Maharashtra Live Blog Updates: बीडमधील राड्यानंतर लक्ष्मण हाके गेवराई पोलिसांना शरण जाणार?

Maharashtra Live Blog Updates: राज्यातील आणि देश-विदेशातील ताज्या घडामोडी आणि बातम्यांचे अपडेट्स मिळवण्यासाठी येथे क्लिक करा.

पार्श्वभूमी

Maharashtra Live Blog Updates: एकनाथ शिंदे मुख्यमंत्री असताना देवेंद्र फडणवीसांनी मराठा आरक्षणाचं काम करू दिलं नाही, असा खळबळजनक दावा मनोज जरांगे यांनी केला आहे. मुख्यमंत्री झाल्यावर मागण्या का मान्य नाही? असा सवालही मनोज जरांगे यांनी उपस्थित केला. तर आमच्यामध्ये कोणीही विस्तव टाकण्याचा प्रयत्न केला तरीही आम्ही एक आहोत असं म्हणत मनोज जरांगेंना केलेल्या आरोपांवर मुख्यमंत्री देवेंद्र फडणवीसांनी उत्तर दिलं आहे. राज्यातील आणि देश-विदेशातील ताज्या घडामोडी आणि बातम्यांचे अपडेट्स मिळवण्यासाठी येथे क्लिक करा.

26/08/2025 16:22:45

लक्ष्मण हाके यांना गेवराईत येण्यापासून पोलिसांनी रोखलं

बीड :  जिल्ह्यात लागू जमाबंदी आदेशाच्या पार्श्वभूमीवर, ओबीसी नेते लक्ष्मण हाके यांना गेवराई तालुक्यातील नागझरी गावाजवळ पोलिसांनी अडवलं. काल गेवराईत झालेल्या राड्यानंतर पोलिसांनी हाके यांना नोटीस बजावली होती. त्या नोटिशीला उत्तर देण्यासाठी ते गेवराईकडे निघाले होते. मात्र, कायदासुव्यवस्थेचा प्रश्न निर्माण होऊ नये, म्हणून त्यांना थांबवण्यात आलं असून, सध्या जालन्यातील वडीगोद्री येथे पोलीस आणि हाके यांच्यात चर्चा सुरू आहे. पोलीस त्यांची समजूत काढण्याचा प्रयत्न करत आहेत. 

26/08/2025 15:51:21

नाशिकमध्ये लाडक्या बाप्पासाठी तब्बल वीस हजार रुपये किलोचे मोदक

नाशिक : लाडक्या गणपती बाप्पाच्या प्राणप्रतिष्ठेसाठी अवघे काही तास बाकी आहेत. नाशिकमध्ये सोने चांदीचे वर्क असलेले तब्बल वीस हजार रुपये किलोचे मोदक विक्रीसाठी उपलब्ध झाले आहेत. नाशिकच्या सागर स्वीटमध्ये 25 पेक्षा जास्त प्रकारचे मोदक खरेदी करण्यासाठी नाशिककर देखील गर्दी करत आहे. लाडक्या बाप्पाला विविध प्रकारचा नैवेद्य दिला जातो आणि त्यात सर्वात महत्त्वाचा म्हणजे गणपतीचा आवडीचा असलेला सोने आणि चांदीचा मोदक नाशिककरांच्या आकर्षणाचा केंद्रबिंदू ठरत आहे. 

26/08/2025 15:30:06

मराठा आरक्षण आंदोलनानंतर शेतकरी कर्जमाफीच आंदोलनही मुंबई धडकणार

मराठा आरक्षणापाठोपाठ आता शेतकरी कर्जमाफीसाठी मुंबईत आंदोलन धडकणार आहे. कर्जमाफीसाठीच्या आंदोलनाची रणनीती ठरली असून सरकारला दोन महिन्याचा अल्टिमेटम देण्यात आलाय. सुरुवातीला विभागवार मेळावे घेतले जाणार आहेत. त्यानंतर 28 ऑक्टोबरला मुंबईत भव्य मेळाव्याचे आयोजन करण्यात येणार आहे. राज्यातील सर्वपक्षीय संघटनांसह शेतकरी संघटना देखील या आंदोलनात सहभागी होणार आहेत. शिवसेना उद्धव ठाकरे गटाचे धाराशिवचे आमदार कैलास पाटील यांनी याबाबत माहिती दिली. 

26/08/2025 15:27:29

बीडमधील राड्यानंतर लक्ष्मण हाके गेवराई पोलिसांना शरण जाणार?

