Maharashtra Live Blog Updates: जिथे जिथे शक्य, त्या ठिकाणी महायुती करायची; देवेंद्र फडणवीसांची

16/11/2025 15:54:58

नागपूर-उमरेड रोडवर धावत्या ट्रॅव्हल्सला आग; 45 प्रवासी थोडक्यात बचावले

नागपूर : VIT कॉलेज ते उकळवाही हेटी दरम्यान उमरेड-नागपूर रोडवर आज दुपारी एका खासगी ट्रॅव्हल्स बसला अचानक आग लागल्याने मोठा अपघात टळला. बसमध्ये एकूण 45 प्रवाशी प्रवास करीत होते. सुदैवाने सर्वजण वेळीच बाहेर पडल्याने जीवितहानी टळली. प्राथमिक माहितीनुसार, धावत्या बसला शॉर्ट सर्किट झाल्यामुळे आग लागल्याचे समजते.

घटना दुपारी सुमारे २:३० वाजता घडली. VIT कॉलेजकडून उकळवाही हेटीकडे जाणाऱ्या या ट्रॅव्हल्समध्ये अचानक धूर दिसू लागला. चालकाने तातडीने बस थांबवली आणि प्रवाशांना बाहेर काढले. काही क्षणांतच बसने पेट घेतला. स्थानिक नागरिक आणि वाहनचालकांनी मदत करून आगीवर नियंत्रण मिळवले, मात्र बसचा मोठा भाग जळून खाक झाला.

पोलिस आणि अग्निशमन दलाच्या पथकाने घटनास्थळी धाव घेतली. आग पूर्णपणे विझवण्यात यश आले. अपघातामुळे रस्त्यावर काही काळ वाहतूक कोंडी निर्माण झाली. पोलिसांनी प्रकरणाची चौकशी सुरू केली असून, शॉर्ट सर्किटची कारणे तपासली जात आहेत. प्रवाशांमध्ये काहीजण किरकोळ जखमी झाले असून, त्यांना जवळच्या रुग्णालयात दाखल करण्यात आले. घटनेची अधिक माहिती मिळण्यासाठी कुही पोलिसांचा तपास सुरू आहे.

16/11/2025 15:38:49

भंडाऱ्यात महायुती नाही; सर्व पक्षांची स्वबळाची घोषणा

भंडारा : नगराध्यक्षपदाची शिवसेनेची उमेदवारी शिवसेना आमदार नरेंद्र भोंडेकर यांची पत्नी डॉ अश्विनी भोंडेकर यांना घोषित झाली. यापूर्वी काँग्रेसच्या जयश्री बोरकर, भाजपच्या मधुरा मदनकर आणि अजित पवारांच्या राष्ट्रवादी काँग्रेसच्या सुषमा साखरकर यांच्या नावाची घोषणा झालेली आहे. त्यामुळं भंडाऱ्यातील चार नगरपरिषदेत महायुती एकत्र लढणार नाही, हे आता स्पष्ट झालं आहे. तर, काँग्रेसही स्वबळावर लढत असल्यानं आघाडीतही बिघाडी झाल्याचं दिसून येतं आहे. शिवसेना, भाजप, राष्ट्रवादी काँग्रेस आणि काँग्रेस पक्षाचे उमेदवार उद्या शेवटच्या दिवशी त्यांच्या समर्थकांच्या रॅलीसह उमेदवारी अर्ज सादर करून एकप्रकारे शक्तिप्रदर्शन करणार आहेत.

16/11/2025 14:47:48

जिथे जिथे शक्य, त्या ठिकाणी महायुती करायची; देवेंद्र फडणवीसांची भूमिका

नगरपंचायत आणि नगरपरिषदेची उमेदवारी अर्ज दाखल करण्याचा उद्याचा शेवटचा दिवस राहिला आहे. असं असताना मुख्यमंत्री देवेंद्र फडणवीस यांनी या निवडणुकीमधील महायुतीबाबत महत्वाचे वक्तव्य केले आहे. जिथे जिथे शक्य आहे, त्या त्या ठिकाणी आपल्याला महायुती करायची आहे. जिथे शक्य नाही तिथे आपण करू शकणार नाही. पण एवढं मात्र लक्षात ठेवायचं आहे, एखाद्या ठिकाणी आपली महायुती जरी झाली नाही तरी आपल्यासमोर लढणारे पक्ष आपले मित्र पक्ष आहेत, ते आपले शत्रू नाहीयेत, विरोधकही नाही. ते आपले मित्र पक्ष आहेत हे आपण लक्षात ठेवूनच या ठिकाणी ही लढाई करायची आहे. त्यामुळे पुढच्याही काळामध्ये या महाराष्ट्रातल्या स्थानिक स्वराज्य संस्था आहे त्या संस्थेमध्ये जो कोणी सत्तेवर येईल तो महायुतीचाच असला पाहिजे अशा प्रकारचा प्रयत्न आपण करू, असे फडणवीस म्हणाले आहे. त्यामुळे महाराष्ट्रात सर्वच ठिकाणी महायुती होणार नाही हे आता जवळपास स्पष्ट झाले आहे.

