजर असेल सोबतच ड्रोन कॅमेरा आणि हेल्मेट कॅमेऱ्याची नजर असणार..

08/12/2025 08:37:59

Barshi Election: बार्शी कृषी उत्पन्न बाजार समितीच्या संचालक मंडळ निवडणुकीचा आज निकाल

बार्शी कृषी उत्पन्न बाजार समितीच्या संचालक मंडळ निवडणुकीसाठी आज मतमोजणी होत आहे. सकाळी 8 वाजल्यापासून ह्या मतमोजणीला सुरुवात होतेय. बार्शी कृषी उत्पन्न बाजार समितीच्या 18 संचालक पदासाठी निवडणूक लागली होती. त्यातील दोन जागा ह्या आधीच बिनविरोध झाल्याने उर्वरित 16 जागासाठी काल चूरशीने मतदान झालं. सुमारे 96.98 टक्के मतदारांनी आपला मतदानाचा हक्क बजावला. आमदार दिलीप सोपल पुरस्कृत बार्शी बाजार समिती परिवर्तन आघाडी माजी आमदार राजेंद्र राऊत पुरस्कृत बळीराजा विकास आघाडी या दोन पॅनलमध्ये ही लढाई होतेय. याशिवाय 4 अपक्ष उमेदवार देखील रिंगणात आहेत. त्यामुळे आज विजयाचा गुलाल कोण उधळणार हे दुपारपर्यंत स्पष्ट होईल.

08/12/2025 08:37:13

Maharashtra weather: निफाडमध्ये 6.4 अंश तापमानाची नोंद

निफाडमध्ये 6.4 अंश तापमानाची नोंद. यंदाच्या मोसमातील नीचांकी तपमानाची नोंद. गेल्या 24 तासात तपमानात 4 अंशांनी घट. रविवारी 11 अंश सेल्सिअस तपमानाची करण्यात आली होती नोंद

08/12/2025 08:35:39

Nashik Tapovan news: तपोवनातील वृक्षतोडी संदर्भात आज महापालिकेत होणार महत्त्वाची बैठक

तपोवनातील वृक्षतोडी संदर्भात आज महापालिकेत होणार महत्त्वाची बैठक

पर्यावरण प्रेमींचे प्रतिनिधी आणि मनपा अधिकारी यांच्यात होणार बैठक

दुपारी 12 वाजता महापालिका मुख्यालयात होणार बैठक

कुंभमेळानिमित्ताने साधुग्राम उभारणीसाठी तपोवनातील वृक्ष तोड करावी लागणार मनपा प्रशासनाची भूमिका

महापालिका प्रशासनाच्या निर्णयाला पर्यावरण प्रेमींचा विरोध

साधूग्राम मधील एकही झाड तोडू देणार नसल्याची पर्यावरण प्रेमींचा इशारा

गेल्या 15 दिवसापासून सुरू आहेत तपोवनात आंदोलन

या पार्श्वभूमीवर आज होणार महत्वपूर्ण बैठक

08/12/2025 07:58:06

परभणीचे तापमान 6.6 अंशावर

परभणीचे तापमान 6.6 अंशावर

यंदाच्या मोसमातील सर्वात निघाली तापमान

जिल्ह्यात हुडहुडी भरवणारी थंडी

08/12/2025 07:57:44

परभणी महानगरपालिकेची निवडणूक काही दिवसात लागणार

परभणी महानगरपालिकेची निवडणूक काही दिवसात लागणार आहेत. या अनुषंगाने सर्वच पक्ष तयारी करत आहेत परभणीत एकनाथ शिंदेंच्या शिवसेनेने याच निवडणुकीच्या अनुषंगाने नियोजनांसाठी शहरातील पदाधिकाऱ्यांची बैठक घेतली.महानगर पालिका क्षेत्रातील सर्वच प्रभागांचा आढावा या बैठकीत घेण्यात आला.बैठकीनंतर लोकसभा आणि विधानसभेत ज्या प्रमाणे युती होती त्या प्रमाणेच महापालिकेतही युती करावी अशी मागणी जिल्हाप्रमुख आनंद भरोसे यांनी केली आहे.त्यामुळे कुठे तरी एकनाथ शिंदेंची शिवसेनेचा महापालिकेत स्वबळाचा नारा सोडून युती कडे जाण्याचा कल दिसतोय..

08/12/2025 06:53:21

अहिल्यानगरच्या नेता सुभाष चौकात सगर उत्सव साजरा

अहिल्यानगर शहरात चितळे रोडवरील नेता सुभाष चौकात सगर उत्सव मोठ्या जल्लोषात साजरा करण्यात आला...यावेळी पुणे, दौंड , सातारा, सोलापूर, पैठण येथून मोठ्या संख्येने गवळी बांधव या सगर उत्सवात सहभागी झाले...सगर उत्सवात म्हशी आणि रेडे यांना सजवून पळण्याची परंपरा आहे...मागील तीस वर्षापासून ही परंपरा जोपासली झाले...शिवसेनेचे दिवंगत आमदार अनिल राठोड यांनी ही परंपरा सुरू केली होती...आजही ही परंपरा त्यांचे चिरंजीव विक्रम राठोड यांनी सुरू ठेवली आहे... रात्री नऊ ते बारा वाजेच्या दरम्यान हा सगर उत्सव साजरा केला जातो...दरवर्षी राज्यभरातून आलेल्या गवळी समाज बांधवांचा युवासेनेच्या वतीने सन्मान केला जातो.

08/12/2025 06:53:05

जळगाव जिल्हा परिषद पाणीपुरवठा विभागात टेंडरमध्ये 100 कोटींचा भ्रष्टाचार

जळगाव जिल्हा परिषद पाणीपुरवठा विभागात टेंडरमध्ये 100 कोटींचा भ्रष्टाचार; शिवसेना ठाकरे गटाचा गंभीर आरोप !

चुकीच्या इस्टिमेटद्वारे 100 कोटींचा गैरव्यवहार झाल्याचा शिवसेना ठाकरे गटाचे विधानसभा क्षेत्र प्रमुख रमेश पाटील यांचा आरोप !

जिल्हा परिषदच्या अधिकाऱ्यांनी पेमेंट अडवून ठेवल्याने ठेकेदार आत्महत्येच्या उंबरठ्यावर !

अधिकाऱ्यांनी दबावात आपल्या मुलावर खोटा गुन्हा दाखल केल्याचाही आरोप !

राज्य शासनाचा निधी उपलब्ध असताना देखील “कमिशन आणि टक्केवारीसाठी” पेमेंट रोखून धरल्याचाही आरोप!

08/12/2025 06:52:29

जुनी पेन्शन आणि टीईटी संदर्भातील मागण्यांसाठी शिक्षकांचे आज आझाद मैदानात आंदोलन

जुनी पेन्शन आणि टीईटी संदर्भातील मागण्यांसाठी शिक्षकांचे आज आझाद मैदानात आंदोलन. अधिवेशनाच्या पहिल्याच दिवशी विविध मुद्दे आणि मागण्या यावर लक्ष वेधण्यात येणार.

08/12/2025 06:52:10

पीएम किसान सन्मान योजनेतून राज्यातले हजारो लाभार्थी शेतकरी वगळले

पीएम किसान सन्मान योजनेतून राज्यातले हजारो लाभार्थी शेतकरी वगळले, आधार आणि ईकेवायसी रखडल्याने नागपूर जिल्ह्यातून ९ हजार १६१ लाभार्थी वंचित, ईकेवायसी केल्यावरही अनेकांना पुढील हफ्त्याचा निधी नाहीच