बीड: लक्ष्मण हाके गेवराई पोलिसांना शरण जाणार आहेत.  काल राडा झाल्यानंतर लक्ष्मण हाके यांच्यावर गुन्हा दाखल झाला आहे. गुन्हा दाखल होताच हाके पोलिसांना शरण जाण्याची शक्यता आहेत. हाके यांच्यासह 13 जणांवर गुन्हा दाखल करण्यात आला आहे.

26/08/2025 13:38:34

बीडमधील जमावबंदी आदेशानंतर अंतरवाली सराटीच्या वेशीवर कडेकोट पोलीस बंदोबस्त

बीडमध्ये लागू करण्यात आलेल्या जमावबंदी आदेशानंतर जालना जिल्ह्यातील अंतरवाली सराटी व वडीगोद्री येथे पोलिसांचा बंदोबस्त वाढवण्यात आला आहे. मराठा व ओबीसी समाजाच्या उपोषण स्थळांवर अतिरिक्त पोलिसांची कुमक तैनात करण्यात आली असून, कोणताही अनुचित प्रकार घडू नये म्हणून पोलीस सतर्क आहेत. पोलीस अधीक्षक अजयकुमार बन्सल यांच्या आदेशानंतर RCP व SRPF च्या प्रत्येकी 2 कंपन्या, 5 डीवायएसपी, 8 पीआय, 266 पोलीस अधिकारी व कर्मचारी, तसेच 165 होमगार्ड यांची तैनाती करण्यात आली आहे. गेवराई येथे झालेल्या राड्यानंतर लक्ष्मण हाके यांचे ठाण मांडणे लक्षात घेता वडीगोद्री परिसरात विशेष खबरदारी घेतली जात आहे.

26/08/2025 13:04:36

नांदेड-मुंबई 'वंदे भारत एक्सप्रेस'ने उघडले मराठवाड्याच्या समृद्धीचे द्वार : मुख्यमंत्री फडणवीस

मुंबई : मराठवाड्याचे मागासलेपण दूर करण्यासाठी शासन येथील गतिमान दळणवळणावर भर देत आहे. ' वंदे भारत एक्सप्रेस' ने नांदेड राजधानी मुंबईच्या अधिक जवळ आले असून यामुळे निश्चितच मराठवाड्याच्या समृद्धीचे द्वार उघडले आहे, असा विश्वास मुख्यमंत्री देवेंद्र फडणवीस यांनी व्यक्त केला.  नांदेड - मुंबई वंदे भारत एक्सप्रेसचा नांदेड रेल्वे स्थानकावरून शुभारंभ करण्यात आला. या रेल्वे गाडीचा मुख्यमंत्री देवेंद्र फडणवीस यांनी मंत्रालयातून ऑनलाइन पद्धतीने हिरवा झेंडा दाखवून शुभारंभ केला. मंत्रालयात आयोजित कार्यक्रमाला सार्वजनिक आरोग्य राज्यमंत्री मेघना बोर्डीकर साकोरे, मध्य रेल्वेचे महाव्यवस्थापक धर्मवीर मीना, प्रधान मुख्य परिचालन अधिकारी श्याम सुंदर गुप्ता, मुख्य प्रशासकीय अधिकारी (बांधकाम) अवनीश कुमार पांडे, विभागीय प्रबंधक हिरेश मीना आदी उपस्थित होते. 

26/08/2025 13:03:24

पैसे द्या पैसे द्या, देवा भाऊ पैसे द्या...; नागपुरात कंत्राटदारांचा भीक मागो आंदोलन

नागपुरात कंत्राटदारांनी राज्य सरकारचा निषेध करण्यासाठी भीक मागो आंदोलन सुरू केलं आहे. नागपूरच्या संविधान चौकावर महाराष्ट्र कंत्राटदार महासंघाच्या नेतृत्वात हे आंदोलन होत आहे. राज्यभरातील विविध विभागांसोबत काम करणाऱ्या कंत्राटदारांचे सुमारे 90 हजार कोटी रुपये सरकारकडे थकीत आहेत. सरकार आपल्या ढासळलेल्या आर्थिक स्थितीमुळे कंत्राटदारांचे थकीत पैसे देत नसल्यामुळे अनेक कंत्राटदार आर्थिक अडचणीत आले असून त्यांना बँकेचा व्याज भरणे कठीण झालं आहे, असं कंत्राटदार महासंघाचा आरोप आहे. त्याच अनुषंगाने सरकारचा निषेध करण्यासाठी आज नागपुरात कंत्राटदारांकडून भीक मागून आंदोलन केलं जात आहे. 