16/11/2025 14:42:41

अमित ठाकरे यांनी छत्रपती शिवाजी महाराज पुतळ्याचे अनावरण केल्यानंतर गोंधळ

अमित ठाकरे यांनी छत्रपती शिवाजी महाराज पुतळ्याचे अनावरण केल्यानंतर गोंधळ

भाजप आणि मनसेच्या कार्यकर्त्यांमध्ये बाचाबाची; पोलीसांच्या मध्यस्थीने पुढील घटना टळली.

भाजपाच्या कार्यकर्त्यांनी केला मनसेच्या कृतीचा निषेध.

16/11/2025 13:43:49

नाशिकमध्ये होणाऱ्या कुंभमेळ्याचे काम संथ गतीने; नरेंद्रचार्य महाराजांची सरकारवर नाराजी

नाशिक : येथे होणाऱ्या कुंभमेळ्याच्या कामांना संथ गती असल्याने नरेंद्राचार्य महाराजांनी सरकारबद्दल नाराजी व्यक्त केली आहे. साधू-महंतांच्या जागांवर पक्के बांधकाम करू नये, यासाठी सरकारने तातडीने निर्णय घेण्याची मागणी त्यांनी केली. साधूग्रामसाठी निश्चित करण्यात आलेल्या जागेत शेतकऱ्यांना योग्य मोबदला द्यावा, तसेच साधूग्रामची उपलब्ध जागा नाशिकमध्ये अत्यंत अपुरी असल्याचे त्यांनी सांगितले. आमच्या मठाच्या जागेवर बस डेपो उभारला असल्याने आमच्यापुढे जागेचा प्रश्न निर्माण झाल्याचे त्यांनी स्पष्ट केले. कुंभमेळ्याचे मंत्री गिरीश महाजन आणि राज्य सरकारने या सर्व मुद्द्यांवर लवकरात लवकर निर्णय घ्यावा, अशी त्यांनी मागणी केली.

16/11/2025 13:04:12

वनमंत्री गणेश नाईक यांच्या उपस्थितीत होणार वृक्ष संकल्पपूर्ती सोहळा

- वनमंत्री गणेश नाईक यांच्या उपस्थितीत होणार वृक्ष संकल्पपूर्ती सोहळा...

- नाशिकच्या रामशेज किल्ल्याच्या पायथ्याला नरेंद्रचार्यजी महाराज यांच्या दक्षिणपीठ येथे होणार वृक्ष संकल्पपूर्ती सोहळा...

- १ लाख ११ हजार ४२४ झाडे अवघ्या तीस दिवसांत लावण्यात आली

- राज्याचे वनमंत्री यांच्या उपस्थितीत कुंभनगरीत होणार साधू महंतांच्या पुढाकाराने वृक्ष संकल्प...

- वृक्ष लागवड संकल्पपूर्ती सोहळ्याला राज्यभरातून रामानंद्राचार्य नरेंद्र महाराज भक्तगण उपस्थित...

16/11/2025 11:42:59

संशयित दहशतवादी झुबेर हंगरगेकर याच्या कॉन्टॅक्ट लिस्टमध्ये पाकिस्तानचा नंबर

संशयित दहशतवादी झुबेर हंगरगेकर याच्या कॉन्टॅक्ट लिस्ट मध्ये मध्ये पाकिस्तान चा नंबर

झुबेर हंगरगेकर च्या मोबाईल मधील कॉन्टॅक्ट लिस्ट मध्ये ५ आंतरराष्ट्रीय क्रमांक

हंगरगेकर याच्या जुन्या आणि वापरत्या हँडसेट मध्ये आखाती देशातील नंबर

जुन्या हँडसेट मध्ये १ नंबर पाकिस्तान, २ नंबर सौदी अरेबिया, १ नंबर ओमान आणि १ नंबर कुवेत चा

वापरत असलेल्या मोबाईल मध्ये १ ओमान आणि ४ सौदी अरेबिया चे नंबर सेव्ह

या नंबर बाबत चौकशी केली असता माहीत नसल्याचं हंगरगेकर चे उत्तर

संशयित दहशतवादी जुबेर हंगरगेकर याची न्यायालयीन कोठडीत रवानगी करण्यात आली आहे

अल कायदा इन इंडियन सबकाँटिनेन्ट (एक्यूआयएस) या दहशतवादी संघटनेच्या समर्थनार्थ जिहादचा प्रसार-प्रचार करून देशाच्या एकता व सुरक्षिततेला धोका निर्माण केल्याच्या आरोपावरून जुबेर इलियास हंगरगेकर अटक करण्यात आली होती

16/11/2025 11:42:57