Local Body Election 2025 Jamner : राज्यात सध्या स्थानिक स्वराज्य संस्थांच्या निवडणुकांचे (Local Body Election 2025) वारे वाहत असून प्रत्येक पक्ष त्या अनुषंगाने जोरदार मोर्चेबांधणी करत आहे. अशातच जामनेरमध्ये उमेदवारी माघार घेण्यासाठी दबाव आणला जात असल्याचा आरोप करत, आपल्या उमेदवारांनी उमेदवारी माघार घेऊ नये यासाठी जामनेरमधील राष्ट्रवादी शरद पवार गटाचे सहा मुस्लिम नगरसेवक अज्ञात स्थळी रवाना झाले आहेत. अज्ञात स्थळी जात असतानाचा व्हिडिओ सध्या सोशल मीडियावर व्हायरल झाल्याने राजकीय क्षेत्रात खळबळ उडाली आहे.
Jamner : अज्ञात स्थळी जात असतानाचा व्हिडिओ व्हायरल; राजकीय क्षेत्रात खळबळ
जामनेर नगराध्यक्ष पदाच्या निवडणुकीत भाजप उमेदवार आणि मंत्री गिरीश महाजन यांच्या पत्नी विरोधात असलेल्या उमेदवारांनी माघार घेतल्याने साधना महाजन यांची बिनविरोध निवड झाली होती. त्याच बरोबर दहा नगरसेवकही बिन विरोध झाल्याने, भाजप बहुमताकडे जाऊन विजयाचा मार्ग सुकर होण्याची चिन्हे दिसू लागल्या आहे. तर अजूनही काही नगरसेवक पदाचे उमेदवार हे माघार घेण्याची शक्यता लक्षात घेता जामनेरमध्ये राष्ट्रवादी शरद पवार गटकडून विशेष खबरदारी घेतली जातेय. शहरातील वॉर्डनंबर चारमधील उमेदवार असलेल्या जावेद मुल्लाजी यांनी आपल्यासह, राष्ट्रवादी शरद पवार गटाचे पाच जणांना सोबत घेऊन अज्ञात स्थळी रवाना झाले आहेत. दरम्यान, विविध प्रलोभने आणि धाक दडपशाही करून, कोणाचेही नाव न घेता, ही निवडणूक हायजॅक करण्याचा प्रयत्न केला जात असल्याचा व्हिडिओमध्ये सांगत जावेद मुल्ला यांनी आपला व्हिडिओ वायरल केल्याने राजकीय क्षेत्रात मोठी खळबळ उडाली आहे.
जळगाव जिल्ह्यात 16 नगरपरिषद व 2 नगरपंचायत अशा एकूण 18 ठिकाणी निवडणूक होत असून या निवडणुकीतील पक्षनिहाय नगराध्यक्ष पदाचे नावे
चाळीसगाव नगरपरिषद
भाजप: प्रतिभा मंगेश चव्हाण ( भाजपा आमदार मंगेश चव्हाण यांची पत्नी)
महाविकास आघाडी: पद्मजा राजीव देशमुख ( शरद पवार गटाचे माजी दिवंगत आमदार राजीव देशमुख यांच्या पत्नी)
राष्ट्रवादी (अजित पवार): समाधान पाटील
पाचोरा नगरपरिषद
शिवसेना शिंदे: सुनिता किशोर पाटील(शिंदे गटाचे आमदार किशोर पाटील यांच्या पत्नी)
भाजप: सुजेता दिलीप वाघ ( माजी आमदार दिलीप वाघ यांच्या पत्नी)
भडगाव नगरपरिषद
भाजप: सुशीला शांताराम पाटील
शिवसेना शिंदे: रेखा प्रदीप मालचे
अमळनेर नगरपरिषद
शिवसेना शिंदे: डॉ. परीक्षित बाविस्कर
शहर विकास आघाडी: जितेंद्र हरिश्चंद्र ठाकूर
भुसावळ नगरपरिषद
भाजप / शिंदे: रजनी संजय सावकारे (वस्त्रोद्योग मंत्री संजय सावकारे यांच्या पत्नी)
राष्ट्रवादी / ठाकरे गट: गायत्री चेतन भंगाळे
राष्ट्रवादी (अजित पवार गट): अर्शिया अन्सारी
काँग्रेस: सविता प्रवीण सुरवाडे
जामनेर नगरपरिषद
भाजप: साधना गिरीश महाजन(जलसंपदा मंत्री गिरीश महाजन यांच्या पत्नी)
महाविकास आघाडी: ज्योत्स्ना विसपुते
चोपडा नगरपरिषद
शिवसेना शिंदे/काँग्रेस: नम्रता सचिन पाटील
भाजप/राष्ट्रवादी अप: साधना नितीन चौधरी
शिवसेना ठाकरे: रोहिणी प्रकाश पाटील
वरणगाव नगरपरिषद
शिवसेना शिंदे: तृप्ता समाधान महाजन
भाजप: शामल झांबरे
महाविकास आघाडी: राजेंद्र चौधरी
अपक्ष (भाजप बंडखोर) सुनील काळे
धरणगाव नगरपरिषद
महायुती: वैशाली विनय भावे
महाविकास आघाडी: लिलाबाई सुरेश चौधरी
यावल नगरपरिषद
महाविकास आघाडी: छाया पाटील
शिवसेना शिंदे: स्वाती मनोहर पाटील
नशिराबाद नगरपरिषद
भाजप/शिंदे: योगेश पाटील
राष्ट्रवादी अजित पवार: गणेश चव्हाण
एरंडोल नगरपरिषद
भाजप/शिंदे: डॉ. नरेंद्र धुडकू ठाकूर
राष्ट्रवादी अजित पवार: गायत्री दीपक पाटील
शिवसेना ठाकरे: रघुनाथ ठाकूर
पारोळा नगरपरिषद
भाजप/शिंदे: चंद्रकांत पाटील
शिवसेना ठाकरे/राष्ट्रवादी अजित पवार : अंजली करण पवार
फैजपूर नगरपरिषद
भाजप: दामिनी पवन सराफ
काँग्रेस: नीलिमा केतन किरंगे
राष्ट्रवादी अजित पवार: सुमय्या शेख कुरबान
सावदा नगरपरिषद
भाजप/शिंदे: रेणुका राजेंद्र पाटील
राष्ट्रवादी अजित पवार: सुभद्राबाई बडगे
रावेर नगरपरिषद
भाजप: संगीता भास्कर महाजन
शिवसेना ठाकरे: मनीषा रविंद्र पवार
राष्ट्रवादी अजित पवार : शबानाबी आसिफ मोहम्मद
मुक्ताईनगर नगरपंचायत
भाजप: भावना ललित महाजन
शिवसेना शिंदे: संजना चंद्रकांत पाटील
शेंदुर्णी नगरपंचायत
भाजप: गोविंद अग्रवाल
राष्ट्रवादी शरद पवार: उज्वला सतीश काशीद
आणखी वाचा