26/08/2025 12:01:42

लक्ष्मण हाके यांनी आधी ग्रामपंचायत सदस्य व्हावे आणि मग खासदाराचा राजीनामा मागावा : खासदार बजरंग सोनवणे

आमदार, खासदारांचा राजीनामा मागणाऱ्यांनी आधी ग्रामपंचायत सदस्य व्हावे आणि मग आमचा राजीनामा मागावा. असे प्रत्युत्तर खासदार बजरंग सोनवणे यांनी लक्ष्मण हाके यांना दिले आहे...प्राध्यापक लक्ष्मण हाके...यांनी आमदार विजयसिंह पंडित, आमदार प्रकाश सोळंके व खासदार बजरंग सोनवणे यांनी आधी राजीनामा द्यावा आणि मग जरांगे यांच्या आंदोलनात उतरावे अशी टीका केली होती.. त्यावर खासदार बजरंग सोनवणे यांनी मला राजीनामा मागण्याचा अधिकार बीड जिल्ह्यातील जनतेचा आहे.. बीड जिल्ह्याच्या बाहेरून येणाऱ्यांनी मला राजीनामा मागू नये असे देखील खासदार बजरंग सोनवणे यांनी म्हटले आहे.

26/08/2025 11:33:13

मुख्यमंत्र्यांचे ओएसडी मनोज जरांगे यांच्या भेटीला; राजेंद्र साबळे अंतरवेली सराटीमध्ये दाखल

मुख्यमंत्र्यांचे ओएसडी मनोज जरांगे यांच्या भेटीला..

राजेंद्र साबळे अंतरवेली सराटी मध्ये दाखल..

मनोज जरांगे यांना आंदोलन पुढे ढकलण्याची विनंती करण्याची शक्यता?

26/08/2025 11:06:36

गेवराईतील हाके पंडित राड्यानंतर जिल्हा प्रशासन अलर्ट; जिल्ह्यात जमावबंदी आदेश जारी, पुढील 15 दिवस विविध आंदोलने निदर्शनावर बंदी

मनोज जरांगे पाटील यांच्या आंदोलनापूर्वीच काल बीडच्या गेवराई मध्ये ओबीसी आंदोलक लक्ष्मण हाके आणि आमदार विजयसिंह पंडित समर्थकांत राडा झाला होता. याच पार्श्वभूमीवर जिल्ह्यात अनुचित प्रकार घडू नये यासाठी जिल्हा प्रशासन सतर्क झाले आहे. निवासी जिल्हाधिकाऱ्यांनी आज मध्यरात्रीपासूनच बीड जिल्ह्यात पुढील पंधरा दिवस जमावबंदीचे आदेश जारी केले आहेत. पुढील पंधरा दिवस कुठलेही आंदोलन निदर्शने होणार नाहीत. एवढेच नाही तर पाच पेक्षा अधिक जमाव एकत्रित येण्यास देखील मज्जाव घालण्यात आला आहे. या दरम्यान प्रतिबंधात्मक कारवाई झुगारण्यावर कायदेशीर कारवाई करण्याचा इशारा देखील पोलीस प्रशासनाने दिला आहे.

26/08/2025 10:37:19

भंडाऱ्याचे पालकमंत्री पद सोडण्यासाठी मंत्री संजय सावकारेंवल दबाव होता; आमदार नरेंद्र भोंडेकर यांचे गंभीर आरोप

भंडाऱ्याचे पालकमंत्री पद सोडण्यासाठी मंत्री संजय सावकारेंवल दबाव होता 

मागच्या निधीत आम्हाला पाहिजे तसा निधी मिळत होता… 

मात्र, यंदा दबाव असल्याने तसा निधी मिळाला नाही 

बाहेरच्या जिल्ह्यांच्या पालकमंत्री आला तर तो वेळ देऊ शकत नाही 

आमची मागणी हिच आहे की पालकमंत्री स्थानिक असावा 

बाहेरचे येऊ आम्हाला किती वेळ देऊ शकणार आहात 

स्थानिक आमदारांना कामच देऊ नका असं जर पालकमंत्र्यांना सांगितलं जात असेल तर ते चुकीचं आहे

26/08/2025 10:27:23

मुंबई ॲक्वामेट्रोतून पहिल्यांदाच गणपतीचं आगमन; प्रभादेवीतुन थेट अंधेरीपर्यंत बाप्पांनी केला मेट्रोचा प्रवास

मुंबई ॲक्वामेट्रोतून पहिल्यांदाच गणपतीचं आगमन

मुंबईतील खड्ड्याच्या साम्राज्याला कंटाळून गणेशभक्तांनी  थेट मुंबई मेट्रोच्या एक्वा लाईन मधुन गणपती बाप्पा घरी आणले

मेट्रोची एक्वा लाईन सुरु झाल्यानंतर पहिल्यांदाच गणरायांचं आगमन मेट्रोने झाले आहे 

 पश्चिम द्रुतगती मार्गावरती अनेक ठिकाणी खड्ड्यांचे साम्राज्य असल्यामुळे प्रभादेवीतुन थेट अंधेरी पर्यंत गणपती बाप्पांनी मेट्रोचा प्रवास केला..

26/08/2025 09:53:14

अज्ञाताने जाळले सायखेडा ग्रामपंचायतिचे दस्तावेज; ग्रामसभेच्या आदल्या रात्रीची घटना

यवतमाळच्या पांढरकवडा तालुक्यातील सायखेडा ग्रामपंचायत कार्यालय फोडून महत्त्वाचे दस्तऐवज जाळल्याचा प्रकार उघडकीस आला. विशेष म्हणजे दुसऱ्यादिवशी ग्रामसभा असताना हा प्रकार घडल्याने भ्रष्टाचार उघडकीस येऊ नये यासाठी हा प्रकार असल्याचा आरोप गावकऱ्यांनी केला आहे. सायखेडा ग्रामपंचायतीमध्ये विविध योजनेत मोठ्या प्रमाणावर भ्रष्टाचार होत असल्याच्या अनेक तक्रारी गटविकास अधिकारी, मुख्य कार्यकारी अधिकारी यांच्याकडे गावकऱ्यांनी केल्या होत्या. परंतु, या तक्रारीची दखल घेण्यात आली नाही. या प्रकरणी चौकशी करून आरोपीला अटक करावी, अशी मागणी होत आहे. दरम्यान पांढरकवडा पोलीस ठाण्याचे श्वान पथकाला पाचारण करण्यात आले होते. ही दस्तऐवज कोणी आणि काजले याचा तपास पोलीस करीत आहे.

26/08/2025 09:40:10

कोकणात येणाऱ्या गणेशभक्तांची गर्दी वाढली; मुंबई-गोवा महामार्गावर संगमेश्वरमध्ये वाहतूक धिम्या गतीने

मुंबई गोवा महामार्गावर संगमेश्वर मध्ये वाहतूक धिम्या गतीने.

संगमेश्वर बस स्थानकाच्या समोरील रस्ता आणि पुलाच्या कामामुळे वाहतुकीला अडथळा.

खराब रस्ता आणि अपूर्ण कामामुळे खासगी बस आणि कारच्या महामार्गावर रांगा.

काही तासांवर गणपतीचे आगमन आले असताना कोकणात येणाऱ्या गणेशभक्तांची गर्दी वाढली.

26/08/2025 08:53:19

पुण्यात दुचाकीच्या सर्व्हिस सेंटरमध्ये भीषण आग; आगीचे कारण अद्याप अस्पष्ट

पुण्यात दुचाकीच्या सर्व्हिस सेंटर मध्ये भीषण आग 

सर्व्हिस सेंटर मध्ये असणाऱ्या 60 दुचाकी जळून खाक 

काल रात्री बंडगार्डन परिसरात घडली घटना 

बंडगार्डन परिसरात असणाऱ्या TVS कंपनीच्या सर्व्हिस सेंटर मध्ये लागली होती आग 

अग्निशमन दलाच्या जवानांकडून आग रात्री 1 तासात आटोक्यात

घटनेत कुणीही जखमी नाही 

मात्र सर्व्हिस सेंटर पूर्णपणे जळून खाक 

आगीचे कारण अद्याप अस्पष्ट

26/08/2025 08:33:17

सलग तिसऱ्या दिवशी ठाणे रेल्वे स्थानकवर कोकणवासियांची मोठी गर्दी

सलग तिसऱ्या दिवशी ठाणे रेल्वे स्थानक फलक क्रमांक सातवर मांडवी एक्सप्रेस पकडण्याकरिता फलाट क्रमांक ७ वर कोकणवासियांची मोठी गर्दी.गणेशोत्सवासाठी कोकणवासीय आपापल्या गावी जाण्यासाठी  निघाले आहेत.जनरल बोगीतून प्रवास करण्यासाठी कोकणवासीयांना काही  तास पासून ठाणे रेल्वे स्थानकावर रांग लावावी लागत आहे.

26/08/2025 08:32:08

उजनी धरण काठोकाठ भरल्याने उजनीतून विसर्ग वाढवला, भीमा पात्रात 45 हजार क्युसेकने विसर्ग

पुणे, सोलापूर, नगर जिल्ह्यासाठी जीवनदायिनी असलेलं उजनी धरण काठोकाठ भरलं आहे. उजनी धरणातील पाणीसाठा 103 टक्क्याच्या वर गेल्याने काल रात्रीपासून उजनीतून भीमा पात्रात पाण्याचा विसर्ग वाढवण्यात आलाय. सध्या उजनीत 119 टीएमसी हून अधिक पाणीसाठा असून उजनीतून भीमा पात्रात 16 दरवाज्यातून 45 हजार क्युसेकने पाण्याचा विसर्ग सुरू आहे. प्रशासनाने नदीकाठच्या गावांना सतर्कतेचा इशारा दिला आहे.

26/08/2025 08:07:45

उजनी धरण काठोकाठ भरल्याने उजनीतून विसर्ग वाढवला, भीमा पात्रात 45 हजार क्युसेकने विसर्ग

पुणे, सोलापूर, नगर जिल्ह्यासाठी जीवनदायिनी असलेलं उजनी धरण काठोकाठ भरलं आहे. उजनी धरणातील पाणीसाठा 103 टक्क्याच्या वर गेल्याने काल रात्रीपासून उजनीतून भीमा पात्रात पाण्याचा विसर्ग वाढवण्यात आलाय. सध्या उजनीत 119 टीएमसी हून अधिक पाणीसाठा असून उजनीतून भीमा पात्रात 16 दरवाज्यातून 45 हजार क्युसेकने पाण्याचा विसर्ग सुरू आहे. प्रशासनाने नदीकाठच्या गावांना सतर्कतेचा इशारा दिला आहे.

26/08/2025 08:07:44

उजनी धरण काठोकाठ भरल्याने उजनीतून विसर्ग वाढवला, भीमा पात्रात 45 हजार क्युसेकने विसर्ग

पुणे, सोलापूर, नगर जिल्ह्यासाठी जीवनदायिनी असलेलं उजनी धरण काठोकाठ भरलं आहे. उजनी धरणातील पाणीसाठा 103 टक्क्याच्या वर गेल्याने काल रात्रीपासून उजनीतून भीमा पात्रात पाण्याचा विसर्ग वाढवण्यात आलाय. सध्या उजनीत 119 टीएमसी हून अधिक पाणीसाठा असून उजनीतून भीमा पात्रात 16 दरवाज्यातून 45 हजार क्युसेकने पाण्याचा विसर्ग सुरू आहे. प्रशासनाने नदीकाठच्या गावांना सतर्कतेचा इशारा दिला आहे.

26/08/2025 08:07:41

उजनी धरण काठोकाठ भरल्याने उजनीतून विसर्ग वाढवला, भीमा पात्रात 45 हजार क्युसेकने विसर्ग

पुणे, सोलापूर, नगर जिल्ह्यासाठी जीवनदायिनी असलेलं उजनी धरण काठोकाठ भरलं आहे. उजनी धरणातील पाणीसाठा 103 टक्क्याच्या वर गेल्याने काल रात्रीपासून उजनीतून भीमा पात्रात पाण्याचा विसर्ग वाढवण्यात आलाय. सध्या उजनीत 119 टीएमसी हून अधिक पाणीसाठा असून उजनीतून भीमा पात्रात 16 दरवाज्यातून 45 हजार क्युसेकने पाण्याचा विसर्ग सुरू आहे. प्रशासनाने नदीकाठच्या गावांना सतर्कतेचा इशारा दिला आहे.

26/08/2025 08:05:06

पंडित-हाके समर्थकांमध्ये वादानंतर गेवराईत शांतता, व्यवहार सुरळीत

बीडच्या गेवराई शहरातील छत्रपती शिवाजी महाराज चौकात काल ओबीसी नेते लक्ष्मण हाके आणि आमदार विजयसिंह पंडित यांच्या समर्थकांमध्ये वाद झाला.
या दरम्यान पंडित समर्थकांनी हाके यांच्या गाड्यांवर दगडफेक केली, तर हाके समर्थकांनीही प्रतिउत्तर दिलं. त्यामुळे तणावाची स्थिती निर्माण झाली होती. मात्र, पोलिसांनी वेळीच हस्तक्षेप करत दोन्ही बाजूंच्या समर्थकांना पांगवून परिस्थिती नियंत्रणात आणली. 

26/08/2025 07:15:07

Kolhapur News : गॅस पाईपलाईन जोडण्याच्या दिवशी स्फोट, दोन लहान मुलांसह चौघे जखमी

गॅस पाईपलाईन जोडण्याच्या दिवशी स्फोट, दोन लहान मुलांसह चौघे जखमी

कोल्हापूरच्या कळंबा परिसरातील घटना, मोठा अनर्थ टळला

घरातील नऊ लाखांचे नुकसान, गॅस पाईप जोडणाऱ्या कंपनी विरोधात संताप

सोमवारी रात्री अकरा वाजण्याच्या सुमारास घडली घटना

26/08/2025 07:14:21

मुंबई-गोवा महामार्गावर बळवली फाट्यावर पहाटे अपघात; 2 ओव्हरलोड डंपर यांची एकमेकांना धडक

रायगड : मुंबई-गोवा महामार्गावर बळवली फाट्यावर पहाटे अपघात 

2 ओव्हरलोड डंपर यांची एकमेकांना धडक 

जोरदार झालेल्या अपघातात 1 जण गंभीर जखमी

गणेशोत्सव काळात रात्रीच्या अंधारात  बंदी असलेली ओव्हरलोड वाहतूक सुरू असल्यामुळे अपघात 

जिल्हा पोलीस प्रशासनाने ओव्हरलोड वाहतुकीवर कारवाई करण्याची प्रवाश्यांसह गणेशभक्तांची मागणी

26/08/2025 06:58:54

गणेशोत्सवासाठी कोकणाच्या दिशेने रात्री हजारो वाहने रवाना; एसटी बसेस, खाजगी वाहनांची रात्रभर रेलचेल

गणेशोत्सवासाठी कोकणाच्या दिशेने रात्री हजारो वाहने रवाना 

गणेशोत्सवासाठी अवघे काही तास शिल्लक 

हजारो एसटी बसेस, खाजगी वाहनांची रात्रभर सुरू होती रेलचेल 

वाहतुक सुरळीत आणि कोंडी न होता सुरू राहण्यासाठी पोलिसांची योग्य भूमिका

26/08/2025 06:44:07

इतवारी बाजारपेठेत कार, ट्रक, ई-रिक्षावर बंदी

गणेश उत्सव काळातील वाहतूक कोंडी टाळण्यासाठी वाहतूक पोलीस विभागाने इतवारी बाजारपेठेत कार, ट्रक, ई रिक्षावर बंदी लावण्यात आली.

तसेच गणेश मूर्तीची बाजारपेठ असलेल्या चीतारओळ मार्केट मध्ये पण हि बंदी असणार आहे.

शाहिद चौक ते किराणा ओळ ची वाहातून वन वे करण्यात आले.

26/08/2025 06:43:16

बीडमध्ये लक्ष्मण हाकेंच्या गाडीवर दगडफेक

बीडमध्ये लक्ष्मण हाकेंच्या गाडीवर दगडफेक...हाके आणि विजयसिंह पंडितांचे कार्यकर्ते आमनेसामने...जरांगेंच्या पोस्टरवरून झाला राडा... 

26/08/2025 06:43:03

भाजपचे नवनियुक्त मुंबई अध्यक्ष अमित साटम आज पदभार स्वीकारणार

भाजपचे नवनियुक्त मुंबई अध्यक्ष अमित साटम आज पदभार स्वीकारणार...वसंतस्मृतीतील कार्यालयात मावळते अध्यक्ष आशिष शेलारांसह लोढा, दरेकर राहणार उपस्थित...

26/08/2025 06:42:22

आज राज्य मंत्रिमंडळाची बैठक

आज राज्य मंत्रिमंडळाची बैठक...सलग दोन बैठकांना अनुपस्थित राहिलेले एकनाथ शिंदे आज उपस्थित राहणार का याची उत्सुकता...नियोजित वेळापत्रकात मंत्रिमंडळ बैठकीचा उल्लेख